Fréttatíminn - 19.06.2015, Blaðsíða 71

Við Ævar
erum gömul
bekkjarsystkin
og vorum
meira að segja
kærustupar í
gamla daga.
 Sjónvarp nýr Spurningaþáttur á dagSkrá rÚv í jÚní
Gettu betur og Útsvarið í eina sæng
RÚV mun í lok mánaðarins sýna
spurningaþátt þar sem sigurliðunum
úr Útsvari og Gettu betur verður att
saman í einhverskonar blöndu af báð-
um þáttum. Sigurlið Menntaskólans
í Reykjavík úr Gettu betur mun þá
mæta sigurliði Reykjavíkur sem hef-
ur unnið Útvarið undanfarin tvö ár.
Þátturinn verður í umsjá þeirra
Björns Braga Arnarssonar og Þóru
Arnórsdóttur sem hlakka til. „Ég
veit voðalega lítið um þetta ennþá en
ég er sannfærð um að þetta verður
mjög skemmtilegt, engin hætta á
öðru,“ segir Þóra.
Gettu betur lið MR mun þurfa að
fara í leikþrautina á meðan Útsvarsl-
ið Reykjavíkur mun þurfa að svara
hraðaspurningum. Þannig munu
þættirnir blandast saman meðal
annars. Stefán Pálsson mun semja
spurningarnar og Sveinn Guð-
marsson verður dómari. Þátturinn
er fyrirhugaður á dagskrá RÚV 26.
júní næstkomandi og er aðeins einn
þáttur fyrirhugaður.
Skarphéðinn Guðmundsson,
dagskrárstjóri RÚV, segir að þessi
hugmynd hafi komið upp í vor. „Við
ákváðum bara að kýla á þetta enda
er sumarið tíminn til að slá hlutun-
um upp í lauflétt grín og hæfilegt
kæruleysi. Eins og stemmningin
í þættinum verður... þótt liðin séu
vissulega skipuð brjáluðu keppnis-
fólki sem efalaust mun leggja allt í
sölurnar.“ -hf
Þóra Arnórsdóttir og
Björn Bragi Arnarsson
stýra þætti þar sem
sigurliðum Gettu betur
og Útvars verður att
saman.
Birna Hjaltalín og
Pálmi Gestsson, pabbi
hennar, á frumsýningu
Albatross fyrir vestan
á dögunum. Þau leika
bæði í myndinni.
 Bíó Birna Hjaltalín pálmadóttir leikur í kvikmyndinni alBatroSS
Birna Hjaltalín Pálmadóttir þreytir
frumraun sína í leiklist í kvik-
myndinni Albatross sem frumsýnd
var í vikunni. Þar leikur hún meðal
annars með stórleikaranum Pálma
Gestssyni – pabba sínum. Birna er
ánægð með útkomuna en kærasti
hennar í myndinni var kærasti
hennar í gamla daga.
É g var með stóran hnút og feitan í maganum á frumsýningunni en þetta var bara allt í lagi. Ég var sátt
við útkomuna, þeir létu mig líta ágætlega
út,“ segir Birna Hjaltalín Pálmadóttir.
Birna er einn leikara í kvikmyndinni
Albatross sem frumsýnd var í vikunni.
Þetta er í fyrsta skipti sem Birna leikur en
hún á reyndar ekki langt að sækja hæfi-
leikana, hún er dóttir hins kunna leikara
Pálma Gestssonar sem jafnframt leikur
í myndinni.
Í Albatross segir af Tómasi sem leggur
framtíðarplönin á hilluna og eltir kærustu
sína vestur á firði þar sem hann ræður sig
í sumarvinnu hjá Golfklúbbi Bolungar-
víkur. Þar kynnist hann ýmsum kynleg-
um kvistum, til að mynda afar metnaðar-
fullum yfirmanni sem leggur allt undir til
að fá stórmót á golfvöllinn í Bolungarvík.
Tómasi líst ekki beint á blikuna en lætur
sig þó hafa þetta fyrir ástina. Hann verður
því ekki par hrifinn þegar í ljós kemur að
hann er ekki órjúfanlegur hluti af fram-
tíðarplönum kærustunnar.
Birna leikur kærustu Tómasar en það
er Ævar Örn Jóhannsson sem leikur Tóm-
as. Pálmi Gests leikur hinn afar metnað-
arfulla yfirmann Tómasar á golfvellinum.
Myndin var tekin upp í Bolungarvík og
flestir sem komu að henni eru þaðan eða
tengdir bænum. „Þetta er Víkaramynd.
Við Ævar erum gömul bekkjarsystkin og
vorum meira að segja kærustupar í gamla
daga,“ segir Birna og hlær.
Leikstjóri Albatross er Snævar Sölva-
son og þetta er hans fyrsta mynd. Eftir-
vinnsla myndarinnar var fjármögnuð í
gegnum Karolina Fund og mun hún vera
fyrsta leikna kvikmyndin sem fjármögn-
uð er í gegnum síðuna.
