Ráðunautafundur - 12.02.1978, Blaðsíða 54
148
RAÐUNAUTAFUNDUR 1978
HROSSABEIT
ölafur R. Dýr'mundsson,
Búnaðarfélagi fslands.
Ætla má, að all mörg hross hafi verið hér á landi
allt frá landnámstíð, en heimildir skortir um fjölda þeirra
fyrir 1700 (1). Ljóst er, að mikiö af gréðurlendi hefur verið
nytjað til hrossabeitar, bæði sumar og vetur, enda ásettum
hrossum jafnan ætlað tiltölulega minna fóður til vetrargjafar
en öðru búfé. Samanborið við beit sauðfjár og nautgripa hefur
hrossabeit verið lítið rannsökuð í hinum ýmsu löndum heims.
Þannig er þessu einnig farið hér á landi, og sú þekking sem
tiltæk er, byggist að mestu á reynslu, en skoðanir eru all
skiptar um nytsemi hrossa sem beitarpenings.
Fjöldi hrossa á landinu
í töflu 1 er gefið yfirlit um fjölda framtalinna
hrossa á landinu frá 1703, og eru tölurnar valdar þannig,
að fjöldabreytingar á hinum ýmsu tímum komi sem gleggst fram.
Með bættum samgöngum og útbreiðslu dráttarvéla fækkaði hrossum
töluvert, en hefur nú fjölgað all mikið aftur síðustu árin.
Er þar bæði um að ræða aukningu á fjölda stéðhrossa og reið-
hesta, en þeim síðarnefndu hefur aðallega fjölgað á þéttbýlis-
stöðum, enda er hestamennska orðin ákaflega vinsæl témstunda-
iðja félks á ýmsum aldri. í því sambandi má geta þess, að á
Stér-Reykjavíkursvæðinu hefur hrossafjöldi meir en tvöfaldast
undanfarinn áratug, en mörg hrossanna eru flutt í hagagöngu
út af svæðinu, einkum í nærliggjandi héruð. Þannig eru nú
skráð hross í Reykjavík og Képavogi orðin jafn mörg öllum
hrossum á Vestfjörðum og Austurlandi til samans.