Dagblaðið Vísir - DV - 10.08.2012, Blaðsíða 22
Sandkorn
U
m helgina fagna Íslendingar
frelsi einstaklingsins til þess að
vera eins og hann er, elska og
sofa hjá án þess að kyn skipti
þar sköpum. Þetta er helgin þar
sem allir elska alla og Íslendingar flykkj-
ast í tugþúsunda tali niður í bæ til þess
ganga saman í gleðigöngu.
Þar klappa gagnkynhneigðir fjöl-
skyldufeður með samkynhneigðum,
tvíkynhneigðum og transfólki. Karl-
ar klæðast bleiku og konur haldast í
hendur. Í gleðigöngunni er ekkert tabú.
Meira að segja borgarstjóranum er
fagnað þegar hann setur upp rauðan
varalit og fer í kjól í tilefni dagsins.
Það er líka tilefni til að fagna. Einu
sinni flúðu hommar land vegna for-
dómanna. Í dag er þeim hampað með
gleðigöngu. Lagaleg réttindi þeirra eru
í flestum atriðum tryggð, meðal annars
rétturinn til að ganga í hjónaband. Þar
skipar Ísland sér sess í fámennum hópi
þjóða. Íslendingar eiga líka fyrsta lýð-
ræðislega kjörna þjóðarleiðtogann sem
er opinberlega samkynhneigður.
Í 76 löndum er það glæpsamlegt að
vera samkynhneigður, tvíkynhneigð-
ur eða transgender. Í tíu löndum varðar
glæpurinn dauðarefsingu eða fangels-
isvist. Í nýlegu lagafrumvarpi í Úkra-
ínu var lagt til að umræða um samkyn-
hneigð yrði einnig gerð refsiverð. Þar
gekk enginn gleðigöngu, gangan var
stoppuð af og aðstandendur hennar
barðir á götum úti.
Hér eru allir glaðir, hamingjusamir
og frjálsir.
Bara ef það væri þannig alla daga,
umburðarlyndið er ekki alltaf algjört.
Að vera hinsegin þýðir að vera ekki eins
og normið gerir ráð fyrir. Enn heyrum
við af hommum sem hafa fengið nóg af
háðsglósum. Það krefst kjarks að standa
með sjálfum sér og enn frekar að taka
þátt í opinberri umræðu. Þeim sem
gera það ber að þakka.
Umræðan er nefnilega afar mikil-
væg, ekki síst fyrir ungt fólk sem upplifir
sig öðruvísi, stúlkur sem skilja ekki af
hverju þær verða ekki skotnar í strák-
um og drengi sem horfast í augu við
sjálfa sig í speglinum en sjá stelpu. Það
þarf að koma því til skila að þau séu jafn
eðlilegir og heilbrigðir einstaklingar og
aðrir, litróf lífsins sé bara svona. Sum-
ir heillast af konum, aðrir af körlum,
enn aðrir af einstaklingum óháð kyni.
Stundum vilja strákar ganga um í kjól-
um og setja á sig naglalakk þótt þeir
upplifi sig sterkt sem stráka og vilji líka
spila fótbolta.
Þetta þurfa börnin að heyra. Ekki
bara vegna þess að þau eiga rétt á því
að vera eins og þau eru en ekki eins
og samfélagið ætlast til af þeim út frá
staðalmyndum um hlutverk kynjanna,
heldur líka vegna þess að í íslenskri
rannsókn kom fram að andleg heilsa
samkynhneigðra ungmenna er verri
en gagnkynhneigðra jafnaldra þeirra.
Samkynhneigð ungmenni eru 25 sinn-
um líklegri til að hafa endurtekið reynt
að svipta sig lífi og um 40 prósent
samkynhneigðra stúlkna hafa gert til-
raun til þess.
Baráttan er ekki unnin enn.
Þess vegna er gleðigangan svo mikil-
væg. Hún gefur okkur ástæðu til að líta
um öxl, fagna þeim áföngum sem hafa
náðst, horfa fram á veginn og senda
þau skilaboð til umheimsins að það sé
meira en í lagi að vera svolítið hýr á brá.
Gutti í náðinni
n Einn vinsælasti sam-
kvæmisleikurinn innan
Samfylkingar í dag er að
stinga upp á nýjum for-
mannsefnum í stað Jóhönnu
Sigurðardóttur, fari svo að
hún hætti. Standi Jóhanna
upp úr stólnum er talið að
henni væri þóknanlegt að
Guðbjartur Hannesson vel-
ferðarráðherra tæki við.
