Þjóðmál - 01.09.2013, Blaðsíða 47
46 Þjóðmál haust 2013
Jónas Ragnarsson
Morðið á Kennedy
Hvenær og hvernig fengu Íslendingar
fréttirnar af því?
Margir þeirra sem komnir eru yfir miðjan aldur telja morðið á John F .
Kennedy, forseta Bandaríkjanna, vera þann
atburð tuttugustu aldar sem síðast gleym
ist . Sumir muna hvar þeir voru þegar þeim
bárust tíðindin .
Skotið var á bíl Kennedys kl . 17:30 að
íslenskum tíma föstudaginn 22 . nóvember
1963 . Fyrstu áreiðanlegu fréttirnar um
árásina bárust um kl . 18 gegnum fjarrita .1
Þeir voru þá til hjá dagblöðunum og
Útvarpinu, einu útvarpsstöðinni .
Á fréttastofu Útvarpsins var þegar farið að
„afla fregna af atburðinum og eins að bregða
upp svipmyndum úr lífi og starfi forsetans,“
samkvæmt því sem Jónas Jónasson lýsti
löngu síðar .2
Á sjöunda tímanum
Klukkan var 18:35 þegar dagskrá Útvarpsins var rofin og Ragnar
Tómas Árnason útvarpsþulur las frétt sem
Jón Magnússon fréttastjóri hafði skrifað:
„Kennedy Bandaríkjaforseta var sýnt bana
tilræði í Dallas í Texas nú fyrir skömmu .
Skotið var á forsetann þar sem hann var
á leið í bíl með Conolly [svo!] ríkisstjóra
í Texas og særðust báðir, Kennedy á höfði
og Conally [svo!] á brjósti . Forsetinn er í
sjúkrahúsi í Dallas .“3
Á dagskrá hafði verið létt tónlist og var
haldið áfram að leika hana eftir að hin
óvæntu tíðindi höfðu verið flutt þjóðinni .4
„Rétt í þessu voru að berast þær fréttir frá
Dallas í Texas að Kennedy Bandaríkjaforseti
væri látinn .“ Þannig hófst frétt sem lesin var
kl . 18:48, en þá hafði dagskráin verið rofin
á ný . „Skotið var á hann þar sem hann ók
í opnum bíl frá flugvellinum í Dallas inn
í borgina, en þar átti hann að halda ræðu .
Hann særðist á höfði, var þegar fluttur í
sjúkrahús og gefið blóð en lést nú fyrir
nokkrum mínútum, að því er fréttir frá
Dallas herma . Sagt er að tilræðismennirnir
muni hafa verið þrír .“
Í kjölfar þessarar fréttar var fluttur
kafli úr Mattheusarpassíu Bachs og síðan
píanótónlist fram að fréttum sem hófust kl .
19:30 .