Breiðfirðingur - 01.04.1989, Blaðsíða 131

BREIÐFIRÐINGUR
129
Lúðvík Kristjánsson
Bergsveinn Skúlason
frá Skáleyjnm
Nú 3. apríl 1989 varð hinn mikilvirki breiðfirski fræðimaður Bergsveinn
Skúlason níræður. Ritstjórum Breiðfirðings þótti hæfa að minnast þess,
enda hefur Bergsveinn skrifað margt í ritið. Við fengum leyfi Lúðvíks Krist-
jánssonar til að birta afmælisgrein um Bergsvein áttræðan sem birtist í
Tímanum 3. apríl 1979. Allt sem í greininni stendur er í fullu gildi, en við
má bæta eftirtöldum bókum: „Svo sigldi Hafliði í Svefneyjum", 1979;
“Hrannarek. Þættir frá Breiðafirði“, 1981; „Breiðfirskar sagnir. I - II.
Önnur útgáfa aukin“, 1982; „Þarablöð. Þættir frá Breiðafirði“, 1984;
„Bárusog. Breiðfirskar sagnir“, 1988. Sýnir þessi upptalning að ekki hefur
Bergsveinn setið auðum höndum á 9. tug ævinnar.
Einhverju sinni hafði ég orð á því við Steingrím Þorsteins-
son prófessor, hvort ekki væri vert að kanna breiðfirsk áhrif
í skáldskap Matthíasar Jochumssonar. Hann kvað það ekki
auðgert, því að þau kynnu víða að leynast.
Flestir þekkja þetta tilsvar í kvæði Matthíasar um Eggert
Ólafsson frá Svefneyjum: „Ég sigli ei skýin, ég sigli sjá“.
Benda má á, svo að naumast verður um villst, hvaðan Matt-
híasi kemur hugmyndin, sem felst í þessum orðum. Skömmu
eftir aldamótin 1800 bjó Jón Þorleifsson á Ingunnarstöðum í
Geiradal. Hann var annálaður sjófaramaður. Jafnan var það
svar hans, ef mönnum þótti veður ískyggilegt: „Ég ætla mér
að fara á sjónum, en ekki skýjunum“.
Kona Jóns var dótturdóttir Eggerts Ólafssonar í Hergils-
ey, og það var einnig Ástríður í Skáleyjum, amma Matthí-
asar. En hann kemur mér nú í hug vegna þess, að í dag er
Skáleyingurinn Bergsveinn Skúlason áttræður. Hann hefur
mest allra núlifandi manna markað og dregið á land fróðleik
um líf og störf eyjamanna í Breiðafirði.