Norðurslóð - 30.08.1996, Blaðsíða 1

fNMflð
Svarfdælsk byggð & bær
20. árgangur
Föstudagur 30. ágúst 1996
8. tölublað
Vallakirkja komin í nýja skrúðann.
Vallakirkja í
nýjum búningi
- Viðgerð að ljúka
Viðgerð á Vallakirkju sem stað-
ið hefur yfir á annað ár er nú um
það bil að ljúka. Verið er að
leggja síðustu hönd á málningar-
vinnu og hefur kirkjan breytt
allnokkuð um svip. Hún er nú
svört með hvítum listum og
gluggakörmum.
Kirkjan var reist árið 1861 og er
elsta hús í Svarfaðardal, 135 ára.
Elínborg Gunnarsdóttir formaður
sóknamefndar sagði í samtali við
blaðið að verkið hefði orðið um-
fangsmeira og kostnaðarsamara en
upphaflega var gert ráð fyrir. Rétta
þurfti kirkjuna á grunninum og
fjarlægja þakið meðan á því stóð.
Þá var hún lagfærð mikið að innan,
endumýjaðarþiljur, skipt um raf-
magn og kirkjan öll máluð hátt og
lágt.
Það er Magnús Skúlason arki-
tekt hjá Húsafriðunarnefnd sem
hefur yfimmsjón með breytingun-
um en verktaki er Rúnar Búason á
Dalvík. Snorri Guðmundsson mál-
ari á Akureyri sá um skrautmáln-
ingu innandyra.
Ekki hefur enn verið ákveðið
hvenær kirkjan verður endurvígð
en það verður þó líklega ekki fyrr
að líður að aðventu. Eins og áður
segir hefur kostnaður orðið meiri
en í fyrstu var ráðgert eins og oft
vill verða. Framlög til verksins
hafa fengist úr Menningarsjóði
Svarfdæla, Menningarsjóði Kaup-
félags Eyfirðinga og Jöfnunarsjóði
kirkna. Ríkið lagði einnig til fram-
lag úr Húsafriðunarsjóði en endur-
heimti það allt og gott betur í formi
virðisaukaskatts, að sögn Elín-
borgar.
A bls. 4 er ávarp frá sóknar-
prestinum, sr. Jóni Helga Þórarins-
syni, þar sem hann heitir á fólk að
styðja endurbyggingu Vallakirkju
með fjárframlögum. hjhj
Skýrsla um sameiningu
sveitarfélaga:
Sameining á
næsta leiti?
- Skýrslan mun auðvelda sveitar-
stjórnamönnum næstu skref
Eins og komið hefur fram í
Norðursióð var samþykkt á síð-
astliðnu ári í bæjarstjórn Dal-
víkur tillaga frá oddvitum allra
lista í bæjarstjórninni þess efnis
að könnuð yrði hagkvæmni sam-
einingar sveitarfélaga við utan-
verðan Eyjafjörð. I framhaldi af
samþykkt tillögunnar var skip-
uð nefnd sveitarstjórnanna á
Dalvík, Ólafsfirði, Svarfaðardal,
Arskógsströnd og Hrísey til að
kanna þessa möguleika. Síðar
óskuðu Siglfirðingar eftir að
vera með í þessari könnun.
Nefndin ákvað að fá fyrirtækið
Rekstur og ráðgjöf ehf. í Reykja-
vík til að athuga hagkvæmni sam-
einingar eða samstarfs þessara
sveitarfélaga. Starf Rekstrar og
ráðgjafar var því ekki eingöngu
bundið við sameiningu sveitarfé-
laganna heldur einnig athugun á
nánari samvinnu þeirra. Rekstur
og ráðgjöf hefur nú skilað nefnd-
inni skýrslu. Niðurstaða skýrsl-
unnar hefur ekki verið gerð kunn-
ug en efni hennar þó kynnt fyrir
nefndarmönnum.
Við gerð skýrslunnar voru
könnuð áhrif sameiningar sveitar-
félaganna eftir því hve víðtæk
sameiningin yrði. Einn flokkur
sameiningarhugmynda var að ein-
ungis Dalvík, Svarfaðardalur og
Arskógsströnd sameinuðust og
síðan bættist Hrísey við í næsta
flokki, Ólafsfjörður í þeim næsta
og loks Siglufjörður í þeim síðasta.
