Fróðskaparrit - 01.01.1985, Blaðsíða 90

94
PLANTUFRØÐILIGAR BÓKMENTIR FØROYUM VIÐVÍKJANDI
møguleikarnar at gera eina viðarlund í
Kirkjubø. Hetta var byrjanin til tað træ-
plantingararbeiði, sum Flensborg síðan
kom at skipa fyri í Føroyum. Eisini
politikari og skald.
Patursson, Olaf Gazet (1879-1970, f. í Kirkju-
bø). Bóndi og urtagarðsmaður. Var fyrst á
landbúnaðarskúla hjá Jóannesi Paturssyni,
síðan á Askov háskúla. Seinni á Landbo-
højskolen, men gavst vegna sjúku. Gazet
var eisini á Stend landbúnaðarskúla og á
plantuskúla í Grude á Jæren. Fekst við
plantunøvn saman við Rasmusi Rasmus-
sen. Kannaði annars serliga skordýr og
gjørdi har týdningarmiklar eygleiðingar.
Plantusavn gjørdi hann eisini, tað liggur hjá
abbasoninum Ólavi. Gazet gjørdi altíð
royndir og kanningar — so at siga til tað
seinasta, men tíverri er lítið og einki skrivað
um hetta.
Patursson, Páll (1894-1967, f. í Kirkjubø).
Bóndi. Var á Stend landbúnaðarskúla 1914-
16 og landbúnaðarfrøðingur haðani.
Patursson, Sjúrður (1902-1971, f. í Kirkjubø).
Bóndi og seyðaráðgevi. Var á Stend land-
búnaðarskúla 1921-23 og landbúnaðarfrøð-
ingur haðani. Á royndarbrúksskeiði á
Hodne í Noregi at kunna seg við seyðarøkt.
Var eisini á Hesti í Islandi at læra meira um
seyðarøkt.
Paulsen, Ove Wilhelm (1874-1947). Danskur
plantufrøðingur. Mag. scient. (plantufrøði)
1897, dr. phil. 1911. Starvaðist á Botanisk
Museum til 1920. Professari í plantufrøði
við Farmaceutisk Læreanstalt frá 1902. Við
havrannsóknarskipinum Thor arbeiddi
Paulsen sumrini 1903, 1904 og 1905 kring
Føroyar og ísland. Hann var serfrøðingur í
plantuæti.
Persson, Christer. Svenskur jarðfrøðingur.
Starvast við Sveriges geologiske under-
sðkning.
Petersen, Henning Eiler (1877-1946). Danskur
plantufrøðingur. Mag. scient. (plantufrøði)
1902. Hjálparmaður á Keypmannahavnar
universiteti. Dr. phil. í 1914. Tilnevndur
dosentur í plantufrøði við universitetið og
virkaði til sín deyða sum lærari í lægri
plantum og plantubygnaði. Serfrøðingur í
tara.
Petersen, Johannes Boye (1887-1961). Dansk-
ur plantufrøðingur. Cand. mag. (plantu-
frøði) 1912. Dr. phil. 1935. Professari við
Keypmannahavnar universitet 1951. Ser-
kønur í algum.
Porsild, Morten Pedersen (1872-1956). Dansk-
ur plantufrøðingur. Mag. scient. (plantu-
frøði) 1900. Er serliga kendur sum stovnari
av og fyristøðumaður fyri Arktisk Station í
Godhavn, Disko. Hann var leiðari har frá
1906 til 1946. Hevur mest fingist við floru
Grønlands. Tók lut í orðaskiftinum um
Børgesens doktararitgerð: Om Algevegeta-
tionen ved Færøernes kyster. Hann helt
eins og Simmons móti Børgesen, at Føroyar
máttu hava verið landfastar við Bretland
eftir istíðina. Tíðin hevur givið Børgesen
rætt: plantuvøksturin við Føroya strendur
kann væl greiðast við, at vit hugsa okkum
flutning yvir hav.
Pugsley, H. W. Enskur plantufrøðingur.
Serkønur í slektini eygnagrasi (Euphrasia).
Var ikki í Føroyum, men kannaði tað tilfar,
sum lá á Botanisk Museum í Keypmanna-
havn. Tað mesta av hesum var savnað av
Ostenfeld.
Rasmussen, Henning. Danskur urtagarðsfrøð-