Litli Bergþór - 01.12.2013, Blaðsíða 11

Litli-Bergþór 11
Óperan Ragnheiður
og Kammerkór Suðurlands
Þann 16. ágúst 2013, var óperan Ragnheiður eftir
Gunnar Þórðarson frumflutt í Skálholti við mikið lof
áheyrenda og frábæra dóma gagnrýnenda, sem héldu
vart vatni yfir dramatísku tónverkinu og góðum flutn-
ingi. Óperan fjallar um ástir og örlög Ragnheiðar
Brynjólfsdóttur biskups og var viðeigandi að frum-
flytja verkið á þessum stað á 350 ára ártíð Ragnheiðar,
en hún lést árið1663 aðeins 21 árs að aldri.
Texta við óperuna samdi Friðrik Erlingsson, og nær
hann að gera þessari dramatísku sögu ótrúlega góð
skil í knöppu formi.
Þátttakendur í ævintýrinu voru 50 manna sinfóníu-
hljómsveit, níu einsöngvarar og Kammerkór Suð-
urlands. Stjórnandi óperunnar, sem í Skálholti var flutt
á tónleikaformi, var hljómsveitarstjórinn Petri Sakari,
fyrrum aðalstjórnandi Sinfóníuhljómsveitar Íslands.
Sýningar voru þrjár, en auk þess var eldri borgurum í
uppsveitunum boðið á generalprufuna.
Einsöngvararnir skiluðu allir sínum hlutverkum
frábærlega og smellpössuðu í hlutverkin. Þóra Ein-
arsdóttir sem Ragnheiður Brynjólfsdóttir, Eyjólfur
Eyjólfsson sem Daði Halldórsson og Viðar Gunn-
arsson sem Brynjólfur biskup. Bergþór Pálsson
söng hlutverk sr. Hallgríms Péturssonar. Einnig fékk
Kammerkór Suðurlands mjög góða dóma fyrir sinn
hluta í flutningnum.
Nú hefur Íslenska Óperan tekið verkið upp á sína
arma og hyggst setja það upp næsta vor og geta þá
þeir, sem ekki komust á sýningarnar í Skálholti, farið
að hlakka til að sjá frábært verk.
Kammerkór Suðurlands
Kammerkór Suðurlands hefur starfað síðan 1997 undir
stjórn stofnanda síns, Hilmars Arnar Agnarssonar, þá
organista og kórstjóra í Skálholti og nú organista í
Grafarvogskirkju. Kemur söngfólkið víða að af Suður-
landi og úr Reykjavík.
Síðustu tvö ár hafa verið viðburðarík hjá kórnum.
Kórinn tók þátt í Myrkum músíkdögum í
febrúar 2012, þar sem hann frumflutti verk eftir
ung íslensk tónskáld. Verkin voru sérstaklega samin
fyrir kórinn og unnin í samstarfi við tónskáldin, þau
Völu Gestsdóttur, Ragnhildi Gísladóttur, Benedikt H.
Hermannsson, Möggu Stínu, Harald R. Sverrisson, Pál
Ragnar Pálsson og Kjartan Sveinsson. Kórinn flutti
þar einnig nýleg verk eftir Georg Kára Hilmarsson,
Báru Grímsdóttur, Örlyg Benediktsson, Hreiðar Inga
Þorsteinsson og Egil Ólafsson.
Jónas Sen valdi þessa tónleika sem bestu kórtónleika
ársins 2012 í áramótadómi sínum.
Hljóðritun þessara verka hófst svo í október
2012 og lauk á vordögum 2013. Tónskáldin tóku þátt
í upptökunum og fylgdu sínum verkum eftir. Kjartan
Sveinsson var upptökustjóri og listrænn stjórnandi og
verður platan gefin út af Smekkleysu.
Meðal annarra viðburða
sem Kammerkór Suðurlands
tók þátt í eru Tónlistarhátíðin
Kammertónleikar á
Kirkjubæjarklaustri og
tónlistarhátíðin UNM (Ung
Nordisk Musik) í Skálholti,
en þar voru flutt verk eftir ung
tónskáld frá Norðurlöndunum.
Þetta var hvorutveggja í ágúst
2012.
Í apríl 2013 tók kórinn þátt
í tónlistarhátíðinni Tectonics,
nútímatónlistarhátíð Sinfóníu-
hljómsveitar Íslands og kom
þar fram á tvennum tónleikum
ásamt Sinfóníuhljómsveitinni
með verk eftir Eyvind Kang/
Kammerkór Suðurlands.
Þóra Einarsdóttir sem Ragnheiður og Eyjólfur Eyjólfs-
son sem Daði í Óperunni Ragnheiði.