Norðurslóð - 24.01.1996, Blaðsíða 3

NORÐURSLÓÐ - 3
Bréf frá Afríku
Uppbygging skólaþjónustu:
Andstaða við tillögu Eyþings
Tema 23. des 1995
Hæ hæ allir heima. f dag er sam-
kvæmt íslensku dagatali Þorláks-
messudagur og allir heima á Fróni
eflaust búnir að gamsa í sig kæsta
skötu eða hangikjöt og renna þessu
niður með góðum bjór eða hinum
göfuga drykk Egils malti og app-
elsíni. Hér í Ghana er lítil jóla-
stemmning finnst mér. Allt gengur
sinn vanagang og þrátt fyrir jóla-
skraut í búðum og víðar er enginn
fiðringur í manni. Það er búið að
þrífa húsið hérna og tvö risastór
pottablóm komin í stofuna en enn
sem komið er er ekkert jólaskraut
og hvað þá jólatré en það kannski
kemur.
I gærkveldi pakkaði ég inn jóla-
gjöfum sem ég ætla að færa fólk-
inu mínu hér. A meðan hlustaði ég
á íslensk jólalög og söng með á
milli þess sem ég hámaði í mig
silkimjúkar ávaxtakaramellur og
drakk coca cola. I morgun reis ég
úr rekkju seint eða um kl. 10. Þá
arkaði ég á litla pósthúsið héma á
móti og hringdi til foreldra minna í
Namibíu þar sem þær systur mínar
tvær og fjölskyldur halda jólin
með þeim. Þaðan var allt gott að
frétta og íslenska hangikjötið sauð
í pottinum. Við vorum eiginlega
sammála um það að hálfpartinn
söknuðum við þess að hafa ekki
snjóinn og auðvitað langaði þau til
að hafa „litla drenginn" hjá sér og
mig þau hjá mér en jólin liðu og
eftirá eru það minningarnar og
þessi reynsla að hafa haldið jólin
‘95 í 30 stiga hita í tveimur lönd-
um í Afríku sem bætir þetta upp og
öll erum við sammála um það.
Jæja, eftir símtalið fór ég niður
í „bæ“ og arkaði um og hitti vini
og kunningja og fór svo og keypti
mér kjúkling og hrísgrjón og tók
með mér heim og snæddi í ró og
næði og gaf svo hundinum mínum
honum Winner beinin og ljómaði
hann yfir því. Síðan settist ég niður
og glápti á beina útsendingu frá
enska boltanum og þaðan lá leiðin
yfir götuna þar sem ég sötraði einn
club beer og fór svo að sofa.
24. desember, aðfangadagur,
ræs hálftíu, fór í góða sturtu og
klæddi mig upp í þokkaleg föt
(góð í Ghana). Síðan kl. hálfellefu
hélt ég til kirkju með Kwabena
vini mínum, (hann vinnur hjá for-
eldrunum,) þetta voru 2 tímar í
kirkju! Síðan horfðum við á ghan-
íska mynd og fórum svo á restau-
rant og snæddum og drukkum öl
eins og Ghanabúar gera gjaman þ.
24. des. Og viti menn, þegar ég
kom heim var búið að skreyta hús-
ið og skreytt jólatré komið í stof-
una og þá fann ég fyrst fyrir smá
jólafiðringi.
25. des. Jóladagur. Fór til Accra
og hitti Jakob vin minn og Maríu
en þau eru bæði frá Danmörku.
Við fórum á ströndina sem er mjög
fín, þar var auðvitað tilheyrandi
gleði og allt fullt af fólki. Þetta var
svo sannarlega öðmvísi að eyða
jóladeginum í 30 stiga hita á bað-
strönd en alveg unaðslegt. Síðan
var haldið á fínan veitingastað og
viti menn- jólasteikin í ár var stór
og ljómandi góð PIZZA og að
sjálfsögðu rennt niður með hrím-
köldu öli. Svo fórum við bara út á
lífið og skemmtum okkur geysi-
lega vel og fallega.
