Neytendablaðið - 01.03.2009, Blaðsíða 11

En það sem ég held að hafi bjargað þessu var hlýhugur krakkanna
og starfsfólksins. Ein bekkjarsystir dóttur minnar, hún Lucía Gómez,
tók hana upp á sína arma og huggaði og styrkti þegar hún þurfti
mest á að halda.
Skrattanum skemmt í afmæli
Spánverjar virðast líta heimilið allt öðrum augum en Íslendingar.
Á Íslandi er gjarnan opið hús, krakkar hlaupa inn og út hver hjá
öðrum, menn halda upp á afmæli heima og bjóða vinum í mat.
Á Spáni, í það minnsta í Madríd, er heimilið virki eða skjól.
Krakkarnir hittast á hlutlausum svæðum og vinir fara út að borða
á veitingastöðum. Það kemur því ekki á óvart að Spánverjar séu sú
þjóð Evrópu sem mestu eyðir hlutfallslega í mat á veitingastöðum.
Ég hef fylgt syninum í tvö afmæli á MacDonald’s. Ég hélt ég yrði
ekki eldri og fengi sjálfur aldrei að líta nýjan afmælisdag. Þetta var
eins og að vera í vélarrúmi í skipi og engar heyrnarhlífar í sigtinu.
Dóttirin hefur farið í afmæli í einhvers konar boltalandi, það var
snöggtum skárra en hálf sjúskað eitthvað. Þar kostar 12 evrur
á haus að halda afmæli og inni í því eru eru tveir tímar af leik,
eitthvert fóður og afmæliskaka. Hér er til siðs, eins og víðar, að
bjóða bekknum í afmæli: 24 sinnum 12 gera 288 evrur sem telst
ansi mikið, en hér er ekki óalgengt að fólk sé með 1000-1500 evrur
í laun á mánuði.
Ísland í fjölmiðlum
Ísland hefur verið eins og rússíbani í fjölmiðlum síðasta árið. Fyrir
tæpu ári birtist grein í El País eftir John Carlin þar sem því er haldið
fram með töluvert sannfærandi rökum að Ísland sé besta land í
heimi. Í kjölfarið fengum við mikla og jákvæða athygli. Sem nú er
fyrir bí (þ.e.a.s. jákvæða athyglin).
Um daginn var einhver sem spurði mig: „Heyrðu, ert þú ekki
frá Íslandi?“ Ég benti viðkomandi á að þetta væri algengur
misskilningur; ég væri frá Islamabad.
Eiður Smári er þekkt stærð og nýtur virðingar fagurkera í boltanum
sem skynja snilldina í minímalískum stíl meistarans. Fyrir nokkrum
vikum birtist löng umfjöllun um yfirburði Eiðs á tilteknu sviði.
Hann talar flest tungumál af öllum leikmönnum deildarinnar.
Að lokum
Þrátt fyrir ótryggt ástand á Íslandi er líklegt að fjölskyldan muni
halda til Íslands síðsumars. Börnin tala spænsku eins og innfæddir
og foreldrarnir tala spænsku eins og, tja, eins og ég veit ekki hvað.
Og eru oft beðnir af börnunum að vera ekki að opna munninn alltof
mikið.
Arnar Arngrímsson
Bjargvætturinn Lucía og Unnur Eiður Smári stendur fyrir sínu
Ókeypis tannlæknaþjónusta
Börn 3, 6 og 12 ára gömul eiga rétt á að fara í ókeypis eftirlit hjá
tannlæknum sem vinna í umboði Sjúkratrygginga Íslands. Um er
að ræða skoðun, hreinsun tanna, flúormeðferð auk röngtenmyndar
fyrir 12 ára börn en tannviðgerðir falla ekki undir samninginn
Nauðsynlegt er að skoðun fari fram:
• áður en þriggja ára barn nær fjögurra ára aldri
• áður en sex ára barn nær sjö ára aldri
• áður en tólf ára barn nær þrettán ára aldri.
Upplýsingar um tannlækna sem vinna í umboði Sjúkratrygginga
má finna á www.tr.is undir Tannlækningar.
11 NEYTENDABLA‹I‹ 1. TBL. 2009