Niðurstöður ráðgjafanna virðast
vera að minnsta sameiningin sé
hagkvæm og hagkvæmnin aukist
eftir því sem fleiri komi inn í dæm-
ið. Þannig virðist vera hagkvæm-
ast að öll sex sveitarfélögin sam-
einist. Þó er það svo að sameining
við Siglufjörð miðast við að sam-
göngur verði bættar með jarðgöng-
um.
Eins og fyrir ráðgjafana var sett
fjalla þeir líka um aukið samstarf
sveitarfélaganna sem valkost við
sameiningu en þeir komast að
þeirri niðurstöðu að samvinnu-
formið sé í raun komið að endi-
mörkum á ýmsan hátt nú þegar og
erfitt sé að bæta við innan núver-
andi kerfis.
Eftir að skýrslan er komin fram
sýnist að umræðan hljóti nú að
snúast fyrst og fremst um það
Framhald áfbls. 4
Knattspyrnan:
2. deildin í sjónmáli
Dalvíkingar sitja enn og aftur á
toppnum í 3. deildinni í knatt-
spyrnu eftir 2-1 sigur á Selfyss-
ingum um síðustu helgi. Það
voru þeir Heiðmar Felixson og
Stefán Gunnarsson sem skor-
uðu mörk heimamanna. Staðan
í deildinni er þá þannig:
Dalvík 30 stig
Víðir Garði 29 stig
Reynir Sandg. 28 stig
Þróttur Nes. 25 stig
HK 25 stig
Selfoss 20 sdg
Fjölnir 14 stig
Ægir 13 stig
Höttur 13 stig
Grótta 11 stig
Þá eru aðeins eftir þrír leikir.
Nú um helgina verður farið aust-
ur í Neskaupstað og att kappi við
Þrótt. Þeir eru að sögn Björns
Friðþjófssonar jafnan erfiðir
heim að sækja en okkar menn
ætla sér sigur og ekkert annað.
Þann 7. september verður síð-
asti heimaleikurinn í deildinni
gegn Fjölni og lokaleikurinn
verður við botnliðið, Gróltu á
Seltjarnarnesi þann 13. septem-
ber.
Útlitið er því nokkuð bjart og
stöðugt meiri líkur á að Dalvík-
ingar komist í 2. deild að ári - í
fyrsta skipti í sögunni.
Aftur í skólann - undir nýjum hatti
Skólar eru nú sem óðast að taka
til starfa aftur eftir sumarfrí og
þrátt fyrir að róttækar breyt-
ingar hafi erið gerðar á yfir-
stjórn þeirra og sveitarstjórnir
tekið við rekstrinum úr höndum
ríkisins koma slíkar breytingar
ekki fram hvað varðar hinn
venjulega skóladag.
Húsabakki
Miklar mannabreytingar hafa eins
og kunnugt er orðið í Húsabakka-
skóla og sömuleiðis hafa orðið
skipulagsbreytingar samhliða því
að tekinn verður upp skólaakstur
fyrir alla nemendur fyrri part vetr-
ar og með vorinu.
Eins og greint var frá í síðasta
blaði hefur Þóra Rósa Geirsdóttir
tekið við skólastjórastöðu á Húsa-
bakka og þrír nýir kennarar, Iðunn
Antonsdóttir, Rósa Kristín Bald-
ursdóttir og Karítas Skarphéðins-
dóttir, komið til starfa. Þá sam-
þykkti skólanefnd s.l. vor að tek-
inn yrði upp daglegur akstur fyrir
alla nemendur fram til 1. des. og
eftir páska. Eftir að gerð hafði ver-
ið viðhorfskönnun meðal foreldra
var ákveðið að færa skólatímann
fram, sem aftur þýðir ýmsar breyt-
ingar varðandi máltíðir, akstur ofl.
Þóra Rósa segist horfa björtum
augum fram á þennan fyrsta vetur
sinn á skólastjórastóli. Stundaskrár
séu yfirleitt þægilegar og hagstæð-
ar nemendum en þó gæti sumum
þótt nokkuð snemmt að rútur fari
frá fremstu bæjum kl. 7.20. A móti
eru börnin búin fyrr á daginn og
yngri bömin yfirleitt laus upp úr
hádegi. I vetur verður íþrótta-
kennsla öll færð fram á Húsabakka
og inn í íþróttasalinn nýja svo
fljótt sem auðið er.