26. des. Annar í jólum. Fór
heim til Tema og slakaði vel á og
horfði á sjónvarp og borðaði ís-
lenskt nammi. Svo tók frúin sig til
og útbjó fiskibollur og spaghetti
og færði mér og^ var þetta bara
svipað og heima. Ég ljómaði ailur!
Þegar ég geri upp þessa þrjá
jóladaga þá er ég bara sáttur því ég
gerði jólin gleðileg fyrir migogþá
er fólkið ánægt. Þau á þessu heim-
ili gefa ekki gjafir sín á milli né til
annarra. Það bara tíðkast ekki en
þetta er sjálfsagt með ýmsu móti
hér í Ghana. Það voru allir svo
glaðir yfir því að ég skyldi gefa
þeim gjafir og að sjálfsögðu lét ég
íslenskt jólakort fylgja með.
28. des. Jæja senn líður að ára-
mótum og ég vona að félagar mín-
ir í brennustjóminni standi sig
þetta árið þó að mig vanti, haha.
Annars er allt fínt að frétta héðan
og í dag eru liðnir 5 mánuðir síðan
ég kom til Ghana og um 6 mánuðir
eftir. Senn líður svo að því að
skiptinemasamtökin sem ég er hjá,
Alþjóðleg ungmennaskipti -AUS
fari að pikka út fólk fyrir næsta ár
og svo þarf auðvitað að hýsa út-
lenska skiptinema á Islandi og ég
vil hvetja ykkur kæra fólk að prófa
að taka einn einstakling í eitt ár inn
á heimilið og kynnast nýrri reynslu
sem ég fullyrði að verður ómetan-
leg. Allir þeir sem hafa áhuga á
þessu geta haft samband við AL-
ÞJÓÐLEG UNGMENNASKIPTI
- AUS Hverfisgötu 8-10 Reykja-
vík eða í sfma 561 4617. Og allir
þeir krakkar sem eru orðnir 18 ára
og langar út í heim að kynnast
ómetanlegri lífsreynslu ættu að
drífa sig að hafa samband við AUS
sem eru ein virtustu skiptinema-
samtök í heimi og fólkið á skrif-
stofunni í Reykjavík er einstakt.
Hafið samband!!!
Jæja ágæta fólk. Ég vil bara
óska ykkur öllum farsældar á nýju
ári og þakka fyrir það liðna. Sjá-
umst heil, en þið eigið eftir að þola
fleiri bréf áður en að því kemur!
Hugheilar nýársóskir frá Ghana
Gunnþór Eyfjörð Gunnþórsson
Hér í Norðurslóð hefur verið
sagt frá hugmyndum um stofn-
un þjónustuskrifstofu fyrir
skólastarf og félagsþjónustu
sveitarfélaga við utanverðan
Eyjafjörð. Nefnd á vegum sveit-
arstjórnanna á Dalvík, Olafs-
firði, Svarfaðardal, Arskógs-
strönd og Hrísey skilaði tillögum
um hvernig æskilegt væri að
haga málum þegar rekstri
fræðsluskrifstofunnar verður
hætt síðar á árinu.
Fyrrihluta desember skilaði síð-
an nefnd á vegum Eyþings af sér
tillögum hvernig þessum málum
verði háttað hér í kjördæminu. í
þeirri tillögu var ekki gert ráð fyrir
sérstakri skipulaðri þjónustu hér
við utanverðan Eyjafjörð. A kynn-
ingarfundi Eyþings sem haldinn
var á milli jóla og nýárs hér á Dal-
vík kom fram hörð gagnrýni á
fyrirætlanir Eyþings frá fulltrúum
áðurnefndra sveitarfélaga. I fram-
haldi af þessum fundi hafa menn
reynt að finna lausn sem sveitar-
stjórnirnar hér á svæðinu geta sætt
sig við.
