Morgunblaðið - 27.02.2015, Blaðsíða 57

BAKSVIÐ
Baldur Arnarson
baldura@mbl.is
Ríflega 350 manns leita nú reglulega
til Fjölskylduhjálparinnar í Reykja-
nesbæ, eða ríflega tvöfalt fleiri en
leituðu þangað eftir efnahagshrunið.
Anna Valdís Jónsdóttir, forstöðu-
maður Fjölskylduhjálparinnar í
Reykjanesbæ, segir aldrei jafn
marga hafa óskað eftir aðstoð síðan
aðstoðinni var komið á legg 2009.
„Það bætist stöðugt í hópinn. End-
ar ná ekki saman hjá mörgu fólki.
Margir eru búnir með peningana
fyrir miðjan mánuðinn. Ástandið er
mjög slæmt. Það er mikið rætt um að
atvinnuleysi sé að minnka. Stað-
reyndin er hins vegar sú að margir
hafa dottið út af atvinnuleysisskrá og
eru í staðinn komnir með fjárhags-
aðstoð frá sveitarfélögunum,“ segir
Anna Valdís um atvinnuhorfurnar.
Samkvæmt vef Vinnumálastofn-
unar varð atvinnuleysi í Reykja-
nesbæ mest í febrúar 2010 eða um
15%. Það var til samanburðar 5,8% í
janúar og hefur því minnkað mikið.
Anna Valdís telur það hins vegar
ekki segja alla söguna. Hundruð
bæjarbúa hafi ekki tekjur til að
framfleyta sér. „Það hafa margir
hringt í mig vegna ferminga sem eru
framundan. Fjöldi umsækjenda er
orðinn slíkur að við eigum fullt í
fangi með að eiga nóg af mat.“
Ástandið er ekki að batna
Anna Valdís segir félagsmálafull-
trúa sveitarfélaganna gjarnan vísa á
Fjölskylduhjálpina varðandi mat og
aðrar nauðþurftir. „Við höfum reynt
að láta eldri borgara njóta góðs af
matarkortum, til dæmis eldri karla
sem eru einstæðingar.“
Hún segir verulega farið að
þrengja að hinum tekjulægstu.
„Ég get ekki merkt að ástandið sé
að batna hér suðurfrá. Síður en svo.
Hér er mikið af atvinnulausu fólki
sem á undir högg að sækja. Það
sama má segja um eldri borgara og
öryrkja. Eldri borgarar sem hafa
fengið inni í húsnæði fyrir sinn ald-
urshóp geta ekki látið enda ná sam-
an. Þegar búið er að greiða húsaleigu
og lyf er ekkert eftir til þess að
kaupa mat.
Um jólin hringdi í mig kona sem
var þungt haldin á sjúkrahúsi. Hún
hringdi daginn fyrir úthlutun og
hafði miklar áhyggjur af því að fjöl-
skyldan fengi ekki úthlutun um jólin,
að hún yrði sjálf á spítala. Að fjöl-
skyldan hefði ekki mat um jólin.
Konan var á dánarbeðinum. Hún lést
nokkrum dögum síðar. Svona eru
áhyggjurnar hjá fólki. Þetta er auð-
vitað hræðilegt. Margir foreldrar
leituðu hingað fyrir jól fyrir börnin
sín. Stoltið er svo mikið hjá mörgum
að þeir koma ekki sjálfir. Ég er sann-
færð um að fátækin sé falin,“ segir
Anna Valdís um stöðu bágstaddra í
íslensku samfélagi í dag.
Hægt að styðja tekjulága
Hún bendir á að Fjölskylduhjálpin
í Reykjanesbæ sé útibú frá Fjöl-
skylduhjálpinni í Reykjavík. Starf-
semin er fjármögnuð með sjálfsafla-
fé og styrkjum. Hægt er að gerast
Íslandsforeldri og láta mánaðarlega
fasta upphæð af hendi rakna til
matarkaupa handa efnalitlum fjöl-
skyldum. „Við fáum enga styrki frá
sveitarfélögunum hér í kring,“ segir
Anna Valdís og rifjar upp að Fjöl-
skylduhjálpin sé einnig með úthlut-
un í Reykjavík og Kópavogi.
Þess má geta að íbúum Reykja-
nesbæjar er að fjölga. Þar bjuggu
14.172 í ársbyrjun 2009 og 14.930 í
lok árs 2014. Þar af fjölgaði íbúunum
um 410 í fyrra og um 300 árið 2012.
Vaxandi neyð í Reykjanesbæ
 Um 350 manns reiða sig reglulega á matargjafir og nauðþurftir frá Fjölskylduhjálp Reykjanesbæjar
 Deyjandi kona hafði áhyggjur af því að fjölskylda hennar ætti ekki nóg að borða yfir jólahátíðina
Morgunblaðið/Sigurður Bogi
Reykjanesbær Fjöldi fólks hefur flutt frá höfuðborgarsvæðinu til Reykjanesbæjar vegna lægra húsnæðisverðs.
Hera Ósk
Einarsdóttir
Anna Valdís
Jónsdóttir
FRÉTTIR 57Innlent
MORGUNBLAÐIÐ FÖSTUDAGUR 27. FEBRÚAR 2015
www.danco.is
Heildsöludreifing
Decoris-Metal Ljós
Svart 110cm
Decoris-Metal Ljós
Hvítt 110cm
Decoris-Járnljós
Copper 23x25cm
Decoris-Járnljós
Svart 23x25cm
Loftljós-Copper
Glass 30cm
Loftljós-Copper
Glass 25cm
Fyrirtæki - Verslanir
2015 línan í ljósum komin í hús.