Dalvík
Þórunn Bergsdóttir hefur aftur tek-
ið við starfi sínu sem skólastjóri
Dalvíkurskóla og Sveinbjörn
Markús Njálsson sem gegnt hefur
skólastjórastarfi í námsleyfi henn-
ar er aftur tekinn við starfi yfir-
kennara. Tveir nýir kennarar, þær
Aðalbjörg Kristín Jóhannsdóttir
(Daníelssonar) og Yrsa Hörn
Helgadóttir (Þorsteinssonar), taka
til starfa í haust og einnig kemur
Herborg Harðardóttir til starfa sem
ritari í hálfri stöðu. Þá vantar enn
handavinnukennara í hálfa stöðu
að sögn Þórunnar skólastjóra. I
vetur eru skráðir 266 nemendur í
Dalvíkurskóla, þar af eru 40 í 10.
bekk. Sú nýbreytni verður tekin
upp í vetur að starfsfólk skólans
mun sinna gangbrautarvörslu í há-
deginu svo lítil börn komist
áhættulítið yfir Mímisveginn á leið
heim úr skólanum. Þórann skóla-
stjóri var sem kunnugt er í eins árs
námsleyfi í Svíþjóð ásamt Helga
Þorsteinssyni bónda sínum og nam
þar stjórnunarfræði. Hún segist
hafa átt afar ánægjulega vist þar
ytra og lært ýmislegt nýtt. Ekki sé
þó að vænta neinna róttækra breyt-
inga á stjórnun skólans í kjölfarið.
Sjávarútvegsdeildin
Af Sjávarútvegsdeildinni er það að
frétta að þar hefur Guðbjartur Ell-
ert Jónsson sest í stól forstöðu-
manns í bamsburðarleyfi Hermínu
Gunnþórsdóttur. Guðbjartur er
viðskipta- og markaðsfræðingur
að mennt og hefur starfað sem
slíkur m.a. hjá Gliti í Ólafsfirði.
Farið hefur fram róttæk endur-
skoðun á skipulagi skólans m.a. í
kjölfar nýrra laga um framhalds-
skóla. I vetur eru fyrirhugaðar
breytingar á fiskvinnslunáminu og
er stefnt að að tengja það betur at-
vinnulífinu en verið hefur. I því
sambandi hefur verið sett saman
ráðgjafamefnd með fulltrúum úr
fiskvinnslufyrirtækjum á svæðinu
og er henni ætlað að koma fram
með tillögur um nýja starfshætli
og meta stöðuna. Sömuleiðis er
fyrirhuguð endurskoðun á skip-
stjórnarbraut og er unnið að því í
Menntamálaráðuneytinu samhliða
alhliða endurskipulagningu á skip-
stjórnarnámi í landnu. Nokkur
fjölgun verður á nemendum á
báðum brautum í vetur og verða
38 nemendur í skólanum í byrjun
vetrar. Um áramót bætast svo við
3ja árs nemar á stýrimannabraut.
Málefni fræðsluskrifstofu
Eins og kunnugt er var ákveðið
eftir nokkurt þóf í fyrra að starf-
ræktur yrði til reynslu einhvers
konar vísir að fræðsluskrifstofu
hér við utanverðan Eyjafjörðinn.
Eyþing féllst á að leggja fram fé til
verkefnisins á móti sameiginleg-
um fagstjórnarkvóta skólanna á
Dalvfk, Olafsfirði, Hrísey, Húsa-
bakka og Arskógi. Viðkomandi
sveitarstjórnir lögðu málið í hend-
ur skólastjóra og hafa þeir að und-
anfömu verið að skipuleggja hvem-
ig starfseminni verði háttað. Má á
næstunni vænta frétta af þeim vett-
vangi.
Tonlistarskólinn
Kennsla í Tónlistarskólanum hefst
miðvikudaginn 12. september nk.
Innritun nemenda fer fram á skrif-
stofu skólans 3.-5. september og á
Húsabakka og í Árskógsskóla 5.
september. Sjá nánar í auglýsing-
um.
hjhj