Skólavarðan - 01.04.2001, Blaðsíða 21

Enn eitt þróunarverkefnið við skólann er
skákkennsla. Hún er nú hluti af námi í
þriðja bekk og er enginn vafi á því að
kennsla í skák eykur eftirtekt og skerpir
rökhugsun og kemur því að gagni í öllu
námi.
Við leitumst við að sigrast á feimni
okkar og náum því takmarki að líða
vel í ræðustól.
(Gurrý ritari)
,,Við leggjum mikla áherslu á að nem-
endur Hvaleyrarskóla eigi sér samastað í
tungunni. Það felur í sér að menn búi við
mállegt öryggi sem gefi þeim tilfinningu
fyrir því að þeir geti sagt það sem þeir vilja,
á þann hátt sem þeir kjósa, við hvaða að-
stæður sem er,“ segir Helga
og segir grunninn að þessu
vera markvissa málörvun í
leik og starfi sem verið hafi
við lýði við skólann allt frá
byrjun. Fljótlega var mark-
viss málörvun sett í stunda-
töflu og börnin prófuð í
þáttum á borð við í fram-
sögn, frásögn og þátttöku í
umræðum og þeim gefnar
einkunnir fyrir.
Afrakstur þessarar vinnu
kemur síðan berlega í ljós
þegar börnin koma í
ræðupúlt og kynna ýmis
verkefni. Einn afraksturinn af K-B-F var
ljóðabók sem gefin var út á tíu ára afmæli
skólans vorið 2000 þar sem finna má ljóð
sem börn og ættingjar þeirra sömdu í sam-
einingu.
,,Það er stórkostleg tilfinning að horfa á
barn segja frá því sem það hefur verið að
gera og ég veit ekki hver er stoltastur; barn-
ið, foreldrar, kennarar eða ég,“ segir Helga
brosandi.
Stefna ber markvisst að því að nem-
endur hafi trú á sjálfum sér.
(Steinar kennari)
Hvaleyrarskóli er fjölmenningarlegur
skóli. Þar eru nú tuttugu og sex nýbúar og
tvítyngdir nemendur sem koma frá fimmt-
án þjóðlöndum. Til að gefa öðrum nem-
endum og starfsfólki skólans kost á að
kynnast menningu og löndum þeirra var nú
í mars ein vika helguð samstarfsverkefninu
K-B-F undir yfirskriftinni Þjóðerni og
tungumál í Hvaleyrarskóla. Helga segir
markmiðið hafa verið að tengja saman ólíka
menningarheima, víkka sjóndeildarhring
nemenda, kennara og foreldra, auka víðsýni
og síðast en ekki síst að stuðla að jákvæðri
samvinnu heimila og skóla.
Deildarstjóri í sérgreinakennslu skipu-
lagði verkefnið og nemendur unnu undir
stjórn kennara að verkefnum um fjórtán
lönd. Í sal var komið upp básum þar sem
hægt var að kynnast hverju landi og sér-
kennum þess. Þar var meðal annars hægt að
sjá þýskan fótboltabúning, krydd og hrís-
grjón og Prins Póló. Foreldrar elduðu mat,
lánuðu þjóðbúninga og styttur af guðum og
einnig var hægt að sjá hvernig hefðbundinn
breskur morgunverður er borinn fram.
Kryddlyktin úr indverska básnum finnst
jafnvel enn í salnum.
Stóri dagurinn rann síðan upp þann átt-
unda mars þegar nemendur kynntu verk-
efnið, fluttu ljóð og ýmsan fróðleik.
Í samskiptum kennara og nemanda
skiptir öllu að honum finnist kennar-
inn sanngjarn. Stundum hefur mér
fundist barn þurfa örlítið bros eða hrós
þegar það hefur ekki unnið til þess.
(Alfreð kennari)
Mikill áhugi og metnaður ríkir í Hvaleyr-
arskóla og nú, skólaárið 2000 til 2001,
er unnið að þróunarstarfi tengdu námsað-
lögun.
Í hefti þar sem þessu þróunarstarfi er
fylgt úr hlaði segir:
,,Námsaðlögun miðar að því að koma á
varanlegu skipulagi þar sem allir nemendur
hafi sem jöfnust tækifæri til að ná árangri í
námi án þess að vera dregnir í dilka eftir
þekkingu, færni, skilningi eða námsefni.
Námsaðlögun er því ekki sérkennsla heldur
miðast við að nemendur hafi í grófum
dráttum sömu námskrá og markmið en fái
tækifæri til að vinna að þeim á mismunandi
hátt.“
Helga telur skyldur skólans vera að hver
nemandi, burtséð frá styrk sínum eða veik-
leikum, fái tækifæri til að ná stöðugum ár-
angri í námi og segir að ef skólinn nái ekki
að sinna þessum skyldum sínum verði hann
að leita orsaka hjá sjálfum sér ekki síður en
hjá nemandanum.
,,Það er ekki barninu að kenna ef því
gengur illa í skólanum. Það er oft okkur í
skólanum að kenna því að við gerum
kannski of miklar kröfur til þess og getum
ekki veitt barninu þau úrræði sem það
þarfnast. Við verðum að gera hæfilegar
kröfur til hvers nemanda. Þannig ráða þeir
við námsefnið og eru ekki að klífa fjöll sem
þeir ráða ekki við. Eitt samvinnuverkefni
skólans og heimila hefur verið að fá bæjar-
yfirvöld til að útvega skólanum þau gögn
sem hann þarf.“
Reynum að vera þolinmóð, hrein-
skipt og réttlát í starfi okkar með nem-
endum. Greiðum úr erfiðleikum jafn-
óðum og dæmum verk nemenda en
ekki þá sjálfa. Takist
þetta er kominn grunnur
að góðum árangri.
(Linda kennari)
Helga og starfsfólk hennar
hafa lagt mikla áherslu á að
ná góðum árangri í starfi
skólans. Nú sýna nemendur
í Hvaleyrarskóla mikinn ár-
angur í námi. Lykillinn að
velgengninni er gott innra
starf þeirra sem vinna í skól-
anum.
Það er við hæfi að ljúka heimsókninni í
Hvaleyrarskóla með orðum starfsfólks um
framtíðarstefnu skólans. Þetta eru falleg
orð sem allir starfsmenn skólans hjálpuðust
að við að móta og segja í raun allt sem segja
þarf um skólann á holtinu.
,,Í Hvaleyrarskóla búum við nemendur
okkar undir framtíðina. Við mótum þroska-
vænlegt umhverfi þar sem ríkir áhugi og
metnaður meðal starfsfólks og nemenda. Við
kennum nemendum að tjá sig munnlega og
skriflega, gerum sanngjarnar kröfur til þeirra
og gerum þá ábyrga fyrir námi sínu og hegð-
un. Með styrkri stjórn og jákvæðri stjórnun,
samræmi í störfum okkar, skipulögðum
vinnubrögðum, ábyrgu foreldrasamstarfi og
öflugu félagslífi stuðlum við að vellíðan í
skólanum og góðum árangri.“
Steinunn Þorsteinsdóttir
Heimsóknin
27