Þjóðmál - 01.12.2013, Blaðsíða 79

78 Þjóðmál VETUR 2013
Björn Bjarnason
Stjórnarskiptin 2009
Rýnt í þrjár ráðherrabækur
Augljóst er að reyndustu ráðherrunum í ríkisstjórn Jóhönnu Sigurðardóttur
var mikið í mun að skýra sinn þátt í stjórn-
arsamstarfinu strax að því loknu . Kosið var
til þings 27 . apríl 2013 og 23 . maí hafði
verið mynduð ríkisstjórn Framsóknar flokks
og Sjálfstæðisflokks undir forsæti Sig mund-
ar Davíðs Gunnlaugssonar . Strax haustið
2013 birtust síðan bækur um Jóhönnu Sig-
urðardóttur forsætisráðherra, Við Jónína
eftir Jónínu Leósdóttur, Steingrím J .
Sigfússon, Frá hruni og heim eftir Björn Þór
Sigbjörnsson og um Össur Skarphéðinsson,
Ár drekans — dagbók utanríkisráðherra á
um brotatímum .
Hver bókanna hefur eigið yfirbragð og
efnistökin eru ólík . Bókin um Jóhönnu
snýst ekki nema að litlu leyti um stjórnmál .
Hún segir frá ástum þeirra Jóhönnu og
Jónínu sem lengi var í leynum en blómstraði
og varð að alþjóðlegu umtalsefni eftir að
Jóhanna varð forsætisráðherra 1 . febrúar
2009 .
Stjórnarmyndunina þá bar að með sér-
kennilegum hætti . Össur Skarphéðinsson
átti þar mikinn hlut að máli . Af bók hans
má ráða að hann hafi á samstarfstíma sínum
með sjálfstæðismönnum í ríkisstjórn undir
forsæti Geirs H . Haarde bruggað launráð
og unnið að myndun stjórnar með vinstri-
grænum án þess þó að leggja sérstaka rækt
við Steingrím J . flokksformann . Þræðirnir
lágu milli Össurar og Ögmundar Jónas-
sonar . Ef marka má lýsingar Össurar voru
þeir Ögmundur í raun öxullinn í ríkis stjórn
Jóhönnu Sigurðardóttur og tryggðu að hún
sat út kjörtímabilið þótt dagar hennar hefðu
fyrr verið taldir .
Margvíslegar rannsóknir sýna að horfi
margir á sama atburð gerast séu lýsingar
á því sem gerðist síður en svo alltaf sam-
hljóða . Vissulega eru allir á einu máli um að
atburðurinn varð en um allt annað sem hann
snertir er deilt . Hver sér málið frá sínum
sjónarhóli . Hér verður staldrað við eitt dæmi
sem kemur við sögu í ráðherrabókunum
þremur, myndun minnihlutastjórnar
Jóhönnu í lok janúar 2009, stjórnarinnar
þar sem þau sátu þrjú . Auk þess að vitna
í bækurnar þrjár rifja ég upp eigin viðhorf
til atburðanna . Þau skráði ég jafnharðan á
vefsíðu mína bjorn.is, styðst ég við það sem
þar segir .