Tímarit Máls og menningar - 01.09.1965, Blaðsíða 47

Bréf frá Skúla Thoroddsen
ana í Ameríku (Ameríka hér og Ameríka þar), sem eru viðurkenndir að
vera tómt Humbug; síðan „meðritstj órinn“ fór að peðra úr sér í ísafold,
hefur aldrei linnt á Ameríkudýrðinni og framfarabullinu, og það er víst, að
þjóðin okkar er nú orðin svo rugluð af öllu þessu bulli og þvaðri, að hún veit
ekki sitt rjúkandi ráð, og getur því enga pólitiska stefnu né Interesse haft; en
ef maður segir þetta hátt, þá eru persónulegar skammir vísar um óviðkomandi
hluti, en ekkert svar annað. Þjóðviljinn þinn þykir hér vel redigeraður, og
það er líka mín meiníng, hann er hæði vel ritaður að stíl, og fallega prent-
aður, vel valið efnið, þegar jeg með þínu leyfi að segja undantek greinarnar
um Magnús, sem mér finnst nú nóg komið af, því þú ert búinn að vinna sigur
hvurt sem er, og ættir nú að láta þér nægja það og hvíla þig á þínum lár-
berjum, þú hefur public opinionina með þér, en þú mátt ekki gera menn
leiða á laungum ritgerðum um þetta sama odiösa þras. Jeg held upp á Magnús,
því hvað sem þú segir, þá er hann ein sú mesta Capacitet hér, og jeg held
upp á þig, eins og margir og flestir gera, en þú mátt ekki gera þann óvina-
fagnað að spilla fyrir þér með ofmiklu tali — þess vegna þegir ísafold, af
því þeir finna þetta og bíða eptir að þú rúinerir þig, og það vil ég ekki að
verði. Þú veizt hvernig „aura popularis“ er, maður verður að fara með pub-
licum eins og eitthvert villudýr, og sýna „lempni" og láta undan og stilla sig,
þegar svo stendur á. Þú álítur þetta nú kannske bull, og hugsar sem svo:
„Bensi er alveg ópólitískur fyr, hann hefur ekkert vit á þessu“ — mikið satt,
mín pólitík er kannske „Fölelsespolitik“, og jeg hef ekkert annað að fara eptir
en mína einföldu skynsemi, og jeg játa það, að jeg er ekkert inni í þessum
stjórnarskrármekanisme, mér finnst þar vanta tennur í ýms hjól og allur
gángur maskínunnar verða vitlaus og botnlaus af argi og hríngli.
Fyrirgefðu þínum Ben. Gröndal.
Skrifað utan með:
Þú fyrirgefur Skúli hvað bréfið er stutt, jeg hef ekki rúm til að skrifa
meira en má ekki hafa bréfið þykkra, því þá kostar meira undir það, en ég á
núna ekki nema 10 aura, en jeg hefði miklu meira að tala við þig en því er
nú andskotans ver að jeg kem hér ekki fleirum hugsunuin fyrir. Núna (þann
29. October) eru hér 2 trollarar á höfninni og selja föðurlandsvinunum fisk.
Það er óréttvíst að ávíta Magnús fyrir samnínginn, hann var gerður í góðu
skyni og honum ekki að kenna hvernig fór.
157