Sagnir - 01.06.1998, Blaðsíða 93

SAGNIR ‘ 98
vel er hugsanlegt að nemendur í grafískri hönnun séu
tilbúnir til að spreyta sig á slíku verkefni án endurgjalds.
Heiti blaðsins yrði prentað í nýjum og ferskari stíl, á
kápunni gæti verið box fyrir mynd sem skipt væri um
árlega auk þess sem litur væri nýr (svo ekki þyrfti að
hanna nýja kápu árlega). Á sama hátt mætti búa til nýtt
útlit á efnisyfirlit; lógó blaðsins gæti gengið aftur með
blaðsíðutali og heiti greina verið neðst á hverri síðu.
Einnig væri til bóta að setja nett strik milli dálka eða
utan við dálka til að ramma þá inn. Allt eru þetta
tiltölulega einföld atriði sem miða að því að gera blaðið
meira aðlaðandi og draga lesandann inn í textann.
Þannig fengju Sagnir sterkari svip, svipað og gert
er með bókaflokka. Með því að búa til staðlað útlit til
lengri tíma yrði vinnsla næstu blaða einfölduð.
Ritstjórnir gengju inn í ákveðið form sem búið væri að
skapa en þær gætu engu að síður leikið sér með það og
mótað í sinni mynd.
SPRENGJA RAM-
MANN
Myndir í blaðinu eru fjöl-
breyttar og vel valdar en
prentaðar full svartar og gæti vandans verið að leita í inn-
skönnun á þeim. Það væri hins vegar til bóta að gefa sér meira
svigrúm í stærð þeirra, hafa þær ekki eingöngu í eindálk,
tvídálk eða þrídálk. Það gæfi skemmtilegri svip að láta þær
sprengja stífa dálkaskiptinguna, hvort sem þær væru
prentaðar í heild eða einhver hluti þeirra dreginn fram til áher-
slun með útmöskun. Textinn gæti flætt í kringum þær og
þannig væri lífgað upp á útlitið með einföldum hætti.
Fyrirsagnir í blaðinu eru yfirleitt góðar – sem
undirfyrirsagnir; þær eru of ritgerðarlegar. Þar vantar að rífa
sig út úr andanum á fjórðu hæðinni í Árnagarði. Sumar eru þó
fínar eins og Bundin með hendur í kross; Kaupmenn í klóm
drekans og Kattarmorð, kreddur og sagnfræði – eða
Kattarmorðin miklu sem er undirfyrirsögn. Þar teiknar
höfundur sjálfur myndir og ferst það vel úr hendi.
VÖLDIN TEKIN AF HÖFUNDUM
Mér þykja áhugavakar tímaritsins ekki nógu áhugavekjandi
og er það ákveðinn galli. Höfundur hefur fyrirsögn, undir-
fyrirsögn, millifyrirsagnir og inngang til að grípa lesand-
ann. Hann verður að nota öll tækifæri til að ná athyglinni
og því er brýnt að leggja alúð við slíkt. Þar mætti rit-
stjórnin sýna meiri ákveðni, taka jafnvel völdin af höfund-
um því að þeir verða oft blindir á eigin skrif, sjá ekki nýja
möguleika, sem aðrir koma auga á. Útdrættir í blaðinu
takast oft ágætlega en þar þyrfti líka að skerpa á.
FRÓðLEGT OG ÁHUGAVERT BLAð
Mér var falið að fjalla um útlit Sagna 1997 og hef því ekki
farið í saumana á efni blaðsins. Útgáfan sýnir svo ekki verður
um villst að Sagnir lifa góðu lífi. Hópurinn sem stendur að
baki þeim á skilið hrós fyrir gott og
áhugavert blað. Með ofurlitlum
áherslubreytingum og bættu útliti
stæði tímaritið hins vegar enn
traustari fótum. Ég óska sagn-
fræðinemum til hamingju með
fróðlegt og áhugavert blað.
Höfundur (f. 1965) er
útgáfustjóri Vöku-
Helgafells.
92
Pétur Már Ólafsson
Höfundur hefur
fyrirsögn, undirfyrirsögn,
millifyrirsagnir og inngang til
að grípa lesandann. Hann
verður að nota öll tækifæri
til að ná athyglinni