Skólavarðan - 01.05.2013, Blaðsíða 30
28 SKÓLaVarðan 1. tbl 2013
hlutverkhlut erk
FuLLtrÚi HVerS?
Í hverjum skóla kjósa félagsmenn hvers
stéttarfélags einhvern úr sínum hópi til
trúnaðarstarfa fyrir félagið. Félagslegur
trúnaðarmaður vinnur því fyrir félags
menn síns aðildarfélags á vinnustaðn
um og félagið ber ábyrgð á honum
gagnvart vinnustaðnum.
Öryggistrúnaðarmaður getur hins
vegar verið hvaða starfsmaður skól
ans sem er, óháð stéttarfélagi, og er
kosinn af öllum starfsmönnum, fyrir
utan stjórnendur, í þeim skólum þar
sem starfa tíu eða fleiri. Öryggis
trúnaðarmaður vinnur fyrir alla starfs
menn skólans. Ef starfsmenn eru færri
en tíu sér atvinnurekandi um verkefni
öryggistrúnaðarmanns, í samstarfi við
starfsmenn og félagslegan trúnaðar
mann. Félagslegur trúnaðarmaður er
kosinn þar sem félagsmenn á vinnu
stað eru fimm eða fleiri. Ef þeir eru
færri en fimm geta þeir skráð einn úr
sínum hópi sem tengilið hjá KÍ.
HLutVerK
trÚnaðarmanna
Félagslegur trúnaðarmaður er fulltrúi
stéttarfélags á vinnustaðnum og
fylgist með að farið sé eftir ákvæðum
kjarasamninga og réttur starfsmanna
sé virtur. Hann er tengiliður félagsins
og félagsmanna á vinnustað, kemur
fræðslu og öðru efni á framfæri, að
stoðar við að koma málum í farveg o.fl.
Öryggistrúnaðarmaður er fulltrúi
starfsmanna á vinnustaðnum og
fylgist með því að lög og reglur um
aðbúnað, hollustuhætti og öryggi á
vinnustað séu virt. Í því felst þátttaka
í gerð áhættumats og áætlunar um
heilsuvernd. Hann hefur m.a. eftirlit
með því sem kemur að vinnuvernd og
gerir tillögur eða kröfur til úrbóta.
minn eða Þinn
SjÓHattur?
Félagslegur trúnaðarmaður skal sjá
um undirbúning og framkvæmd
kosningar öryggistrúnaðarmanna skv.
reglugerð nr. 920/2006. Að öðru leyti
er ekki gert ráð fyrir að félagslegur
trúnaðarmaður taki á sig viðfangsefni
öryggistrúnaðarmanna. Ekki er mælt
með því að sami einstaklingur sinni
báðum hlutverkum.
Vinnuvernd snýst um öryggi og heil
brigði starfsmanna – þar á meðal sam
skipti og vellíðan. Í samskiptum starfs
manna er oft rökrætt um málefni sem
tengjast aðbúnaði og kjaramálum. Hér
skarast því oft störf félagslegra trún
aðarmanna og öryggistrúnaðarmanna
þar sem málsatvik geta varðað verk
svið beggja trúnaðarmanna.
Þess vegna er mjög mikilvægt að
þessir tveir aðilar eigi gott samstarf
á vinnustaðnum. Þeir verða að ræða
málin og hjálpast að við að veita sínum
umbjóðendum, þ.e. starfsfólki skólans,
viðeigandi ráðleggingar og aðstoð.
einn HLeKKur Í Keðjunni!
Það er gott að hafa í huga að félagsleg
ur trúnaðarmaður og öryggistrúnaðar
maður eru hvor um sig einn hlekkur í
keðjunni. Þeir vinna í samstarfi við yfir
menn, samstarfsmenn, aðra trúnaðar
menn og öryggisverði. Félagslegur
trúnaðarmaður starfar einnig með for
mönnum og starfsmönnum KÍ.
trÚnaðarmaður –
fulltrúi og einkavinur?!