Skólavarðan - 01.08.2001, Blaðsíða 20

Svipmynd af skólastarfi
Ég hóf sumarleyfið mitt í júní sl. með því
að fara ásamt samkennurum mínum í
skólaheimsókn til Suður Bretlands. Ferðin
var í alla staði mjög ánægjuleg og afar
gagnlegt að fá tækifæri til þess að kynnast
skólastarfi í öðrum löndum. Áður höfum
við heimsótt skóla í Edinborg og í Halifax.
Stúlku- og drengjaskólar
Heimsókn okkar var skipulögð af for-
stöðumanni fræðsluskrifstofunnar í
Bournemouth og stóð hann sig frábærlega
vel. Við vildum fá að skoða sérstaklega
tölvunotkun í kennslu og fræðast um gæða-
stjórnun og mat á skólastarfi. Skólarnir
sem við heimsóttum voru á unglingastigi
með nemendur frá 11-18 ára. Við skiptum
okkur í minni hópa og heimsóttum mjög
mismunandi skóla en skoðuðum svipaða
hluti í þeim öllum. Í Bournemouth er að
finna bæði kynjaskipta og blandaða skóla
en það mun ekki vera dæmigert fyrir önnur
svæði í Bretlandi. Rökin fyrir kynjaskipt-
ingu virtust helst vera þau að svona hefði
þetta alltaf verið! Foreldrar hafa samt tölu-
vert val um það í hvaða skóla börn þeirra
ganga og systkini velja ólíkar leiðir eftir því
hvað hentar þeim sjálfum. Nemendur
þreyta samræmd próf ellefu ára og aftur
sextán ára. Þeir sem ná bestum árangri ell-
efu ára geta farið í sérstaka skóla fyrir dug-
lega nemendur þannig að u.þ.b. 20%
þeirra bestu fara úr almennu skólunum. Í
öllum skólum sem við skoðuðum var geta
nemenda blönduð.
Nemendur sýna skólann
Í flestum skólunum tóku fulltrúar nem-
enda á móti okkur, sýndu okkur skólann og
svöruðu spurningum. Þetta var mjög
skemmtilegt og frábært hversu vel þeir
stóðu sig, enda var það hlutverk þeirra að
taka á móti gestum, vera í forsvari fyrir
skólann og aðstoða kennara við ýmislegt.
Einn daginn fylgdum við nokkrum nem-
endum í tíma og kynntumst kennslu í ein-
stökum greinum nánar. Það einkennir
nemendur almennt hversu auðvelt þeir eiga
með að tjá sig. Það var sama hvað spurt var
um, alltaf höfðu þeir svör á reiðum höndum
og skoðanir á öllu. Leikræn tjáning er afar
stór þáttur í skólastarfi í Bretlandi og mjög
vinsæl og á vafalaust sinn þátt í því hve
nemendur eru opnir. Listgreinar, s.s. tón-
list og myndmennt, eru einnig mjög vin-
sælar og nemendur áhugasamir um að sýna
frammistöðu sína í þeim.
Ritun í öllum greinum
Athyglisvert þótti mér að ritun er mjög
stór þáttur í öllum námsgreinum. Í upphafi
allra verkefna eru sett skýr markmið, hvað
ætlum við að gera og til hvers erum við að
því? Hvernig ætlum við að leysa verkefnið,
hvaða leiðir veljum við til þess og hvers
vegna veljum við þær? Þetta er gert munn-
lega og skriflega. Í lokin er svo aftur skrifað
um hvað var gert, hvernig það gekk, hvers
vegna gekk vel eða illa og hvað mætti betur
fara. Þetta gera nemendur í öllum grein-
um, líka verklegum. Nemendur í leikrænni
tjáningu skrifuðu um það sem þeir voru að
gera í nokkurs konar dagbók í lok hverrar
viku. Við mat á árangri nemenda eru mark-
mið einnig mjög skýr. Ekki nægir að nem-
andi segist ætla að bæta sig í stærðfræði
heldur þarf hann að skoða alla þætti stærð-
fræðinnar og greina hvað hann
kann og hvað ekki. Hann setur sér
svo markmið um til dæmis að bæta
margföldun eða deilingu og vinnur
að því. Með þessu móti verður á-
byrgð nemandans meiri og námið
markvissara. Kennarinn aðstoðar á
allan hátt, útvegar verkefni og met-
ur árangur.
Tölvukostur skólanna var mjög
góður og aðgengi nemenda að tölv-
um gott. Þær voru í öllum stofum,
líka í verklegum greinum. Nemendur og
kennarar hafa aðgang að innanhússneti auk
Internetsins. Það sem virtist skipta mestu
máli var að í tölvustofunum var starfandi
tæknimaður sem sá um öll tæknimál, svo
kom kennarinn með nemendur og kenndi!
Tölvuumsjónarmaðurinn sá um allt, fann
til heimasíður og krækjur fyrir ýmis verk-
efni og efni sem nemendur áttu að vinna
með og bjó í hendur kennara og nemenda
með því að setja það á innanhússnetið. Við
Evrópa
22
Skólaheimsókn til Bournemouth
Það einkennir nemend-
ur almennt hversu auð-
velt þeir eiga með að tjá
sig. Það var sama hvað
spurt var um, alltaf
höfðu þeir svör á reið-
um höndum og skoðanir
á öllu. Leikræn tjáning
er afar stór þáttur í
skólastarfi í Bretlandi
og mjög vinsæl og á
vafalaust sinn þátt í því
hve nemendur eru opnir.