Skólavarðan - 01.05.2006, Blaðsíða 24

SKÓLAVARÐAN 4.TBL. 6. ÁRG. 2006
FRÉTTIR OG TILKYNNINGAR
24
Meðal væntanlegs efnis í Netlu er
vönduð grein eftir Elínu Ólafsdóttur
kennara: Minningar og myndir: Kennsla
í forskóladeildum í Reykjavík árið 1970-
1971. Í greininni segir Elín frá upphafi
forskóladeildanna í Reykjavik; aðdrag-
anda, starfsháttum, viðfangsefnum og
áherslum með hliðsjón af eigin reynslu í
Langholtsskóla.
Dagana 9. – 11. ágúst, verður haldið
námskeið í Davis náms- og lestrartækni.
Þetta er þriggja daga námskeið ásamt
eftirfylgni/framhaldsnámskeiði í október
og janúar (tveir hálfir dagar). Að þessu
sinni verða íslenskir leiðbeinendur en
margir kennarar hafa beðið eftir því.
Davis námstæknin® byggist á kenningum
Ronald D. Davis sem skrifaði ,,Náðargáfan
lesblinda” og er ætluð 5 – 9 ára gömlum
börnum, óháð námsstíl. Hún er hugsuð
sem aðferð til að fyrirbyggja sértæka
námsörðugleika. Nemendum er kennd
sérstök aðferð til þess að þjálfa sig í að
halda athyglinni við það sem þeir eru að
gera hverju sinni. Þeim er kennt að lesa
með skapandi aðferðum sem taka til
allra skynfærniþáttanna. Þessar aðferðir
má nota einar sér eða samhliða öðrum
lestrarkennsluaðferðum og geta þær
jafnframt nýst í öllum námsgreinum.
Davis námstæknin® hefur góð áhrif á
nemendur með ofvirkni og athyglisbrest
og auðveldar kennurum að halda uppi
aga í skólastofunni og eiga samskipti
við nemendur á jákvæðan hátt. Með
því að fá þjálfun í þessari námstækni
eru börnin betur búin undir ævilangan
námsferil. Íslenskir kennarar sem nota
Davis námstæknina segja að þeir skilji
nemendur sína á annan hátt en áður, þeir
séu fljótari að greina vísbendingar um
lestrar-, náms- og hegðunarörðugleika
og þeir hafi í höndunum tæki eða aðferð
sem hjálpar þeim að grípa fyrr inn í á
árangursríkan hátt.
Guðbjörg Emilsdóttir
sérkennari í Snælandsskóla
Námstefnan Fagmennska og færni
náms- og starfsráðgjafans var haldin á
vegum Félags náms- og starfsráðgjafa
(FNS) á Akureyri dagana 27. – 28. apríl.
Þar var sjónum beint að stefnumörkun
fyrir félagið ásamt því að leggja línur
fyrir sí- og endurmenntun félagsmanna.
Var það rómur námstefnugesta að
hún hefði heppnast mjög vel og
að mikillar fjölbreytni hefði gætt í
erindum fyrirlesara. Erindin fjölluðu
m.a. um framtíðarsýn og þróun náms-
og starfsráðgjafar í anda jafnréttis,
foreldrasamstarf, starfsþróun og sí-
menntunaráætlanir.
Í ályktun sem samþykkt var
á námstefnunni segir m.a.:
,,Náms- og starfsráðgjafar merkja
sívaxandi þörf innan menntakerfisins og í
atvinnulífinu fyrir náms- og starfsráðgjöf,
þjónustu sem ætti að vera sjálfsögð og
aðgengileg öllum í nútímaþjóðfélagi. Í því
samhengi er vert að benda á að nauðsynlegt
er að tryggja aðgang allra að náms- og
starfsráðgjöf, frá skóla til atvinnulífs, frá
bernsku til fullorðinsára. Tryggja þarf að
fagmenntaðir náms- og starfsráðgjafar
sinni störfum í skólum og í atvinnulífi
enda tryggir það gæði þjónustunnar.
Við endurskoðun grunnskólalaga þarf að
líta til þess að náms- og starfsráðgjafar
eru ekki tilgreindir meðal starfsliðs
skóla... Það er mat Félags náms- og
starfsráðgjafa að auka verði markvissa
náms- og starfsráðgjöf og náms- og
starfsfræðslu innan skólastiganna þriggja
og úti á vinnumarkaðnum. Aðgengi að
Námskeið í Davis námstækni með
íslenskum leiðbeinendum
Auka þarf markvissa
náms- og starfsráðgjöf
upplýsingum um þróun vinnumarkaðar
og framtíðarhorfur samhliða upplýsingum
um framboð menntunar er einn af
grunnþáttum í náms- og starfsvali
einstaklinga.”
Félag náms- og starfsráðgjafa stendur
nú á tímamótum og mun halda upp á 25
ára afmæli sitt á haustdögum með degi
náms- og starfsráðgjafar þann 20. október
og útgáfu afmælisrits. Nýr formaður
félagsins er Ágústa Elín Ingþórsdóttir,
náms- og starfsráðgjafi í Borgarholtsskóla
og telur félagið um 230 félagsmenn
sem starfa á skólastigunum þremur, í
fyrirtækjum og á atvinnumiðlunum.
Sjá má frekari upplýsingar um félagið á
heimasíðu þess fns.is og þar er einnig að
finna ályktunina í heild sinni.
Netlufréttir
Þá er vert að geta greinar eftir Ástríði
Stefánsdóttur dósent við KHÍ: Sjálfræði,
virðing og samskipti; hugleiðingar um
siðferðilegt innsæi. Ástríður leggur út frá
sögunni um Miskunnsama Samverjann
og notar hana til að varpa ljósi á þrjú
grundvallarhugtök siðfræðinnar; sjálfræði
, virðingu og samskipti. Færð eru rök að
því að hætta sé á blindu á mennsku þeirra
einstaklinga sem tilheyra jaðarhópum
samfélagsins. Þetta birtist í framkomu
við þá og veldur því að þeim er ekki sýnd
sú virðing sem þeim ber. Fylgist með
Netlu, netla.khi.is