Neytendablaðið - 01.04.2008, Blaðsíða 14
Hérlendis fást hvorki meira né minna en
um 170 gerðir af stafrænum myndavélum.
Flestar eru sjálfvirkar og fjölhæfar. Þær
dýrari gefa kost á enn betri myndum með
margs konar handvirkum stýringum og
þær eiga líka að endast betur.
GÆÐAKÖNNUNIN
Myndavélarnar í gæðakönnuninni voru
prófaðar bæði með sjálfvirkum stillingum
(auto) og handvirkum (manual). Fyrir
fólk sem ekki vill gera hlutina of flókna
og seinvirka er oft best að nota einfalda,
sjálfvirka vél. Nær allar vélarnar skila
viðunandi eða miklum myndgæðum en
í rannsóknum sést að þær fá oft bestu
einkunnirnar við handvirkar stillingar; þar
sýna þær raunverulega styrkleika sína.
Það reyndist mjög mismunandi hve þægi-
legt notendaviðmótið er. Fólk ætti að fá
að handleika vélarnar og kanna hvort þær
henta væntanlegum eiganda.
Áberandi er hve háar einkunnir bæði litlu
og stóru vélarnar fá fyrir endingu rafhlöðu
og 10 vélar fá hámarkseinkunn. Engu að
síður er alltaf ráðlegt að eiga að minnsta
kosti eina aukarafhlöðu.
GOTT AÐ VITA
Margar litlar vélar skila jafngóðum eða betri
myndum en stærri gerðir sem kosta tvöfalt
meira. Það er nefnilega ekki sjálfgefið að
hærra verð sé ávísun á meiri myndgæði.
Ein skýringin á verðmuninum er sú að
dýrari vélarnar eru fjölhæfari, eiga að þola
meiri notkun og bila síður. Þeim fylgja líka
oft aukahlutir sem ekki bjóðast við kaup á
ódýrari vélum.Það getur skipt máli hve létt
eða þung vélin er. Margir gefast upp á að
ferðast með stóra vél og nota því í staðinn
litla vél fyrir fjölskyldumyndirnar.
Glerjað brun (optical zoom) er alvörutækni
en stafrænt brun (digital zoom) er aðeins
stækkun myndarinnar með hugbúnaði og
hefur lítið gildi.
Fyrir þá sem vilja nota handvirkar stillingar
er mikilvægt að fljótlegt sé og öruggt að
stilla skerpu. Það þarf líka að vera hand-
hægt að nota ljós- og litastillingarnar.
Eitt af því sem hvað oftast lagfærir liti á
myndum í töku er rétt hvítjafnvægi (white
balance) sem virðist kannski dularfullt en
er í raun einfalt og eitt það gagnlegasta af
búnaði vélarinnar.
Það þarf að vera auðvelt að skoða mynd-
irnar jafnóðum, bæði í myrkri og sólarljósi.
Fyrir myndavélarnar með skiptanlegum
linsum er oft til margvíslegur viðbótar-
búnaður eins og aukaslíður fyrir annað leift-
ur ljós ef mikið þarf að lýsa upp eða draga
langt.
Það er kostur að vélin sé ljósnæm og geti
unnið með háar ISO-tölur (t.d. 400-1600).
Varðandi verðsamanburð er rétt að hafa í
huga að hleðslutæki er ekki alltaf innifalið
í verði, en það er nauðsynlegur gripur. Eins
er taska nauðsynleg
SKIPTANLEG LINSA
Myndavélar með skiptanlegum linsum eru
fyrir fólk sem vill geta stjórnað því á mjög
marga vegu hvernig það tekur myndir.
Stundum er hægt að nota linsur af gömlum
35mm filmuvélum af sömu gerð.
Í þessum flokki eru stafrænar spegilvélar
(DSLR, Digital Single Lens Reflex). Nafnið
er dregið af því að notandinn horfir með
spegilbúnaði í gegnum sjálfa linsuna til að
ramma myndefnið rétt inn. Þær eru líka
með skjái, oft fremur litla, sem eru aðallega
eða eingöngu til að skoða myndina eftir á.
Flestar slíkar vélar eru þyngri, vandaðri,
fjölbeyttari og dýrari en fastlinsuvélar.
Í markaðskönnun NS, sem er á vefnum
www.ns.is, reyndust hér til 28 slíkar vélar á
bilinu um 60-200 þús. kr. en fáeinar kosta
enn þá meira. Í gæðakönnun ICRT eru átta
af þessum vélum og er tafla yfir þær hér.
Stafrænar myndavélar
14 NEYTENDABLA‹I‹ 1. TBL. 2008