Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Aldan

PDF  | JPG  | TXT  |
Skoša ķ nżjum glugga:
PDF  | JPG  | TXT  |

Ašalrit:

Morgunblašiš


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Aldan

						Róbert Hlöðversson - Sími 897 0525 - robert@isgen.is
MATVÆLA-
RÁÐGJÖF
23.  SEPTEMBER 2014aldan2
Nýtt sjávarútvegblað hefur göngu sína í haust:
ALDAN, fréttablað um sjávar-
útveg kemur út mánaðarlega
Fyrir kosningarnar í vor var því oft 
haldið á lofti að þrátt fyrir allt ætti 
landið allt enn mikið undir sjáv-
arútvegi. Fótspor, sem gefur m.a. 
út blöðin VESTURLAND, VEST-
FIRÐI, AKUREYRI-VIKUBLAÐ, 
AUSTURLAND, SUÐURLAND, 
REYKJANES, HAFNARFJÖRÐ, 
KÓPAVOG OG REYKJAVIK-VIKU-
BLAÐ, hleypir nú af stokkunum 
nýju sjávarútvegsblaði sem beina 
mun sjónum að norðlenskum sjáv-
arútvegi ekki síður en annars staðar 
á landinu. Ritstjóri er Geir A. Guð-
steinsson, sem hefur áralanga þekk-
ingu á sjávarútvegi í blaðamennsku, 
eftir áralöng störf í blaðamennsku 
á Degi og Degi-Tímanum og nú á 
seinni árum við ritstjórn VESTUR-
LANDS og VESTFJARÐA, svo eitt-
hvað sé nefnt. 
?Blaðið heitir Aldan, fréttablað 
um sjávarútveg. Blaðið mun fjalla 
um sjávarútveg almennt, útgerð, 
fiskvinnslu, þjónustufyrirtæki í at-
vinnugreininni, og ekki síst um fólkið 
sem kemur að þessum undirstöðuat-
vinnuvegi þjóðarinnar, bæði þá sem 
stjórna fyrirtækjum í atvinnugrein-
inni og ekki síður þá sem vinna ýmis 
önnur störf í atvinnugreininni, s.s. í 
fiskmóttökunni, löndun, sjómennina 
og aðra. Engin verður undanskilin. 
Með því mun blaðið gefa sem besta 
spegilmynd af sjávarútveginum í dag. 
Blaðinu verður dreift til allra helstu 
aðila í sjávarútvegi í dag, liggja frammi 
á hafnarvogunum víðs vegar um 
landið og það mun verða aðgengilegt 
á völdum stöðum, s.s. bensínstöðvum. 
Blaðið mun taka mið af því að 
mörg sjávarútvegsfyrirtæki á lands-
byggðinni, s.s. Samherji á Akureyri, 
eru lykistoð í atvinnulífinu á Ak-
ureyri. Þannig mætti einnig nefna 
Síldarvinnsluna á Neskaupstað, Ís-
félag Vestmannaeyja, HB-Granda 
og fleiri. Meðan ég var blaðamaður 
fyrir norðan átti ég ágætt samstarf 
við forsvarsmenn Samherja og það 
verður enginn breyting á því. Samherji 
er einnig burðarás í atvinnulífinu á 
Dalvík, togarar fyrirtækisins landa oft 
í Hafnarfjarðarhöfn og þannig markar 
þetta eitt stærsta útgerðar- og fisk-
vinnslufyrirtæki landsins djúp spor 
í atvinnulífinu víðar um landið, ekki 
bara á Akureyri.?
Fyrir á markaði eru a.m.k. tvö blöð 
sem helga sig sjávarútvegsmálum svo 
ALDAN verður og ætlar að marka sér 
ákveðna sérstöðu. Ekki síst að fjalla 
um undirstöðuna í þessum helsta at-
vinnuvegi landsins, tala m.a. við fólk 
sem hefur atvinnu af því að starfa við 
sjávarútveg. Einnig verður sjónum 
beint að nýsköpun í sjávarútvegi, bæði 
vinnslu í landi og við veiðar. Þjónusta 
við sjávarútvegsfyrirtæki er stöðugt 
vaxandi atvinnugrein en nýjungar í 
þeirri grein hafa vakið heimsathygli. 
Nægir þar að nefna fyrirtæki eins 
og Marel, en þau eru miklu fleiri. 
Einnig verður fjallað um markaðsmál 
sjávarútvegsins, rætt við neytendur 
hérlendis, en einnig að fá fram álit 
neytenda erlendis, ekki síst í Evrópu 
sem er mikilvægt. Fiskur er í vaxandi 
mæli fluttur út ferskur, það er krafa 
markaðarins, og að því þurfa íslenskir 
framleiðendur að laga sig sem best, og 
fylgjast með vel með. 
Sjávarútvegi ekki sýnd 
nægjanleg athygli með 
