Orð og tunga - 01.06.2008, Blaðsíða 131

Fréttir af þingum
121
eyrar. Höfðu þeir þá heldur betur fengið sýnishom af íslenskri náttúru
og þeim andstæðum sem ríkja milli ytri og innri skilyrða íslenskrar
menningar, sýnishorn sem sjálfsagt urðu mörgum minnisstæð.
4 Ráðstefnulok
Ráðstefnunni lauk með kvöldverði á Hótel KEA, þar sem hún hafði
farið fram. Þar var félagsstjórninni þakkað fyrir gott félagsstarf og
undirbúningsnefndinni fyrir góða ráðstefnu. Nýr formaður félagsins
er Halldóra Jónsdóttir, sem tekur við af Lars Trap-Jensen. Varaformað-
ur er Kristina Nikula. Hafði hún á fundi félagsins fyrr um daginn boð-
ið okkur öllum á 10. norrænu ráðstefnuna um orðabókarfræði, sem
haldin verður í Tammerfors í Finnlandi vorið 2009.
Þrátt fyrir að Akureyri byði okkur ráðstefnugestum upp á norð-
angarð, snjókomu, hellirigningu og einkar ófýsilegt veður var okkur
höfðinglega tekið á allan hátt. Og vera má að þetta sé fyrsta (og von-
andi eina!) skiptið sem Víkingasveit lögreglunnar hefur veitt orðabók-
arfræðingum sérstaka athygli. Þeir litu okkur öfundaraugum fyrir að
við vorum ekki, eins og þeir, látin synda í ískaldri Akureyrarhöfn. Sér-
stakar þakkir til undirbúningsnefndarinnar fyrir það!
Anna Helga Hannesdóttir
Fjórtánda norræna nafnfræðiráðstefnan Borgarnesi
11.-14. ágúst 2007
Fjórtánda norræna nafnfræðiráðstefnan var haldin í Borgarnesi dag-
ana 11.-14. ágúst 2007 en að henni stóðu Nafnfræðifélagið og Stofn-
un Áma Magnússonar í íslenskum fræðum með styrk frá Clara Lach-
manns Fond, Kungliga Gustav Adolfs Akademien í Uppsölum, Nord-
plus Sprog, Eddu - útgáfu og Glitni. Fyrsta norræna nafnfræðiráð-
stefnan var haldin í Uppsölum í ágúst 1946 og hefur verið haldin á
fjögurra til fimm ára fresti allar götur síðan en þetta er í fyrsta sinn
sem ráðstefna þessi er haldin á íslandi. Svavar Sigmundsson, stofu-
stjóri nafnfræðisviðs Stofnunar Áma Magnússonar í íslenskum fræð-