Lögmannablaðið - 01.10.2015, Blaðsíða 10
10 LÖGMANNABLAÐIÐ TBL 03/15
UMFJÖLLUN
„DYGGÐIR LÆRAST EKKI nema með
því að iðka þær,“ sagði Reimar Péturs
son formaður Lögmanna félagsins í
viðtali á RÚV þann 25. júní sl. þar sem
fjallað var um reynslulitla lögmenn sem
reka eigin stofur. Reimar sagði að menn
hefðu enga tryggingu fyrir því að þeir
sem starfa sem lögmenn kunni sitt fag
og það væri áhyggjuefni. Töluverðar
umræður sköp uðust hjá lögmönnum
vegna ummæl anna og tóku margir
undir með Reimari. Aðrir töldu hins
vegar ástæðu laust að gera starfs
reynslu að skilyrði fyrir því að menn
stofnuðu sjálfstæðan rekstur, fimm ára
laganám auk prófraunar væri nóg.
Fjallað var um málið í leiðara Frétta
blaðsins þann 27. júní síðastliðinn þar
sem fram kom gagnrýni á laganám á
Íslandi sem væri einsleitt og dýrt fyrir
samfélagið ef lögmenn ættu að ljúka
þjálfun sinni fyrir dómstólum þar sem
mistök geti kallað á frávísun máls.
Lögmannablaðið velti fyrir sér hvort
setja ætti starfsreynsluskilyrði fyrir
lögfræðinga sem vilja verða lögmenn
og stofna eigin lögmannsstofu.
Krefjandi námskeið og
mikið fall
Alls útskrifast um 160 manns með
meistaragráðu í lögfræði árlega á Íslandi.
Síðan lagadeildum fjölgaði hefur ásókn
á námskeið til réttinda til að verða
héraðsdómslögmaður, hdl. námskeið,
aukist mikið og lögmönnum fjölgað
að sama skapi. Lögfræðingar sem ekki
hafa fengið vinnu að loknu námi hafa
sumir farið á hdl. námskeiðið til þess
að auka starfsmöguleika sína og því
bregður jafnvel við að nýútskrifuðum
lögfræðingum finnist þeir ekki hafa
lokið námi nema að ljúka fyrst hdl.
prófi hvort sem þeir ætli að stunda
lögmennsku í framtíðinni eða ekki.
Sömuleiðis hækka lögfræðingar, sem
starfa hjá hinu opinbera, um launaflokka
ef þeir hafa aflað sér lögmannsréttinda
jafnvel þótt þeir nýti þau ekki.
Hdl. námskeiðið þykir þungt en
þrátt fyrir að ekki sé krafist neinnar
starfsreynslu af lögfræðingum áður
en þeir sækja námskeiðið, segja flestir
viðmælendur Lögmannablaðsins að
starfsreynsla komi sér vel. Tvö námskeið
eru haldin á ári, með um 50 nýjum
þátttakendum í hvort sinn. Að meðaltali
fellur ríflega helmingur lögfræðinga í
einu eða fleiri fögum og þarf því að
taka próf upp aftur á næsta námskeiði.
Þetta hlutfall er nokkuð hátt en ekki
hefur verið gerð könnun á því hvort
þeir sem hafa unnið við lögfræðistörf
standist prófin frekar en hinir. Bent hefur
verið á að hjá læknum og í vel flestum
iðngreinum er krafist starfsreynslu áður
en starfsréttindi fást og lögmenn, sem
sýsla oft á tíðum með aleigu og örlög
fólks, ættu ekki að vera þar undanskildir.
Mismunandi reglur á
Norðurlöndum
Í nágrannalöndunum þurfa lögfræðingar
að hafa aflað sér starfsreynslu áður
en þeir verða lögmenn. Í Danmörku
og Svíþjóð er gerð krafa um þriggja
ára starfsreynslu af lögfræðistörfum
áður en menn fá leyfi til að starfa sem
lögmenn og í Noregi er gerð krafa um
a.m.k. tveggja ára starfsreynslu af nánar
tilteknum lögfræðistörfum áður en menn
öðlast heimild til að starfa sem lögmenn.
Stóru stofurnar vilja
starfsreynslu
Nokkrar af stærstu lögmannsstofum
landsins vilja að lögfræðingar, sem hjá
Hdl. útskrift 2015.
Af þjálfun, dyggðum og lögmennsku