Lögmannablaðið - 01.03.2004, Blaðsíða 10
10
Óhætt er að segja að hið nýja
frumvarp um breytingu á lögum
um lögmenn nr. 77/1998,
mælist misjafnlega fyrir meðal
lögmanna. Þann 22. janúar sl.
hélt LMFÍ félagsfund til að kynna
efni frumvarpsins.
Fram kom í máli félagsmanna
að þeim þætti undirbúningur
frumvarpsins meingallaður og
að dómsmálaráðuneytið hefði
viðhaft slæleg vinnubrögð.
Óánægja var með kröfur sem
gerðar eru til lögmanna sem
vilja öðlast réttindi til málflutn-
ings fyrir Hæstarétti, breytingar
á úrskurðarnefnd voru umdeildar
og nokkrir lögmenn töldu að
með þeim breytingum sem fram
kæmu í frumvarpinu, á 12. og
29. gr. lögmannalaganna, væri
vegið að innanhússlögmönnum,
þar sem þeim væri bannað að
kenna sig við starfsréttindi sín.
Gunnar Jónsson, hrl., formaður LMFÍ, kynntifrumvarpið fyrir félagsmönnum og sagði að
auk lögfestingar á staðfesturétti lögmanna og
fjölgun háskóla sem geta útskrifað lögfræðinga,
sneru helstu breytingar á lögunum samkvæmt
frumvarpinu, að úrskurðarnefnd lögmanna, öflun
lögmannsréttinda, bæði fyrir héraðsdómstólum og
fyrir Hæstarétti, notkun lögmannstitilsins, auk
þess sem skerpt væri á heimildum Lögmannafé-
lagsins í tengslum við eftirlitshlutverk þess.
Einnig væri að finna tilteknar orðalagsbreytingar
sem ráðuneytið hefði talið nauðsynlegt að gera.
Gunnar gerði grein fyrir þeim ákvæðum lög-
mannalaganna sem koma til með að breytast,
verði frumvarpið samþykkt, og rakti stuttlega þau
sjónarmið sem að baki þeim liggja, bæði frá sjón-
arhóli ráðuneytisins og félagsins. Hann benti hins
vegar á að þrátt fyrir að félagið hefði verið þátt-
takandi í gerð frumvarpsins væri margt í því sem
stjórn LMFÍ hefði kosið að hafa með öðrum hætti.
Þannig hefðu ekki allar tillögur félagsins náð fram
að ganga né heldur hefði tekist að hindra allt sem
ráðuneytið hafi sett fram og félagið ekki talið rétt
að taka inn í frumvarpið. Þá hafi ráðuneytið gert
veigamiklar breytingar á frumvarpsdrögunum
eftir að félagið taldi að endanleg útgáfa lægi fyrir.
Því hafi efni þess frumvarps sem lagt var fram á
Alþingi komið stjórninni nokkuð á óvart. Stjórnin
gæti því ekki tekið heilshugar undir þá fullyrð-
ingu, sem kemur fram í greinargerð, um að frum-
varpið hefði verið unnið sameiginlega af starfs-
mönnum dómsmálaráðuneytisins og stjórn Lög-
mannafélags Íslands. Hins vegar ætlaði stjórnin
ekki að þvo hendur sínar af því að hafa komið að
samningu frumvarpsins.
Óánægja lögmanna með frumvarpið.
Flestir þeirra fundarmanna sem tóku til máls
lýstu óánægju með frumvarpið eða einstaka þætti
1 / 2 0 0 4
Lögmannafrumvarpið
umdeilda
FUNDUR Í FÉLAGINU