Skírnir - 01.01.1942, Blaðsíða 74
F. A. B/akeslee,]
Ei nstaklingseðlið
og vísindin
Er eg lít yfir liðnar rannsóknir mínar, verður mér það
hugstæðast, hve einstaklingarnir meðal lifandi líkama eru
hver öðrum ólíkir. Fyrstu rannsóknirnar, er vér birtum,
voru um flokk hinna lægri sveppa. Þær sýndu, að svepp-
ar, sem virtust eins, gátu verið mismunandi að kyni og
efnafar þeirra ólíkt um margt.
Annað dæmi um dulinn mismun á efnafari var körfu-
blóm eitt, Rudbeckia hirta. Tvö afbrigði með gulum körf-
um í stað purpurarauðra mátti greina sundur, er vér próf-
uðum þau með sterkri pottöskuupplausn. Karfan á öðru
afbrigðinu varð þá svört, en á hinu rauð.
Þessi dæmi snerta meðfæddan mismun á einstakling-
um. Vér skulum líta á nokkur dæmi um mismun, er um-
hverfið virðist valda. Eitt maísafbrigði hefir rauða kjarna
í endanum á öxunum, þar sem sólin nær að skína á þau,
en hvíta kjarna, þar sem þau eru í skjóli. Bæði rauðu og
hvítu kjarnarnir fengu þó sams konar afkvæmi, er þeim
var sáð. Það, sem gekk að erfðum, var hæfileikinn til að
verða rauður í björtu umhverfi og hvítur í myrkri.
Eg bað oft nemendur mína að finna tvö apaldlauf, sem
væru alveg eins. Þeir hófu þá leitina með miklum áhuga,
en komust skjótt að raun um það, að ekki var unnt að
1) Dr. A. F. Blakeslee er forstjóri líffræðistofnunarinnar í Cold
Spring Harbor, New York. Grein þessi er að efni til eríndi, sem hanrt
flutti 29. desember síðastliðinn, sem forseti American Associatiorr
for the Advancement of Science. Húrr er tekin úr „Nature" 14. marz;
1942.