Alls eru nú 174 einstaklingar og fjölskyldur á biðlista
eftir félagslegu húsnæði í Reykjanesbæ og hafa um-
sækjendur aldrei verið jafn margir. Til samanburðar
voru 117 umsækjendur á biðlista fyrir ári og er aukn-
ingin 49%. Það setur þessa eftirspurn í samhengi að í
nóvember síðastliðnum voru 228 einstaklingar á bið-
lista eftir félagslegu húsnæði í Hafnarfirði, sem er um
tvöfalt fjölmennara sveitarfélag en Reykjanesbær.
Hera Ósk Einarsdóttir, forstöðumaður stoðdeildar
hjá félagsþjónustunni í Reykjanesbæ, segir að í hópi
umsækjenda sé mikið af barnafólki. Hún segir marga
sem leita í lægra húsnæðisverð í Reykjanesbæ ekki
reikna dæmið til enda. Þótt húsnæðisverð sé lægra
komi ýmis útgjöld á móti á borð við eldsneytiskostnað.
Margir þurfi að sækja heilbrigðisþjónustu á höfuðborg-
arsvæðinu. Þá eigi nýir íbúar í Reykjanesbæ ekki rétt á
sértækum húsnæðisbótum fyrir tekjulága, enda þurfi
að búa í 3 ár í sveitarfélaginu til að öðlast slík réttindi.
„Þeir sem leita til okkar hafa áhyggjur af því að það
sé erfitt að fá leigt á almenna markaðnum, þótt mikið
sé af lausu húsnæði. Hluti hópsins er illa settur vegna
þess að hann er á vanskilaskrá og á erfitt með að út-
vega fyrirframgreiðslu fyrir húsnæði. Skýringin sem
við heyrum hjá fólki sem til okkar leitar er að það leiti
hingað í ódýrari leigumarkað. Það er því að flýja hátt
leiguverð á höfuðborgarsvæðinu og telur að það eigi
auðveldara með að framfleyta sér í ódýrara húsnæði.
Fólk sem leitar til okkar er fyrst og fremst lágtekju-
fólk eða er á örorku. Það er alls ekki óreglufólk. Málið
snýst um það að tekjurnar eru of lágar,“ segir Hera Ósk
og nefnir að vegna aðflutnings barnafólks hafi börnum
í leikskólum fjölgað. Þá hafi álagið á starfsfólk félags-
þjónustunnar aukist og biðtími lengst. Nú taki nokkrar
vikur að koma á viðtali. Ljósu punktarnir séu að mörg
sumarstörf séu nú auglýst. „Það eru væntingar um að
vinnumarkaðurinn sé að taka við sér,“ segir Hera Ósk.
Umsóknum fjölgaði um 47% á einu ári
BIÐLISTI EFTIR FÉLAGSLEGU HÚSNÆÐI Í REYKJANESBÆ
Hagnaður Eimskips eftir skatta fyr-
ir árið 2014 var 13,6 milljónir evra
sem jafngildir um 2 milljörðum
króna og jókst um 25,8% frá árinu
2013. „Fyrsti ársfjórðungur var í
samræmi við væntingar með 11,2%
vöxt í tekjum frá fjórða ársfjórðungi
2013,“ segir Gylfi Sigfússon, forstjóri
Eimskips, í frétt á vefsvæði félags-
ins.
Arðgreiðsla 45,7% af hagnaði
Gylfi segir stjórn félagsins leggja
til að greiddur verði arður til hlut-
hafa á árinu 2015 sem nemur 5,00
krónum á hlut. Nemur heildarfjár-
hæð arðgreiðslunnar því 933,2 millj-
ónum króna, eða 6,2 milljónum evra,
sem samsvarar 45,7% af hagnaði árs-
ins 2014. Afkomuspá félagsins fyrir
árið 2015 er EBITDA á bilinu 39-44
milljónir evra eða 5,8-6,6 milljarðar
króna. Fram kemur í fréttinni að fé-
lagið geri ráð fyrir áframhaldandi
vexti í innflutningi til Íslands. Meiri
óvissa ríki um útflutning frá Íslandi,
meðal annars vegna slæmrar loðnu-
vertíðar sem af er árinu.
Flutningsmagn í áætlunarsigling-
um á Norður-Atlantshafi jókst um
7,9% á milli ára. Flutningsmagnið í
frystiflutningsmiðlun jókst um 11% á
milli ára. Eimskip rekur 55 starfs-
stöðvar í 19 löndum og er með 16 skip
í rekstri. Félagið hefur á að skipa um
1.430 starfsmönnum. Um helmingur
tekna félagsins kemur frá starfsemi
utan Íslands. Stefna félagsins er að
veita framúrskarandi flutningaþjón-
ustu á Norður-Atlantshafi ásamt því
að bjóða víðtæka og öfluga þjónustu í
alþjóðlegri frystiflutningsmiðlun.
Ljósmynd/Lárus Karl Ingason
Eimskip Félagið gerir ráð fyrir áframhaldandi vexti í innflutningi til Ís-
lands en meiri óvissa er sögð ríkja um útflutning frá Íslandi.
Hagnaður Eimskips
um 2 milljarðar kr.