Tölvumál - 01.11.2009, Blaðsíða 14

1 4 | T Ö L V U M Á L
Hugmyndin
Tunerific er hugbúnaðarlausn fyrir farsíma sem gerir notendum kleift að
tónstilla gítar með hjálp farsímans. Hugmyndin að verkefninu varð til í
námskeiðinu Tölvukerfi og markaðsmál sem kennt var við Háskóla Íslands
haustið 2006. Jóhann P. Malmquist var kennari námskeiðsins og fór stærsti
hluti námskeiðsins í að útbúa viðskiptaáætlun fyrir ákveðna hugmynd að
vöru sem nemendur stungu upp á. Upp kom hugmynd sem átti að gera
gítarleikurum kleift að tónstilla gítar með hjálp farsíma. Eftir nokkra
rannsókn á helstu áhættuþáttum og þá aðallega hvort einhver möguleiki
væri á því að þessi hugmynd gæti verið útfærð á farsímum nútímans
ákváðum við að hefjast handa. Ákveðið var að fara af stað með 30 eininga
meistaraverkefni í tölvunarfræði þar sem unnið yrði að hönnun, útfærslu og
markaðsmálum gagnvirka tónstillisins.
Útfærsla
Vinna við meistaraverkefnið hófst í janúar 2007 með rannsóknarvinnu
sem fól í sér að skoða stöðu þekkingar á sviðinu og kanna hugsanlega
útfærslumöguleika. Eftir að gróf hönnun á hugbúnaðinum lá fyrir ákváðum
við að gera fyrstu virku frumgerðina á farsíma sem varð tilbúin vorið 2007.
Sú frumgerð sýndi fram á að mögulegt væri að fá ná fram sæmilegri
tíðnigreiningu með aflsnauðum og minnislitlum farsímum. Það má segja að
með tilkomu þessarar fyrstu virku frumgerðar af Tunerific hafi hjólin byrjað
að snúast aðeins hraðar en áður. Frumgerðin veitti okkur aukinn kraft til að
halda ótrauðir áfram með verkefnið, gaf góða mynd af því hvar fókusinn í
tæknimálunum ætti að vera til að auka gæði lausnarinnar og sýndi nokkrar
af þeim fyrstu hindrunum sem við þurftum að yfirstíga.
Vorið 2007 fengum við vottun frá „Verisign“ til að skrifa hugbúnað fyrir
farsíma sem gaf okkur meira frelsi til að gera ýmsa hluti sem við gátum
ekki áður útfærslulega eins og t.d. að stýra betur upptöku sýna (e. sample)
af hljóði. Einnig tókum við þátt í Frumkvöðlakeppni JCI á íslandi vorið 2007
og lentum þar í öðru sæti og fengum peningaverðlaun sem fóru upp í
kostnað sem „Verisign“ vottunin bar með sér.
Sumarið 2007 fór að mestu leiti í áframhaldandi rannsóknarvinnu og
endurbætur á fyrstu frumgerðinni. Um haustið 2007 tókum við þátt í
annarri frumkvöðlakeppni sem ber heitið „Upp úr skúffunum“. Sú keppni
snýst um að velja lausnir sem verða til innan Háskólans og veita þeim
styrki til hagnýtingar. Við lentum í 3. sæti í þeirri keppni og hlutum vegleg
peningaverðlaun sem gerði okkur m.a. kleift að kaupa fleiri farsíma til að
geta bæði prófað og sýnt lausnina.
Snemma árs 2008 leituðum við eftir samstarfsaðilum til að taka verkefnið
lengra og sóttum um styrk frá Tækniþróunarsjóði Rannís. Í kjölfarið voru
undirritaðir samstarfssamningar við farsímafyrirtækið Nova ehf. og Félag
Reynslusaga:
Að þróa litlar og
hagkvæmar lausnir fyrir
farsíma
Guðmundur Freyr Jónasson, tölvunarfræðingur
við Háskóla Íslands