„Snævar spurði mig bara hvort ég væri
til í að taka mér smá hlutverk og ég sagði
bara já enda er alltaf gaman að prófa eitt-
hvað nýtt,“ segir Birna um þessa frum-
raun sína í leiklist. Hún hefur þó verið
viðriðin kvikmyndir áður, vann bæði að
kvikmynd eftir Lýð Árnason og kvik-
mynd Rúnars Rúnarssonar, Þrestir, sem
tekin var fyrir vestan í fyrra. „Annars er
ég í fjarnámi í sálfræði við HA og á þrjá
stráka sem ég er í kapphlaupi um að sinna
sem best. „Svo er ég að byrja með smá
ferðaþjónustu í litlu húsi sem við maður-
inn minn vorum að kaupa og hef verið að
„gæda“,“ segir Birna þegar hún er spurð
um dagleg viðfangsefni sín.
Hvernig var svo að leika á móti pabba
gamla?
„Það var ótrúlega skemmtilegt að fá
að vera í mynd með honum þó ég hafi nú
ekkert leikið á móti honum. Það kemur
kannski einhvern tímann. Það var sannar-
lega gaman að sjá hann vinna vinnuna
sína. Svo var þetta auðvitað frábært fólk
sem var að vinna að þessari mynd og frá-
bær stemning í hópnum.“
Hvað segir þitt heimafólk um myndina
og þína frammistöðu?
„Það voru allir mjög ánægðir og ég hef
verið kölluð stórstjarna og fleira í búðinni
og sundlauginni. Þetta eru stór komment
og ég bara roðna og blána. Hér erum við
auðvitað á heimavelli og allir þekkja alla
en fólk er rosa sátt,“ segir Birna sem nú er
komin til Reykjavíkur í stutt frí. Hún ætl-
ar einmitt að nota tækifærið og sjá mynd-
ina aftur – í stórum bíósal og er forvitin
að sjá viðbrögð hlutlausra. „Ég lauma mér
inn í salinn svo enginn þekki mig,“ segir
hún og hlær.
Höskuldur Daði Magnússon
hdm@frettatiminn.is
Kölluð stórstjarna meðal
heimamanna í Bolungarvík
Barnadagur í Viðey á
sunnudag
Bríet blómálfur og Skringill skógarálfur
bjóða gesti Viðeyjar velkomna á náttúru-
jógasýningu sunnudaginn 21. júní klukkan
13.30. Tilefni sýningarinnar er að Skringill
er í vandræðum. Hann þarf á hjálp sem
flestra að halda. Bríet kann nokkur ráð,
jógadýrin fleiri og amma Bríetar lumar á
einhverju í pokahorninu. Allt virkar þetta
betur ef allir sem koma hjálpa til. Eina
sem þarf að gera er að greiða í ferjuna og
koma út í Viðey. Mælt er með því að fólk
taki með sér teppi til að sitja á og koma sér
þægilega fyrir á grasinu, hægra megin við
Viðeyjarstofu. Sama dag er barnadagur
í Viðey og því frítt að taka þátt í öllum
viðburðum á eyjunni. Stórskemmtileg
skemmtun fyrir börn og fullorðna.
Prins Póló á
Norðurlandi
Norðanmenn og -konur eiga góðar stundir
í vændum því hljómsveitin Prins Póló
heldur tvenna tónleika þar um slóðir um
helgina. Í kvöld, föstudagskvöld, verður
sveitin á Kaffi Rauðku á Siglufirði og á
laugardaginn á Græna hattinum á Akur-
eyri. Aðalmaðurinn í Prins Póló er sem
fyrr Svavar Pétur Eysteinsson en hina
konunglegu hirð skipa þau Kristján Freyr
Halldórsson, Berglind Häsler, Benedikt
Hermann Hermannsson og Axel Árnason.
Prins Póló hyggst leika sín allra bestu lög
á tónleikunum fyrir norðan sem hefjast
báðir klukkan 22.
Blur á íslensku
Útvarpsmaðurinn og skemmtikrafturinn
Freyr Eyjólfsson sagði frá því á facebook
síðu sinni í vikunni að hann hefði skellt sér
á tónleika með með bresku sveitinni Blur
í Zenith höllinni í París í vikunni. Það sem
telst til tíðinda er að á meðan Blur fluttu
lagið To The End birtist á risaskjá setningin
„Ástin er best“, já á íslensku. Damon Al-
barn hefur því enn ekki læknast af Íslands-
bakteríunni sem hann fékk á seinni hluta
tíunda áratugarins.
Hljómsveitin Of Monsters and
Men fer vel af stað með aðra plötu
sína, Beneath the Skin. Platan kom
út í síðustu viku og skaust beint í
þriðja sæti Billboard-metsölulist-
ans í Bandaríkjunum. Samkvæmt
upplýsingum frá Records Records,
útgefanda sveitarinnar á Íslandi,
seldust 61.000 eintök af plötunni
í síðustu viku, og þar af voru
57.000 heilar plötur. Þetta er besti
árangur sveitarinnar á Billboard-
listanum og flest seldar plötur á
einni viku fyrir sveitina til þessa.
Fyrsta plata OMAM, My Head Is
an Animal, sem kom út árið 2012
utan Íslands náði hæst í 6. sæti
listans með 55.000 eintök seld.
OMAM í þriðja
sæti á Billboard
70 dægurmál Helgin 19.-21. júní 2015
kauptúni 3 | sími 564 4400 | vefverslun á www.tekk.is
Opið mánudaga–laugardaga kl. 11-18 og sunnudaga kl. 13-18
ÚTSALA!
20–60%
AfSLáTTur
Af öLLum vörum