Þjóðmál - 01.03.2013, Blaðsíða 72
Þjóðmál voR 2013 71
Með sögurýni má sjá, að stefna stjórn-valda hefur gegnt mikilvægu hlut verki
fyrir velgengni þjóða og svo er enn . Þó kemur
þar fleira til, t .d . tækniframfarir, en hvatar til
tækniþróunar eru líka að nokkru leyti á valdi
stjórnvalda . Áður en lengra verður haldið er
nauðsynlegt að skilgreina hug takið velgengni
fyrir markmið þessarar grein ar .
Hér skal gert ráð fyrir, að þjóð nú á tím-
um vegni þá og því aðeins vel til lengdar, ef
aldurssamsetning hennar er heilbrigð, þ .e .
henni fækkar ekki, hagkerfi hennar er traust
og skilar langtímahagvexti, sem er meiri en
nemur mannfjölguninni, á bilinu 3–6%
hag vöxtur á ári, og stjórnarfarið er traust,
þ .e . aðgerðir stjórnvalda eru óumdeilanlega
í samræmi við stjórnarskrá, þrígreining
ríkis valdsins er virt, og stjórnarskráin veitir
skýra og ótvíræða leiðsögn um rétta hegðun
alþingis manna, ríkisstjórnar, dómara og
síðast en ekki sízt þegnanna .
Það er mál manna, að stjórnvöld þau,
sem til valda komust 1 . febrúar 2009, hafi
verið beinlínis skaðleg þjóðarhag í mörgum
skilningi . Þau hafa verið dæmd fyrir lögbrot
og margar aðgerðir þeirra orka tvímælis
með vísun til stjórnarskráar . Stjórnvöld hafa
skapað stjórnarfarslega óvissu með hunzun
hæstaréttardóms og með hótun um að kasta
gömlu stjórnarskránni fyrir róða . Þá hafa
margar aðgerðir stjórnvalda stórskaðað
þjóðarhag, svo að ekki sé nú minnzt á
aðgerðaleysið, sem verið hefur hróplegt á
sviðum iðnþróunar .
Í þessari grein verður litið á málsmeðferð
ríkisstjórnarinnar í nokkrum málaflokkum
til að sýna fram á, að þessar alvarlegu
ásakanir eiga því miður við rök að styðjast,
þó að hér verði sleppt umfjöllun um skað-
legt aðgerðaleysi . Téða skaðsemi er hægt
að meta til fjár, og nemur upp hæðin
jafnvel eitt þúsund milljörðum króna yfir
kjörtímabilið (2009–2013), þegar glat að-
ur hagvöxtur, glötuð fjárfestingartæki færi,
léleg fjármálastjórnun ríkissjóðs með háum
vaxta kostnaði og alls kyns kostnaðarsöm og
einskis nýt gæluverkefni eru meðtalin .
Stjórnarskráin
Einni öld eftir uppkastsmálið 1908 hafa landsmenn nú mátt upplifa annað
uppkastsmál . Ríkisstjórn Jóhönnu Sig-
urðardóttur og þingmeirihluti hennar
ákvað að láta til skarar skríða gegn núver-
andi stjórnarskrá landsins . Var gefið í skyn,
að stjórnarskráin, sem um 96% þjóðarinnar
samþykktu 1944, væri svo gölluð, að hún
hefði ekki dugað til að verja þjóðina fyrir
fjármálaáfallinu í október 2008, sem
Bjarni Jónsson
Skaðleg stjórnvöld