Fréttabréf Siglfirðingafélagsins í Reykjavík og nágrenni - okt. 2012, Blaðsíða 6
6
Fyrsta húsið sem reis norðan við prestssetrið Hvanneyri á
Siglufirði var torfbær, Hvanneyrarbakki, byggður árið 1866,
í daglegu tali nefndur Bakki. Bærinn var niðri á bakkanum
þar sem síðar reis tvílyft timburhús í eigu útgerðar Péturs
Thorsteinssonar, en framan við húsið var söltunarstöð. Óskar
Halldórsson síldarsaltandi keypti þessi mannvirki af Pétri.
Skírð í kirkjunni á Eyrinni
Á árunum frá 1907 til 1912 bjuggu í þessum torfbæ hjónin
Sölvi Jónsson og Jónína Gunnlaugsdóttir, bæði ættuð úr
Skagafirði. Þau höfðu áður búið í Dæli í Fljótum og svo eitt ár
í Leyningi, inni í Siglufirði.
Mánudaginn 1. júlí 1912 fæddist stúlka í þessum torfbæ.
Samkvæmt prestsþjónustubók voru foreldrar hennar „í
tómthúsmennsku í Bakka“. Þremur vikum síðar skírði séra
Bjarni Þorsteinsson stúlkuna í litlu timburkirkjunni á Eyrinni
og var henni gefið nafnið Kristín Jóhanna.
Fjölskylda Kristínar flutti síðan niður á Siglufjarðareyri og
bjó í eitt ár í Ytrahúsi og annað ár í Hvanneyrarkoti. Sölvi fór
til Noregs haustið 1913 og kynntist þar norskum manni sem
rak verslun og útgerð á Fáskrúðsfirði. Þangað flutti fjölskyldan
sumarið 1914, þegar Kristín var tveggja ára. Þremur árum
síðar fluttu þau frá Búðum í Fáskrúðsfirði til Eskifjarðar og
sama ár að Búðareyri við Reyðarfjörð.
Systkini Kristínar voru átta, þeirra á meðal Ellert
Sölvason knattspyrnumaður í Val.
Múrari og bóksali
Árið 1920 flutti fjölskyldan til Reykjavíkur. Þar bjó hún
meðal annars við
Óðinsgötu. Þegar Kristín
var 17 ára, sumarið
1929, lést Jónína móðir
hennar, 53 ára. Jónínu
var lýst sem trygglyndri,
skemmtilegri og
„aðlaðandi í samræðu og umgengni“. Síðari kona Sölva var
Lilja Matthíasdóttir sem lést 1979, 90 ára. Meðan Sölvi var
fyrir austan starfaði hann við múrverk, síðan var hann
í brúarvinnu en lengi vel fékkst hann við sölu bóka og
tímarita og gekk þá á milli húsa í Reykjavík. Sölvi var
hagorður, glaðlyndur, heiðvirður og skyldurækinn, að sögn
samferðamanna. Hann vann fram á níræðisaldur og taldi
vinnugleðina allra meina bót. Sölvi lést í maí 1959, 88 ára að
aldri.
Hildur Jónsdóttir, systir Sölva, dvaldi á Siglufirði síðari
hluta ævi sinnar. Þegar hún lést, sumarið 1946, þakkaði Sölvi
sérstaklega „herra Andrési Hafliðasyni og frú hans fyrir alla
þeirra umhyggjusemi og velgjörninga sem þau hafa alla tíð
til hennar borið“. Sagt er að Hildur hafi gengið aftur í húsi
Andrésar við Aðalgötu, aðallega í suðurherbergi uppi. Margir
sem bjuggu í húsinu urðu varir við hana, en umgangurinn
hætti þegar húsið var selt úr fjölskyldunni.
Vestur um haf
Bæjarblöðin í Reykjavík greina frá því að Kristín
Sölvadóttir hafi haldið til Kaupmannahafnar með varð-
skipinu Ægi í janúar 1930. Hún var þá átján ára og lá leiðin
Hin siglfirska Mjallhvít
Fyrirmynd teiknimyndapersónunnar var fædd í torfbæ í Hvanneyrarbakka fyrir einni öld
Kristín Sölvadóttir. Myndin mun vera
frá árum hennar í Kanada, 1930-
1934.
Skreyting á húsvegg í Kanada. Myndin
í miðjunni sýnir Charles og Kristínu á
veitingahúsinu Wevel Café.