Tímarit hjúkrunarfræðinga - 01.11.2009, Blaðsíða 16

Tímarit hjúkrunarfræ›inga – 5. tbl. 85. árg. 200912
Anna Stefánsdóttir, hjúkrunarforstjóri
Landspítala, ákvað 2007 að hefja
innleiðingu á fjölskylduhjúkrun á öllum
sviðum sjúkrahússins. Það hefur alltaf
verið hluti af hjúkrunarstarfinu að sinna
fjölskyldu sjúklingsins en margir höfðu
haft orð á því að gera mætti það á
markvissari hátt. Árið 2003 var haldið
námskeiðið „Nursing interventions with
families experiencing chronic illness“ í
Endurmenntunarstofnun þar sem tveir
erlendir fyrirlesarar, Lorraine Wright
og Janice Bell, komu til landsins og
kenndu sína útgáfu af fjölskylduhjúkrun.
Þessi aðferð, sem á íslensku hefur
fengið nafnið Calgary­fjölskyldumats­ og
meðferðarlíkanið, hefur síðan orðið mjög
vinsæl á Íslandi. Nokkrir hjúkrunarfræðingar
á krabbameinsdeildum voru virkir í að
nýta Calgary­hugmyndafræðina og
Kristín Sophusdóttir sviðsstjóri og hennar
samstarfsfólk ákváðu 2004 að taka upp
fjölskylduhjúkrun á sviðinu. Á barnasviði
höfðu einnig nokkrir hjúkrunarfræðingar
kynnt sér aðferðina og staðið fyrir
gæðaverkefni sem laut að því að efla
þjónustu við fjölskyldur á barnasviði og
byggja hana á Calgary­hugmyndafræðinni.
Christer Magnusson, christer@hjukrun.is
FJÖLSKYLDUHJÚKRUN Á LANDSPÍTALA
Á Landspítala var vorið 2007 ákveðið að ráðast í það risavaxna verkefni að gefa
öllum hjúkrunarfræðingum spítalans kost á að auka færni sína í samskiptum
við fjölskyldur. Fyrir valinu varð Calgary­fjölskyldumats­ og meðferðarlíkanið
og gert var ráð fyrir að innleiðing myndi taka fjögur ár.
Ein þeirra er Elísabet Konráðsdóttir sem
nú er verkefnisstjóri innleiðingarinnar.
Elísabet hefur langa reynslu af
barnahjúkrun. Hún hefur mestmegnis
starfað með fjölskyldum veikra barna.
Eftir útskrift úr Hjúkrunarskóla Íslands
vann hún í nokkur ár á nýburadeild
og skurðdeild barna á Ríkisspítalanum
í Ósló. Eftir heimkomuna réð hún sig
á barnadeildina á Landakoti en starfar
nú á göngudeild barnaspítalans við
fjölskylduhjúkrun barna með sykursýki og
fjölskyldna þeirra. Hún var ein af þeim sem