Stjórn Eyþings hefur nú sam-
þykkt fyrir sitt leyti að einhvers-
konar tilraunaverkefni verði í
gangi hér út með firði varðandi
skólaþjónustu og að hægt verði að
skipuleggja starfsemina eitthvað í
takt við þær hugmyndir sem verið
hafa á lofti hér. Nánara sam-
komulag yrði ekki hægt að gera
fyrr en stjórn er komin á Eyþings-
apparatið. Gert er ráð fyrir því hjá
Eyþingi að aðalskrifstofan verði á
Akureyri og yfirtaki hún í flestu
starfsemina sem verið hefur hjá
fræðsluskrifstofunni, útstöð verður
síðan á Húsavík. Viðbótin nú er
sem sagt að hægt verði að semja
sérstaklega um starfsemina við ut-
anverðan Eyjafjörð þó hér verði
ekki svokölluð útstöð. Ekki er þó
ljóst hvernig hægt verður að skipu-
leggja þessa starfsemi og tengja
við aðra þjónustu sem sveitarfé-
lögin veita eða skólana á svæðinu.
Þegar þetta er skrifað er ekki
vitað hvort sveitarstjórninar hér á
svæðinu munu samþykkja samn-
inginn um skólaþjónustu Eyþings
með hliðsjón af síðustu samþykkt
stjórnar Eyþings. Það er þó ljóst að
ekki ríkir mikil ánægja með í
hvern farveg málin fóru.
J.A.
Nýja félagsheimilið og íþróttahúsið
á Húsahakka á að komast í gagnið
eftir ár og Atli oddviti vonast til að
næsta þorrablót verði haldið þar en
ekki í Víkurröst eins og nú er.
Félagsheimilið
Framkvæmdir hafnar
við síðari áfanga
Framkvæmdir við síðari áfanga
félagsheimilisins á Húsabakka
eru nú að fara í gang. Skrifað hef-
ur verið undir samning við Tré-
verk hf. um að ljúka verkinu en
tilboð þeirra hljóðar upp á tæpar
22,7 milljónir sem er nokkuð
undir kostnaðaráætlun. Verklok
eru áætluð 1. febrúar 1997.
Að sögn Atla Friðbjörnssonar
oddvita kostaði fyrri áfangi bygg-
ingarinnar um 26,5 milljónir þegar
upp var staðið. Gerð hefur verið
greiðsluáætlun fyrir seinni áfang-
ann og er áætlað að framlög úr
Jöfnunarsjóði ásamt með því sem
áætlað er til framkvæmdanna úr
sveitarsjóði að viðbættum fram-
lögum félagasamtaka í hreppnum
dugi og ekki þurfi að koma til frek-
ari lántöku. Svarfdælingar hafa
blessunarlega verið lausir við
fannfergi í vetur og öllum þeim
fjáraustri sem því fylgir. Menn
krossleggja nú fingur, horfa til
lofts og telja dagana. Að ári liðnu
verður svo haldið þorrablót í nýja
félagsheimilinu.
Þorrablót
Svarfdæla
verður haldið í Víkurröst, Dalvík,
laugardaginn 10. febrúar kl. 21.
Aldurstakmark 16. ár (þ.e. þeir sem
verða 16 ára á þessu ári).
Miðapantanir í símum
466 1536 (Jóhanna)
og 466 1521 (Anna)
fyrir fimmtudaginn 8. febrúar nk.
Miðaverð krónur 1.500.
Nefndin
R0TÞRÆR 0G VATNSTANKAR
fyrir sumarbústaði og íbúðarhús
ROTÞRÆRNAR eru þriggýa hólfa og fáanlegar I mismunandi
stærðum. Þær eru meðfærilegar, auðveldar i niðursetningu
og tenging lagna er bæði einföld og örugg.
Rotþrærnar hafa fengið viðurkenningu Hollustuverndar
ríkisins.
VATNSTANKARNIR eru fáanlegir í ýmsum stærðum. Þeir eru
steyptir úr sérstöku polyethylen (ÞE) efni sem tryggir kröfur
um góða endingu og styrkleika.
PÓSTHÓLF 50, 620 DALVÍK, SÍMI: 466 1670,
GRÆNT SÍMANÚMER: 800 8670, BRÉFSÍMI: 466 1833