Kennarablaðið - 01.04.1900, Blaðsíða 5
101
verulegt gagn af henni, — einungis um hitt, hvort þau hafi
lært svo eða svo mikið.
Hverjir eru svo ávextir þessarar fræðslu? Eflir hún þroska
nemendanna? Ef hún gerði það, þá mundu unglingarnir varla
vera svo áhugalausir og skeytingarlausir, eins og nú með réttu
er kvartað yflr. • Eykur hún mentafýsn þeirra? Þvert á móti.
tlún eykur oftast hjá þeim leiða á náminu, svo að þeir verða
þeirri stund fegnastir, þegar þeir losast algerlega við það.
Gerir hún þá færari til að ganga út í lífið? Ekki að neinum
mun, því mestöll þekkingin er gleymd að fám árum liðnum;
P’eir standa þá eftir alt að því jafn-fáfróðir og jafn-óþroskaðir,
eins og þó þeir hefðu aldrei notið neinnar kenslu í æskunni.
Með þessu er engan veginn sagt, að öll þekking sé lítils
eða einskis virði. Auki hún þroska og mentafýsn nemandans,
og geri hún hann færari til að gegna skyldum sínum í mann-
félaginu, þá er hún mjög mikils virði. Þetta á hún að gera
og getur hún gert, sé fræðslunni rétt hagað; en geri hún
þetta ekki, þá er hún fánýt.
Um það erum vér hr. Árna Pálssyni alveg sammála, að
meira þyrfti að hlynna að unglingafræðslunni, en gert hefir
verið. En til þess að hún geti komið að sönnum og veruleg-
um notum, þarf mentunargrundvöllurinn að vera rétt lagður
hjá börnunum, þannig, að hann efli áhuga þeirra. Annars er
hætt við, að lögbundin unglingafræðsla verði af öllum þorra
manna — bæði nemendunum og öðrum •— skoðuð sem óeðli-
leg skylda, sem bezt sé að geta komist hjá. Og árangurinn
yrði þá tiltölulega litill, að vísu nokkuru meiri og varanlegri
þekking, en varla að því skapi aukinn þroski.
^[m kennarasfíóla í .Danmörfíu.
2. Námstíminn
er 3 ár. Kensluárið byrjar í ágústmánuði; þó er það nokkuð
misjafnt, og fer eftir því, hvenær vorprófi er lokið. En það
endar eigi á sama tíma við allla skóiana. Sumarleyfið stendur