Tímarit hjúkrunarfræðinga - 01.02.2010, Blaðsíða 54

Tímarit hjúkrunarfræ›inga – 1. tbl. 86. árg. 201050
Útdráttur
Umræða um hjúkrun er oft einsleit og snýst oft um annríki
hjúkrunarfræðinga. Mikilvægt er að koma með fleiri sjónarhorn
í þá umræðu, greina í hverju annríkið felst og gefa skýra mynd
af fjölbreyttum störfum hjúkrunarfræðinga.
Störf hjúkrunarfræðinga á skurðlækningadeildum fela í
stórum dráttum í sér að annast sjúklinga sem þarfnast
skurðaðgerðar. Ekki er þó vitað með vissu hvað starfið felur
nákvæmlega í sér enda hefur það lítt verið kannað hérlendis.
Markmið rannsóknarinnar var að greina hvað felst í störfum
hjúkrunarfræðinga á skurðlækningadeildum. Gagnasöfnun
var eigindleg en myndaður var einn rýnihópur með tíu
hjúkrunarfræðingum frá átta deildum á skurðlækningasviði.
Hópurinn hittist tíu sinnum þar sem þátttakendur greindu
nákvæmlega frá einni vakt í starfi sínu og atvikum sem þar
höfðu komið upp, staldrað var við ákveðin atriði og kafað dýpra
í þau. Umræður hópsins voru teknar upp á segulband, afritaðar,
þemagreindar og þemun borin undir þátttakendur. Greind voru
fimm meginþemu og eitt yfirþema: „Í hringiðu faglegrar færni“
og stendur það fyrir fjölbreytt störf hjúkrunarfræðinga sem
unnin eru af fagmennsku í síbreytilegu umhverfi. Meginþemun
eru: 1) að vinna margslungin verk af færni, 2) að finna hið
sérstæða meðal hins almenna, 3) að fást við flæði upplýsinga
og samskipti, 4) að hrærast í síbreytilegu umhverfi og láta
hlutina ganga og 5) að nýta starfsþroskann og njóta hans.
Þemun endurspegla að þungamiðjan í starfi hjúkrunarfræðinga
á skurðlækningasviði er samskipti við sjúklinga, aðstandendur
og samstarfsfólk. Starfið felur einnig í sér að beita tæknilegri
færni, hafa eftirlit með hugsanlegum fylgikvillum aðgerða og
óeðlilegu ástandi, svo og að bregðast sífellt við breyttu ástandi
á deildinni.
Lykilorð: hjúkrun, inntak hjúkrunar, rýnihópur.
INNGANGUR
Umræða um hjúkrun er oft einsleit og snýst oft um annríki
hjúkrunarfræðinga. Mikilvægt er að koma með fleiri sjónarhorn
í þá umræðu og greina í hverju annríkið felst, gefa skýra mynd
af störfum hjúkrunarfræðinga og draga upp fjölbreyttari mynd
af starfinu.
Upplýsingar um í hverju sérstaða hjúkrunar aðgerðarsjúklinga
felst má nota til að greina álag í starfi hjúkrunarfræðinga og til
endurskoðunar á störfum hjúkrunarfræðinga, til dæmis hvaða
störfum megi útdeila til annarra stétta þannig að dýrmætum
tíma hjúkrunarfræðinga sé að mestu varið í störf sem taka
mið af þörfum sjúklinga. Upplýsingar um hvað gefur starfinu
gildi gætu bætt undirbúning á skurðlækningadeildum og verið
mikilvægt innlegg í starfsþróun hjúkrunarfræðinga.
Katrín Blöndal, Landspítala, hjúkrunarfræðideild Háskóla Íslands
Bergþóra Eyjólfsdóttir, Landspítala, hjúkrunarfræðideild Háskóla Íslands
Herdís Sveinsdóttir, hjúkrunarfræðideild Háskóla Íslands, Landspítala
AÐ VINNA MARGSLUNGIN VERK AF FAGMENNSKU Í
BREYTILEGU UMHVERFI:
Um störf hjúkrunarfræðinga á skurðlækningadeildum
ENGLISH SUMMARY
Blondal, K., Eyjolfsdottir, B., Sveinsdottir, H.
The Icelandic Journal of Nursing (2010), 86 (1), 50-56
Working proficiently in an ever-changing
environment: Nurses in surgical wards
Discourse about nursing often concentrates on the
workload of nurses. It is important to introduce a different
perspective on that discourse by presenting a clear picture
of the diversity of their work.
Being a nurse within a surgical division includes caring
for surgical patients. As this aspect has not been studied
in great detail in Iceland, it is unclear what precisely
the work encompasses. The aim of this study was to
identify what the practices of nurses within the surgical
wards of Landspítali ­University Hospital comprise. Data
were collected by qualitative methods. One focus­group
was formed with ten nurses who worked at eight wards
within the surgical division of Landspítali ­University
Hospital. The group met ten times and each participant
described in detail one shift and the eventful incidences
that took place during their working day. The discussions
were tape­recorded, analysed, themes detected and
verified by the participants. Five main themes emerged
with the overarching theme “in the flow of professional
competence” entailing a multifaceted and complex
work, performed in a ever­changing environment. The
main themes are 1) Performing manifold nursing tasks
proficiently; 2) To find the particular within the ordinary;
3) To master the flow of information and communication;
4) Existing within an unpredictable environment and
getting the work done; 5) To make use of and enjoy one’s
professional development. These themes reveal that the
essence of the nurses’ practice is communication with
patients, relatives and co­workers. However, applying
technological competency, surveillance, management and
constant adaptation to altered circumstances is also a
part of their work.
Key words: nursing practice, nursing mandate, focus group.
Correspondance: katrinbl@landspitali.is