Bókasafnið - 01.07.2017, Blaðsíða 13

Bókasafnið 41. árg – 2017 13
Námsbraut í upplýsingafræði stóð á merkum tímamótum á síðastliðnu ári en þá var haldið upp á 60 ára afmæli kennslu í
greininni við Háskóla Íslands. Því var fagnað
með veglegri ráðstefnu sem haldin var föstudag-
inn 18. nóvember 2016 í fyrirlestrasal Þjóðar-
bókhlöðu.
Dagskráin hófst með því að Ágústa Pálsdóttir,
formaður námsbrautar í upplýsingafræði, setti ráð-
stefnuna. Í setningarræðunni var meðal annars drepið
á helstu breytingum sem orðið hafa við greinina á undan-
förnum fi mm árum, eða frá því að haldið var upp á 55 ára
afmæli kennslunnar. Þær felast í því að heiti greinarinnar var
breytt í upplýsingafræði og að námið er nú eingöngu kennt
á meistarastigi. Einnig kom fram að sú ánægjulega þróun
hefur orðið að doktorsnemum í greininni hefur farið fj ölg-
andi og eru þeir nú sex talsins. Óhætt er að fullyrða að það
sé greininni - en ekki síður stéttinni - afar mikilvægt að lyfta
menntunarstiginu. Fyrir stéttina skiptir það miklu máli að
hún dragist ekki aftur úr því sem hefur verið að gerast hjá
erlendum kollegum þar sem fólk með doktorsmenntun hef-
ur í vaxandi mæli haslað sér völl á starfsvettvangi, til dæmis
hjá stærri bókasöfnum. Einnig er mjög brýnt að stéttin verði
ekki eftirbátur annarra fagstétta hérlendis þar sem fólki sem
lokið hefur doktorsnámi hefur fj ölgað jafnt og þétt.
Daði Már Kristófersson, deildarforseti Félags-
vísindasviðs, fl utti því næst ávarp. Að því loknu
hófst fj ölbreytt dagskrá þar sem kennarar,
doktorsnemar og útskrifaðir meistaranemar
frá árunum 2015 og 2016 kynntu rann-
sóknir sínar með alls 24 erindum, jafnframt
því sem doktorsnemarnir kynntu rannsóknir
sínar enn frekar með veggspjaldasýningu.
Ráðstefnan, sem var ókeypis og öllum opin, var
afar vel sótt. Að lokinni dagskrá bauð námsbraut í
upplýsingafræði fyrirlesurum og ráðstefnugestum upp
á léttar veitingar.
Afmælisráðstefna í upplýsingafræði
– 60 ár við Háskóla Íslands
Ágústa Pálsdóttir er með doktorsgráðu í Upplýsingafræði frá Åbo Akademi University í Finlandi. Hún starfar sem
prófessor og formaður námsbrautar í Upplýsingafræði við Háskóla Íslands.