Frjáls verslun - 01.10.2007, Blaðsíða 34
34 F R J Á L S V E R S L U N • 1 0 . T B L . 2 0 0 7
Sigurður Magnússon hjá Loftleiðum
Einn fyrsti og hvað þekktasti frumkvöðullinn í stétt íslenskra
blaðafulltrúa var Sigurður Magnússon sem starfaði hjá Loftleiðum
á sínum tíma. Aðrir, sem gegnt hafa sambærilegu starfi hjá
Flugleiðum, eru t.a.m. Sveinn Sæmundsson, Sæmundur
Guðvinsson, Einar Sigurðsson, Bogi Ágústsson og Guðjón
Arngrímsson.
Hjá öðrum flugfélögum má nefna að Sighvatur Blöndahl
sá um kynningarmál fyrir Arnarflug á sínum tíma og Ólafur
Hauksson, sem er gamalreyndur almannatengill, vann um
skeið að kynningarmálum fyrir Iceland Express. Þá var Óli
Tynes fréttamaður á Stöð 2 um árabil með almannatengsl fyrir
Arnarflug.
Ólafur Stephensen, ritstjóri fríblaðsins 24 stunda og fyrrum
aðstoðarritstjóri Morgunblaðsins, lét af störfum hjá Morgunblaðinu
fyrir nokkrum árum og gerðist yfirmaður almannatengsla hjá
Símanum. Eva Magnúsdóttir, framkvæmdastjóri hjá Mílunni,
var blaðamaður um árabil en hóf síðan störf hjá Símanum í deild
almannatengsla og upplýsingamála.
Á undanförnum árum hefur fjöldi blaða- og fréttamanna verið ráðinn í störf hjá
ýmiss konar almannatengslastofum og kynningarfyrirtækjum eða til fyrirtækja sem
blaðafulltrúar eða ráðgjafar á upplýsinga- eða samskiptasviðum. Einnig hafa opinberar
stofnanir, ráðuneyti og einstök bæjarfélög ráðið þekkta blaða- og fréttamenn til starfa
til þess að sinna kynningarstörfum.
ú r b l a ð a m e n n s K u í a l m a n n a T e n g s l
almannatEnGlaR
íSlandS
texti: eiríkur st. eiríksson
Myndir: geir ólaFsson o. fl.