Tímarit um menntarannsóknir - 01.01.2014, Blaðsíða 85

Timarit um menntarannsóknir /
Journal of Educational Research (lceland) 11,2014, 83-103
Ritrýnd grein
Gæði og gagnsemi náms í
tómstunda- og félagsmálafræði
Rannsókn meðal brautskráðra nemenda 2005-2012
Vanda Sigurgeirsdóttir og Jakob Frímann Þorsteinsson
í greininni er sagt frá helstu niðurstöðum úr rannsókn sem gerð var sumarið 2012
meðal brautskráðra nemenda í grunnnámi í tómstunda- og félagsmálafræði frá
Kennaraháskóla íslands og Háskóla íslands á árunum 2005-2012. Leitast er við að
draga upp heildstæða mynd af viðhorfi nemenda til námsins og þess gagns sem
þeir telja sig hafa haft af námi sínu á árunum 2001-2012. Þá er einnig fjallað um
aðdraganda og þróun námsins. Þátttakendur voru nemendur sem allir höfðu lokið
grunnnámi í tómstunda- og félagsmálafræði, samtals 96 einstaklingar en af þeim
svöruðu 72 könnuninni. Helstu niðurstöður eru þær að almennt eru fyrrverandi
nemendur ánægðir með námið í tómstunda- og félagsmálafræði. Námið hefur nýst
þeim vel í starfi og/eða áframhaldandi námi; hefur eflt þá persónulega og fræði-
lega, ásamt því að hafa verið fjölbreytt og skemmtilegt. Einnig kom fram ýmislegt
sem betur mátti fara og nýtast því niðurstöðurnar til að gera námið enn betra.
Lykilorð: tómstunda- og félagsmálafræði, viðhorf nemenda, umbætur
Hagnýtt gildi Rannsóknin veitir mikilvægar upplýsingar til að þróa og efla nám i tómstunda- og félags-
málafræði við Háskóla íslands. Hún er liður í yfirstandandi vinnu sem miðar að því að efla námið, auka
gæði þess og marka stefnu til næstu ára. Mikilvægt er að standa vörð um styrkleika námsins og styrkja
fræðilega grunn þess og gefa niðurstöðurnar góðar visbendingar um næstu skref.
inngangur
Nám í tómstunda- og félagsmálafræði
við Kennaraháskóla íslands hófst haustið
2001. í fyrstu var námið skipulagt sem 45
eininga starfstengt diplómanám en árið
2003 var ákveðið að lengja námið í 90
eininga nám til BA gráðu (nú 180 ECTS
einingar) og voru fyrstu nemendurnir með
þá gráðu brautskráðir vorið 2005. Frá og
með árinu 2012, eða þegar rannsóknin var
gerð, höfðu samtals 96 nemendur útskrif-
ast með BA gráðu í tómstunda- og félags-
málafræði og fimm nemendur með M.Ed.
gráðu. Nú leggja um 20 nemendur stund á
meistaranám í fræðigreininni og í grunn-
náminu eru rúmlega 120 nemendur (Jakob
F. Þorsteinsson, 2014). Ljóst má því vera að
á þeim rúma áratug sem námið hefur verið
við lýði hefur orðið til ný fræðigrein á ís-
landi og ung fagstétt tómstunda- og félags-
málafræðinga styrkst til muna.
Störf tómstunda- og félagsmálafræðinga