Gutti, eins og Jóhanna kall-
ar hann, þykir að mörgu
leyti hafa landsföðurlegt
yfirbragð. Vandinn er hins
vegar sá að hann hefur ekki
náð almennri hylli innan
flokksins.
Harðorður Jón
n Jón Sigurðsson, fyrrver-
andi formaður Framsóknar-
flokksins, er á meðal þeirra
sem hafa gríðarlegar efa-
semdir um getu Sigmund-
ar Davíðs Gunnlaugssonar
formanns til að vinna sigra
í þágu samvinnustefn-
unnar. Jón skrifaði grein
á Eyjuna sem ekki verð-
ur metin öðruvísi en sem
breiðsíðuárás á formann-
inn sem hann segir halda
uppi áherslum sem minni
á „handaflspólitík og vin-
sældastefnu“. Jón segir
lausnir Sigmundar í skulda-
málum „skólatöfluæfingar
um almenna niðurfærslu
skulda“ sem ekki leysi nein
vandamál. Það hitnar undir
núverandi formanni.
Jónína vonarstjarna
n Þótt Sigmundur Davíð
Gunnlaugsson, formaður
Framsóknar-
flokksins, sé í
þó nokkrum
mótbyr um
þessar mund-
ir standa
vonir til þess
að gæfuhjól-
ið snúist honum í hag. Þar
er ekki síst horft til inn-
komu Jónínu Benediktsdóttur
heilsufrömuðar sem ætlar
að leggja flokknum til krafta
sína. Mikið var um dýrðir
þegar tilkynnt var um inn-
göngu Jónínu í flokkinn. Og
víst er að henni verði komið
fyrir í fremstu víglínu í von
um atkvæði.
Góðæri í Eyjum
n Sú ákvörðum Páls Schev-
ing, fráfarandi formanns
Þjóðhátíðarnefndar Eyja-
manna, að fá poppar-
ann Ronan Keating til að
skemmta á Þjóðhátíð fyr-
ir níu milljónir króna var
eitt þeirra atriða sem felldu
hann. Mörgum þótti þetta
ráðslag vera einkenni um
bruðl af sama toga og gerð-
ist á útrásarárunum þegar
íslenskir víkingar leigðu
skemmtikrafta á borð við
Elton John sem skaust yfir
hafið fyrir milljónir til að
syngja í frystiskemmu Ólafs
Ólafssonar í Samskipum.
Það hafðist
fyrir rest
Það hefur ekkert
staðið til
Haraldur Freyr fékk tengdamömmu með sér í lið þegar hann bað kærustunnar – DV Ari Edwald forstjóri 365 segir Lífsleikni Gillz ekki á dagskrá – DV
Karlar í kjólum
E
nn langar mig að fá að brýna
fyrir lesendum mínum hagnýt-
ar ástæður til að greiða atkvæði
með frumvarpi stjórnlagaráðs
til nýrrar stjórnarskrár í þjóðarat-
kvæðagreiðslunni 20. október n.k.
Nú kalla ég Alþingi til vitnis.
Einróma samþykkt Alþingis
Það hefur sárasjaldan gerst í sögu Al-
þingis, að tillögur séu þar samþykkt-
ar einum rómi. Það gerðist þó tveim
árum eftir hrun, sjaldan slíku vant,
að 28. september 2010 samþykkti Al-
þingi ályktun einum rómi, þ.e. með
63 atkvæðum gegn engu. Ályktunin
var um viðbrögð Alþingis við skýr-
slu rannsóknarnefndar Alþingis og
hljóðaði svo:
„Alþingi ályktar að skýrsla rann-
sóknarnefndar Alþingis sé vitnis-
burður um þróun íslensks efnahags-
lífs og samfélags undangenginna ára
og telur mikilvægt að skýrslan verði
höfð að leiðarljósi í framtíðinni.
Alþingi ályktar að brýnt sé að
starfshættir þingsins verði teknir til
endurskoðunar. Mikilvægt sé að Al-
þingi verji og styrki sjálfstæði sitt og
grundvallarhlutverk.
Alþingi ályktar að taka verði
gagnrýni á íslenska stjórnmála-
menningu alvarlega og leggur
áherslu á að af henni verði dreginn
lærdómur.
Alþingi ályktar að skýrsla rann-
sóknarnefndar Alþingis sé áfellis-
dómur yfir stjórnvöldum, stjórn-
málamönnum og stjórnsýslu,
verklagi og skorti á formfestu.
