Tímarit hjúkrunarfræðinga - 01.10.2010, Blaðsíða 58
Tímarit hjúkrunarfræ›inga – 4. tbl. 86. árg. 201054
ÚTDRÁTTUR
Tilgangur þessarar rannsóknar var að lýsa brjóstagjöf barna
við heimferð af nýburagjörgæsludeild og við fjögurra mánaða
aldur og athuga hvort fæðingarþyngd barns hafi haft áhrif
á gang og árangur brjóstagjafar. Rannsóknin var unnin á
nýburagjörgæsludeild Landspítala á þriggja mánaða tímabili.
Þátttakendur voru foreldrar 62 af 84 börnum sem útskrifuðust
á rannsóknartímabilinu. Gögnum um næringu barnanna og
lýðfræðilegum upplýsingum fjölskyldunnar var safnað með
spurningalistum sem sendir voru til foreldra. Niðurstöður
sýndu að 76% barnanna fengu eingöngu brjóstamjólk við
útskrift. Sum drukku hana eingöngu af brjósti, önnur drukku
hana hvort tveggja af brjósti og úr pela og enn önnur drukku
brjóstamjólkina eingöngu úr pela. Nánast öll börnin, eða
92%, fengu einhverja brjóstamjólk við heimferð. Börn með
fæðingarþyngd 2500 g eða yfir voru frekar líklegri til að
drekka alla brjóstamjólkina af brjósti (70%) við heimferð en
börn með lægri fæðingarþyngd (31%). Ekki var tölfræðilega
marktækur munur eftir þyngd á fjölda barna sem drukku
eingöngu brjóstamjólk við heimferð. Við fjögurra mánaða
aldur drakk 61% barnanna enn eingöngu af brjósti, ekkert
barn fékk brjóstamjólk úr pela og 5% fengu blöndu af brjósta
og pelagjöfum. Fleiri börn með fæðingarþyngd undir 2500
g voru hætt að drekka af brjósti við fjögurra mánaða aldur
(50%) en þyngri börnin (27%). Niðurstöður sýna að ef barn
drakk ekki brjóstamjólkina af brjósti við heimferð var líklegra
að það væri hætt að fá brjóstamjólk við fjögurra mánaða
aldur. Þessar niðurstöður benda til mikilvægis þess að börn
séu farin að drekka af brjósti við heimferð og að huga þurfi
að auknum stuðningi við brjóstagjöf eftir heimferð til foreldra
barna með lága fæðingarþyngd (undir 2500 g). Einnig benda
niðurstöðurnar til þess að skoða þurfi sérstaklega þann
möguleika að brjóstagjöf með ábót úr pela sé vel ásættanleg
í sumum tilvikum.
Lykilorð: Fyrirburar, brjóstagjöf, nýburagjörgæsludeild.
INNGANGUR
Eitt af helstu markmiðum hjúkrunar á nýburagjörgæsludeild
Landspítala er að stuðla að brjóstamjólkurgjöf til barna er
þar dveljast. Alþjóðaheilbrigðismálastofnunin (WHO) mælir
með brjóstamjólk sem einu fæðu nýbura fyrstu sex mánuði
lífsins og sérstök áhersla er lögð á fyrirbura og veika nýbura
(World Health Organization, 2001). Ávinningur brjóstamjólkur
er ekki eingöngu talinn vera aukinn vöxtur og líkamlegur þroski
barnanna (Armand o.fl., 1996; Lawrece, 1994). Hún er einnig
talin styrkja ónæmiskerfi þeirra (Lucas og Cole, 1990) og hafa
verndandi áhrif gagnvart ýmsum heilsufarsvandamálum síðar á
ævinni (Chen og Rogan, 2004; Raiseler o.fl., 1999).
Þegar skoðaðar eru rannsóknir á brjóstagjöf nýbura kemur í ljós
að ólíkar skilgreiningar á brjóstagjöf eru við lýði, stundum jafnvel
engar, og gerir þetta samanburð milli rannsókna ónákvæman.
Misræmið í skilgreiningum liggur oftast í því hvernig skilgreina
skuli „eingöngu brjóstagjöf“. Óljóst er stundum hvort átt sé
við að barnið drekki eingöngu af brjósti og fái ekkert annað
Rakel Björg Jónsdóttir, Landspítala
Arna Skúladóttir, Landspítala
BRJÓSTAGJÖF FYRIRBURA OG VEIKRA NÝBURA
ENGLISH SUMMARY
Jonsdottir, R. B. and Skuladottir, A.
The Icelandic Journal of Nursing (2010), 86 (5), 54-60
BREASTFEEDING OF PREMATURE INFANTS AND
SICK NEONATES
The aim of this study was to describe infants’ breastfeeding at
discharge from the neonatal intensive care unit (NICU) and at
the age of 4 months to investigate the impact of birth weight
on breastfeeding. The study was conducted at the NICU at
the University Hospital in Iceland over a three month period.
Participants were parents of 62 out of 84 infants who were
discharged during this period. Data concerning infants’ feeding
habits and demographics concerning the family was collected
by questionnaires mailed to parents. Results showed that
76% of infants were fed exclusively breast milk at discharge
but the pattern of feeding varied: Some were drinking only
from the breast, others were fed on the breast with additional
breast milk from a bottle, and finally some received breast
milk exclusively from a bottle. Importantly, almost all infants or
92% were getting some breast milk at discharge. Furthermore,
infants with birth weight 2500 g or more were more likely to be
entirely fed from the breast (70%) at discharge compared to
low birth weight (LBW) under 2500 g (31%) infants. However,
there was no statistical difference between the number of
LBW and full birth weight infants who were exclusively fed
with breast milk at discharge. At 4 months of age, 61% of the
infants were still fully breastfed, none received breast milk only
by the bottle and 5% received breast milk both from breast
and bottle. In addition, the results showed that more LBW
infants had stopped breastfeeding (50%) compared to infants
with higher birth weight (27%) at 4 months of age. These
results indicate that infants who are not breastfed at discharge
will be more likely to receive no breast milk at 4 months. These
findings indicate the importance of breastfeeding at discharge
from the NICU for maintenance of breastfeeding during the
first few months of life. Additionally, the results indicate that
parents of LBW infants may need more support to maintain
breastfeeding after discharge. Especially, it must be taken into
account that breastfeeding in combination with bottle feeding
may be an acceptable option in some cases.
Key words: Premature, breastfeeding, NICU
Correspondence: rakelbjo@landspitali.is