daglegum fréttum
?Stundum er haldið fram að hinum 
gömlu atvinnuvegum á Íslandi sé ekki 
sýnd nægjanleg athygli með daglegum 
fréttum leiðandi fjölmiðla. Kannski 
eru það fyrst og fremst áhrif þess að 
það þykir ekki mjög fínt að vinna við 
eina helstu atvinnugrein þjóðarinnar, 
sjávarútveg. Því þarf að breyta, og ég 
held að það muni gerast. Umfjöllun 
um ferðaþjónustu er nú í tísku en 
kannski er sú grein ekki eins gjald-
eyrisskapandi og oft er gefið í skyn, 
jafnvel af stofnunum í greininni. Ís-
lenska sjávarútvegssýningin verður 
í Kópavogi í lok septembermánaðar 
og ekki er ósennilegt að fyrsti for-
síðuuppslátturinn í ÖLDUNNI 
muni tengjast sýningunni og muni 
m.a. fjalla um nýjungar sem íslensk 
fyrirtæki kynna þar. 
Ég hef alltaf haft gaman af því að 
skrifa um sjávarútveg. Þegar ég var 
blaðamaður á Degi, Degi-Tímanum 
og DV var það að einhverju marki mín 
sérgrein. Ég hef starfað við önnur sjáv-
arútvegsblöð og einnig skrifað greinar 
sem fjalla um sjávarúveg og þannig 
haldið þessum áhuga mínum og þekk-
ingu við. Það hafa lesendur blaða eins 
og VESTURLAND og VESTFIRÐIR 
orðið varir við þó þau blöð séu ekki 
sérstök sjávarútvegsblöð. Ekki síst á 
Vestfjörðum snýst atvinnulífið meira 
og minna um útgerð og fiskvinnslu 
svo það hlýtur að teljast eðlilegt.?
Fiskveiðar og vinnsla eru þrátt fyrir allt undirstöðuatvinnugrein þjóðarinnar.
Sýningarsvæði íslenskra fyrirtækja á sjávarútvegssýningunni í Bruxelles.
Nýting Íslendinga á þorski vekur athygli hjá FAO:
Íslendingar ein 
helsta fiskveiði-
þjóð heims
Í nýútkomnu riti FAO, Matvæla-og 
landbúnaðarstofnunar Sameinuðu 
þjóðanna, sem ber heitið The State 
of World Fisheries and Aquaculture 
(SOFIA) er staðfest að Íslendingar 
séu ein af helstu fiskveiði þjóðum 
heims. Ritið birtir lista yfir þær 
18 þjóðir sem veiddu mest af fiski 
árið 2012. Efst á listanum er Kína 
með 13.869.604 tonn veidd. Næst 
kemur Indónesía með 5.420.247 
tonn og í þriðja sæti eru Banda-
ríkin með 5.107.559 tonn. Ísland 
er í 17. sæti á listanum með samtals 
1.449.452 tonn af fiski. Aðeins eitt 
annað Evrópuland kemst á listann 
en það er Noregur, sem vermir 11. 
sætið með 2.149.802 tonn veidd 
árið 2012. 
Íslendingar eru leiðandi  
í nýsköpun
Í ritinu er kastljósinu einnig beint 
að mikilvægi rekjanleika fisks með 
það að markmiði að stuðla að fæðu-
öryggi og koma í veg fyrir svindl 
með matvæli. Þar eru rannsóknir 
Íslendinga sem MATÍS hefur komið 
að, nefnt sem dæmi um árangursrík 
verkefni af þessu tagi. Þá er talið að 
ekki sé hægt að rekja uppruna fisks 
á Evrópumarkiði í 25 ? 50% tilfella. 
Fullnýting Íslendinga á þorski er 
einnig umfjöllunarefni í ritinu, þar 
sem fjallað er um möguleikana á að 
nýta aukaafurðir fisks til manneldis. 
Fram kemur að Íslendingar hafi 
flutt út 11.540 tonn af þurrkuðum 
þorskhausum til Afríku árið 2011. 
Greint er frá því að auk hausa séu 
hrognin og lifrin nýtt til manneldis en 
afgangurinn fari mestmegins í fóður. 
Ritið sem hér um ræðir er viða-
mesta útgáfa FAO og kemur út á 
tveggja ára fresti. Markmiðið með 
útgáfunni er að veita stefnumarkandi 
og opinberum aðilum auk þeirra sem 
þurfa að treysta á fiskiðnaðinn al-
hliða og hlutlausar upplýsingar um 
stöðu mála á heimsvísu og gefa hug-
myndir um hvernig megi bregðast 
við þeim áskorunum sem fyrir eru. 
Þorskur i kari.

					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32