Skólavarðan - 01.03.2001, Blaðsíða 27

Í eldra kerfi var að vísu stuðst við stigamat
lokaprófa við grunnröðun, en ekki greint á
milli formlegrar menntunar, sem lýkur með
prófgráðu og er grundvöllur þess að geta
aflað leyfisbréfs á framhaldsskólastigi með
námi í uppeldis- og kennslufræði, annars
vegar og viðbótarnáms og endurmenntunar
hins vegar.
Þannig gátu kennarar safnað punktum
eða stigum fyrir hvers kyns nám og nám-
skeið. Stigin voru síðan notuð til að færa
menn á milli launaflokka eftir ákvæðum
kjarasamningsins. Samkvæmt eldri samn-
ingi þurfti 20 stig til þess að færast á milli
launaflokka. Bil á milli flokka var 3% og
þurfti svo dæmi sé tekið tuttugu stundir á
námskeiði til þess að fá eitt stig eða 400
stundir fyrir hækkun um einn launaflokk.
Í nýjum kjarasamningi er ekki lengur
byggt á slíku kerfi heldur er við miðlæga
röðun aðeins tekið mið af formlegum loka-
prófum. Sá hluti röðunar til launa gildir því
eins fyrir alla samkvæmt ákvæðum kjara-
samningsins.
Í svokölluðum stofnanaþætti samningsins
er síðan reiknað með því að viðbótarnám,
nám sem aflað er á orlofsári og endur-
menntun séu meðal þess sem liggi til
grundvallar á mati á kennslu og kennslu-
tengdum störfum. Sá hluti samningsins er
enn sem komið er ekki eða varla kominn til
framkvæmda en er í undirbúningi. Á nám-
stefnu samningsaðila fyrir trúnaðarmenn
og skólameistara í febrúar sl. var m.a. fjallað
um aðferðafræði í mati á einstaklingum og
störfum þeirra til launa. Þetta mat og
möguleg aðferðafræði við það er eitt mikil-
vægasta umræðuefni hjá Félagi framhalds-
skólakennara um þessar mundir.
Eðlilega veldur ný skipan mála nokkrum
hræringum í röðum félagsmanna okkar. Að
mínu mati liggja til þess nokkrar ástæður.
Hin fyrsta er einfaldlega sú staðreynd að
það er áður óþekkt fyrirbæri í kennara-
samningum framhaldsskóla að um mismun-
andi mat á viðbótar- og endurmenntun geti
verið að ræða milli skóla og milli manna
þar sem samningar okkar hafa hingað til
verið alfarið miðlægir. Önnur mikilvæg
ástæða er sú að þrátt fyrir mikla hækkun
grunnlauna sem menn eru upp til hópa
ánægðir með þá raskar hin nýja skipan inn-
byrðis hlutföllum í launaröðun. Þannig má
segja að þeir sem samkvæmt eldri samningi
áttu launaröðun sína undir lokaprófamati
tapi engu en þeir sem áttu meira undir
stigamati á viðbótarnámi sem ekki var lokið
með prófgráðu og/eða endurmenntun telja
sumir að af þeim hafi verið haft og mennt-
un þeirra verðfelld. Ennfremur er ljóst að
kennarar treysta misvel á að þeir fái brátt,
eða þegar fram líða stundir, frekara mat og
launaröðun vegna viðbótarnáms síns og
endurmenntunar. Margir benda réttilega á
að ekki sé ljóst hvort sérstökum fjármunum
verði varið í slíkt viðbótarmat og röðun
launa vegna einstaklingsbundinna þátta í
samræmi við kjarasamning.
Ekki var að mati samningamanna stéttar-
félagsins óeðlilegt að endurskoða mat á
menntun og leggja aukna áherslu á loka-
próf, m.a. vegna þess hve samningar okkar
og forsendur þeirra eru sambærilegir við
það sem gerist hjá skyldum hópum launa-
manna. Við athugun kom í ljós að félags-
menn voru að meðaltali tæplega 1 lfl. ofar
en þeir sem metnir voru á grundvelli loka-
prófa. Ekki var neinn umræðugrundvöllur
við ríkið um að lappa upp á gamla kerfið, til
dæmis með því að minnka þann stigafjölda
sem þurfti til að hækka um flokk, en hann
var sem fyrr segir 20 stig eða um 400
stundir í endurmenntun. Stéttarfélagið tel-
ur víst að við forgangsröðun samkvæmt
greinum kjarasamnings um viðbótarstörf
og viðbótarmat kennara verði mat á mennt-
un ofarlega á blaði í flestum skólum.
Elna Katrín Jónsdóttir
Kjaramál
29
Ýmsar grundvallarbreytingar voru
gerðar á kjarasamningi framhalds-
skólans sem undirritaður var 7. janúar
sl. Tekið var upp nýtt launakerfi og
ný gerð launatöflu, stigin voru skref í
átt til dreifingar á ábyrgð og vinnu-
tímakafli samningsins einfaldaður.
Mat á menntun félagsmanna er hluti
af því sem breytist í tengslum við
nýtt launakerfi. Öllum kennurum er
endurraðað til launa á grundvelli
lokaprófs í fagi eða fögum, kennslu-
réttinda á framhaldsskólastigi og
kennsluferils.
FramhaldsskóliUm mat á menntun
Trúnaðarmenn í Skólastjórafélagi Íslands
eru almennt andvígir því að gefin verði út
sérstök handbók um túlkun nýs kjarasamn-
ings grunnskóla. Hins vegar telja þeir æski-
legt að samantekt spurninga og svara varð-
andi samninginn verði aðgengileg á heima-
síðu Kennarasambandsins. Þetta kom m.a.
fram á tveggja daga trúnaðarmannafundi SÍ
sem haldinn var á Hvolsvelli dagana 16. og
17. mars sl.
Á fundinum urðu talsverðar umræður um
lengd skólaársins, hlutverk skólastjóra í ljósi
nýs kjarasamnings svo og hlutverk skóla-
stjóra, sveitarstjórna og menntamálaráðu-
neytis varðandi ákvörðun um starfstíma
skóla.
Miklar umræður spunnust um nýjan kjara-
samning skólastjóra og voru menn yfirleitt
nokkuð ánægðir með niðurstöðuna. Þó kom
fram að skólastjórar í fámennum skólum og
aðstoðarskólastjórar í meðalstórum skólum
væru óánægðir með útkomu sína.
Fundarmenn lýstu yfir ánægju með þann
tíma sem skólastjórar hafa nú til ráðstöfun-
ar á starfstíma skóla og aukna möguleika á
að dreifa stjórnunarábyrgð innan skóla.
Miklar umræður urðu um 9,14 tímana og
innri og ytri ramma vinnutíma kennara.
Samningsréttarmál skólastjóra og fram-
tíðarskipulag Kennarasambands Íslands
voru einnig ofarlega á baugi á fundinum.
Kári Arnórsson, starfsmaður SÍ, fjallaði um
stöðu félagsins innan KÍ. Hann rakti hvernig
afstaða til starfs skólastjóra og stjórnunar
hefði breyst bæði innan sambandsins og í
samfélaginu á undanförnum árum. Niður-
staða Kára var sú að staða SÍ hefði styrkst
verulega. Hins vegar væru ýmsar spurningar
á lofti, til dæmis varðandi aðild starfsfólks á
skólaskrifstofum að félaginu, en það fær
ekki laun samkvæmt launatöflu skólastjóra
þó svo að félagið semji fyrir þess hönd.
Trúnaðarmannafundur skólastjóra
Nýr kjarasamningur
og staða skóla-
stjóra efst á baugi
F r é t t