Iðjuþjálfinn - 01.12.1996, Blaðsíða 5

3
Gunnhildur Gísladóttir • Kristjana Fenger • Margrét Sigurðardóttir
iðjuþjálfar
Iðjuþjálfun
hugmyndafræði, heilsa og lífsstíll
Síðastliðið sumar dvöldu meistara-
námsnemar í iðjuþjálfun í Miami
um tveggja mánaða skeið og stund-
uðu nám við Florida International
University. Sex þeirra tóku þátt í
námskeiði sem bar yfirskriftina
„Disease Prevention and Wellness
in OT". Þetta námskeið fjallaði um
þætti sem eru ofarlega á baugi í
iðjuþjálfun í dag og má ef til vill
segja að kenningar iðjuþjálfunar
séu nú komnar í hring, því að
frumkvöðlar fagsins lögðu einmitt
áherslu á þessa þætti.
í þessari grein fá lesendur innsýn í hluta
þess sem námskeiðið fjallaði um. Fyrst verð-
ur gerð stutt grein fyrir kenningum nokk-
urra brautryðjenda í iðjuþjálfun í Bandaríkj-
unum. Því næst er sögulegt yfirlit um við-
horf til heilsu og sjúkdóma. Að lokum eru
hugleiðingar um hvernig iðjuþjálfar geta
haft áhrif á lífsstíl skjólstæðinga sinna og
stuðlað að jafnvægi í daglegri iðju.
Hugmyndafræði iðjuþjálfunar og
heiisuefling
Kenningar og vísittdi í iðjuþjálfun. Gail
Fidler (f. 1916) hefur alla tíð verið talsmaður
þess að athafnir sem fela í sér tilgang væru
kjami iðjuþjálfunar eða „Doing and becom-
ing". Fólk öðlast færni með því að fram-
kvæma. í iðjuþjálfun er þetta notað mark-
visst, þar sem framkvæmd færir mönnum
dýrmæta reynslu, eykur færni, mætir per-
sónulegri þörf fyrir innri viðurkenningu og
stuðlar jafnframt að velferð annarra s.s. fjöl-
skyldu og vina. Fidler telur jafnvægi í lífi og
starfi undirstöðu þess að halda heilsu. Heil-
brigður einstaklingur hefur hæfileika og
getu til að gegna mismunandi hlutverkum
og annast síbreytileg viðfangsefni á lífsferli
sínum. Fidler hvatti iðjuþjálfa til að láta að
sér kveða í því umhverfi sem skjólstæðingar
þeirra lifa og hrærast í og skapa þar aðstæð-