Tímarit hjúkrunarfræðinga - 01.11.2009, Blaðsíða 22

Tímarit hjúkrunarfræ›inga – 5. tbl. 85. árg. 200918
Eydís Kr. Sveinbjarnardóttir var þangað
til í sumar sviðsstjóri hjúkrunar á geðsviði,
en starfið var lagt niður ásamt öðrum
sviðsstjórastöðum í sambandi við
endurskipulagningu á Landspítala. Í
staðinn er Eydís nú aðstoðarmaður Önnu
Stefánsdóttur sem er framkvæmdastjóri
hjúkrunar. Eydís vinnur einnig á
göngudeild geðdeildar til þess að halda
við sinni klínísku færni. Hún tekur þar
meðal annars þátt í verkefni sem nefnist
Fjölskyldubrú og sinnir einni fjölskyldu
í einu. „Mér þykir enn þá vænst um
geðsviðið en finnst stórkostlegt að hitta
frábæra hjúkrunarfræðinga af öðrum
sviðum, sérstaklega deildarstjóra
sem ég hef kynnst þegar ég hef leyst
„Mér finnst athyglisvert hvað hjúkrunarfræðingar með langa starfsreynslu hafa tekið fjölskylduhjúkruninni
sérstaklega vel,“ segir Eydís Kr. Sveinbjarnardóttir.
framkvæmdastjóra hjúkrunar af,“ segir
Eydís.
Í frítímanum fæst Eydís svo við rannsóknir
á áhrifum fjölskylduhjúkrunar á gæði
hjúkrunarþjónustunnar. Hún byrjaði 2007
í doktorsnámi við hjúkrunarfræðideild
Háskóla Íslands. Eydís segir það hafa
verið mjög framsýna og áhættusama
ákvörðun að taka upp fjölskylduhjúkrun
á Landspítala og mikilvægt að vita
hver árangurinn hafi orðið. Því var talið
nauðsynlegt að rannsaka vel árangur
innleiðingarinnar, eins og kemur fram í
grein um fjölskylduhjúkrun á Landspítala
hér í blaðinu. Til þess þurfti að styrkja
meistara­ og doktorsnema til þess
Christer Magnusson, christer@hjukrun.is
RANNSAKAR FJÖLSKYLDUHJÚKRUN
Á GEÐSVIÐI
Þegar ákveðið var að taka upp fjölskylduhjúkrun að
hætti Calgary­stefnunnar á Landspítala var einnig
lagt upp með metnaðarfulla rannsóknaráætlun. Ein
af þeim sem nú rannsaka fjölskylduhjúkrun er Eydís
Kr. Sveinbjarnardóttir.
að framkvæma þessar rannsóknir.
Eydís ákvað því í samvinnu við Önnu
Stefánsdóttur að í doktorsnáminu skyldi
hún skoða áhrif fjölskylduhjúkrunar á
geðsviði. Leiðbeinandi hennar er Erla
Kolbrún Svavarsdóttir og í doktors­
nefndinni er einnig Lorraine Wright sem
er einu af upphafsmönnum Calgary­
líkansins. „Það er mikill heiður fyrir mig
að Lorraine skyldi gefa sér tíma til að
sitja í nefndinni,“ segir Eydís. Rannsóknin
er með tilraunasniði þar sem ein deild
á geðsviði var látin byrja á að veita
fjölskylduhjúkrun samkvæmt Calgary­
líkaninu en aðrar deildir, sem voru
hafðar til samanburðar, héldu áfram
að sinna fjölskyldum á sama hátt og
venjulega. Notaður var spurningalisti
sem hafði áður verið forprófaður á
um 500 aðstandendum. Reynt var að
búa til spurningar sem mætu tiltekna
þætti í Calgary­aðferðinni sérstaklega.
Spurningalistinn var lagður fyrir
skjólstæðinga og aðstandendur þeirra.
Einnig var talað við hjúkrunarfræðinga á
tilraunadeildinni um reynslu þeirra af því
að nota Calgary­aðferðina.
Eydís er nú að vinna úr gögnum en
samkvæmt bráðabirgðaniðurstöðum
virðist fjölskylduhjúkrun hafa jákvæð
áhrif á þjónustuna. „Sjúklingar og fjöl­
skyldur þeirra telja sig fá meiri stuðning
á tilraunadeildinni en á saman­
burðardeildunum,“ segir Eydís. „Það
er að vísu erfitt að segja hvað eru
bein áhrif af Calgary­hugmyndafræðinni
og hvað eru almenn áhrif af því að
fjölskyldurnar fá meiri athygli. En við
teljum samt að spurningalistinn, sem ég
nota, mæli fjölskylduhjúkrun samkvæmt
Calgary.“ Eydís segir að Erla Kolbrún
Svavarsdóttir hafi upphaflega gert
fræðilega úttekt á því sem er skrifað um
Calgary­fjölskyldulíkanið og komið með
hugmynd að spurningalista. Hann hafi
svo verið lagfærður í áföngum og á nú að
vera næmur fyrir því sem er sérstakt við
Calgary­aðferðina.