Alþingi ályktar að stjórnendur og
helstu eigendur fjármálafyrirtækja á
Íslandi beri mesta ábyrgð á banka-
hruninu.
Alþingi ályktar að eftirlitsstofnan-
ir hafi brugðist.
Alþingi ályktar að mikilvægt sé að
allir horfi gagnrýnum augum á eigin
verk og nýti tækifærið sem skýrslan
gefur til að bæta samfélagið.
Alþingi ályktar að fela forsætis-
nefnd, viðkomandi nefndum Al-
þingis, stjórnlaganefnd, sbr. lög um
stjórnlagaþing, nr. 90/2010, og for-
sætisráðherra fyrir hönd ríkisstjórn-
ar að ráðast í eftirfarandi:
I. Endurskoða löggjöf og eftir
atvikum undirbúa löggjöf á
tilgreindum sviðum:
1. Stjórnarskrá lýðveldisins Íslands,
nr. 33/1944.
2. Lög um þingsköp Alþingis, nr.
55/1991.
3. Lög um ráðherraábyrgð, nr.
4/1963, og lög um landsdóm, nr.
3/1963.
4. Lög um Stjórnarráð Íslands, nr.
73/1969, stjórnsýslulög, nr. 37/1993,
upplýsingalög, nr. 50/1996, og lög
um réttindi og skyldur starfsmanna
ríkisins, nr. 70/1996.
5. Löggjöf um starfsemi á fjármála-
markaði.
6. Lög um skyldutryggingu lífeyris-
réttinda og starfsemi lífeyrissjóða, nr.
129/1997.
7. Löggjöf um eftirlit með fjármála-
starfsemi á vettvangi Seðlabanka
Íslands, Fjármálaeftirlitsins og
annarra eftirlitsaðila. Tiltæk verði
viðbragðsáætlun við fjármálaáfalli.
8. Löggjöf um háskóla og fjölmiðla.
9. Löggjöf um reikningsskil og bók-
hald.
10. Lög um endurskoðendur, nr.
79/2008.
11. Stofnuð verði sjálfstæð ríkisstofn-
un sem fylgist með þjóðhagsþróun og
semji þjóðhagsspá.
12. Aðra löggjöf sem nauðsynlegt er
að endurskoða með hliðsjón af til-
lögum þingmannanefndar, sbr. 15.
gr. laga nr. 142/2008, um rannsókn
á aðdraganda og orsökum falls ís-
lensku bankanna 2008 og tengdra
atburða.
II. Eftirfarandi rannsóknir og
úttektir fari fram á vegum
Alþingis:
1. Sjálfstæð og óháð rannsókn á
starfsemi lífeyrissjóða á Íslandi frá
setningu laga um skyldutryggingu
lífeyrisréttinda og starfsemi lífeyris-
sjóða, nr. 129/1997, og síðar. Í kjölfar
þess fari fram heildarendurskoðun á
stefnu og starfsemi lífeyrissjóðanna.
2. Sjálfstæð og óháð rannsókn á að-
draganda og orsökum falls spari-
sjóða á Íslandi frá því að viðskipti
með stofnfé voru gefin frjáls. Í kjölfar
þess fari fram heildarendurskoðun á
stefnu og starfsemi sparisjóðanna.
3. Stjórnsýsluúttekt á Fjármála-
eftirlitinu og Seðlabanka Íslands. Á
grundvelli hennar verði metnir kost-
ir og gallar þess að sameina starf-
semi stofnananna í þeim tilgangi
að tryggja heildaryfirsýn yfir kerfis-
áhættu, fjármálalegan stöðugleika
og ábyrgð á samræmingu viðbragða.
III. Eftirlit:
Nefnd á vegum Alþingis hafi eftirlit
með að úrbótum á löggjöf sem þing-
mannanefndin leggur til í skýrslu
sinni verði hrint í framkvæmd. Mið-
að skal við að þeim úrbótum verði
lokið fyrir 1. október 2012.“
Ég tek fyrir mína parta undir
hvert orð í einróma ályktun Alþingis.
Frumvarp stjórnlagaráðs miðar að
sama marki.
Enn fleiri hagnýtar ástæður
Leiðari
Ingibjörg Dögg
Kjartansdóttir
ingibjorg@dv.is
Kjallari
Þorvaldur
Gylfason
Útgáfufélag: DV ehf. Stjórnarformaður: Ólafur M. Magnússon Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRÉTTASKOT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALNÚMER
RITSTJÓRN
ÁSKRIFTARSÍMI
AUGLÝSINGAR
22 10.–12. ágúst 2012 Helgarblað