Morgunblaðið - 20.09.2004, Blaðsíða 2
FRÉTTIR
2 MÁNUDAGUR 20. SEPTEMBER 2004 MORGUNBLAÐIÐ
VERKFALL Í SKÓLUNUM
Grunnskólakennurum og viðsemj-
endum þeirra tókst ekki að semja á
fundi sínum í gærkvöldi, og eru
grunnskólakennarar því komnir í
verkfall. Um 45 þúsund grunn-
skólabörn verða því heima í dag, en
verkfallið nær til um 4.300 grunn-
skólakennara. Kennt verður í einka-
skólum í Reykjavík, en flestir þeirra
eru með sérsamninga við sína kenn-
ara.
FH meistarar í knattspyrnu
FH-ingar tryggðu sér Íslands-
meistaratitilinn í gær í fyrsta skipti í
sögu félagsins þegar þeir lögðu KA
að velli, 2:1, á Akureyri. Emil Hall-
freðsson og Ásgeir Gunnar Ásgeirs-
son skoruðu mörkin fyrir FH en
Hreinn Hringsson setti mark KA
sem er fallið í 1. deild ásamt Víkingi.
ÍBV varð í öðru sæti með 31 stig og
ÍA í þriðja með jafnmörg stig.
Jaðarflokkar bæta við sig
Jaðarflokkar bættu verulega við
sig fylgi í kosningum sem fóru fram í
tveimur sambandslöndum Þýska-
lands í gær, Brandenburg og Sax-
landi, en bæði eru þau í austurhluta
landsins. Nýnasistar fengu 9,6%
fylgi í Saxlandi og sósíalistar, arftak-
ar Kommúnistaflokksins sem fór
með völd í Austur-Þýskalandi í 40
ár, fengu 28% þar og um 23% í
Brandenburg. Stóru stjórn-
málaflokkarnir tveir, jafnaðarmenn
og kristilegir demókratar, töpuðu
báðir fylgi. Úrslitin eru m.a. rakin til
þeirrar óánægju sem gætir í austur-
hluta Þýskalands með afrakstur
sameiningar landsins fyrir 14 árum.
40 af 140 vísað frá námi
Fjörutíu umsækjendur af þeim
140 sem sóttu um inngöngu í nám og
starfsendurhæfingu fyrir geðsjúka í
haust á vegum Fjölmenntar og Geð-
hjálpar fá ekki inni vegna fjárskorts.
Aðsókn í námið hefur aukist jafnt og
þétt frá því kennsla hófst í húsnæði
Geðhjálpar við Túngötu á vorönn
2003 og er þetta í fyrsta sinn sem
vísa verður fólki frá.
Valdaskiptum lokið í Kína
Hu Jintao, forseti Kína, tók í gær
við formennsku í hermálaráði kín-
verska Kommúnistaflokksins af
Jiang Zemin, fyrrverandi forseta
landsins. Þar með er lokið valda-
skiptum sem segja má að hafi hafist í
nóvember 2002 þegar Hu var gerður
að formanni Kommúnistaflokksins.
Hu trónir nú einn á toppi valdapíra-
mídans í Kína, rétt eins og Jiang
gerði allt frá árinu 1989 þegar Deng
Xiaoping settist í helgan stein. Ekki
er þó talið útilokað að Jiang muni
hafa einhver áhrif á bakvið tjöldin.
Y f i r l i t
Í dag
Sigmund 8 Minningar 18/19
Viðskipti 10 Dagbók 22/24
Minn staður 11 Víkverji 22
Erlent 12 Leikhús 25
Daglegt líf 13 Menning 25/29
Umræðan 14/15 Bíó 26/29
Bréf 14 Ljósvakar 30
Afmæli 15 Veður 31
Forystugrein 16 Staksteinar 31
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
Leifur telur að tjónið í brunanum hafi numið
um 200–300 milljónum. Hann segir að húsið, sem
var um 2000 m², hafi verið „þokkalega“ tryggt en
bæturnar dugi þó varla fyrir tjóninu. „Það er aldr-
ei nógu vel tryggt. Það á ekki að brenna hjá
manni. Þá gerði maður ekki annað en að tryggja,
LEIFUR Halldórsson, sem á og rekur Klumbu
ehf. ásamt fjölskyldu sinni, segir að starfsfólk fyr-
irtækisins verði aðstoðað við að finna vinnu en ef
það takist ekki verði það áfram á launaskrá fyr-
irtækisins. Unnið sé að því að endurreisa starf-
semi Klumbu í Ólafsvík.
Fiskvinnsluhús fyrirtækisins brann til kaldra
kola aðfaranótt laugardags. Leifur segir alveg
ljóst að fyrirtækið taki aftur til starfa í Ólafsvík.
Enn sé þó ekki búið að ákveða með hvaða hætti
það verði gert en þegar ákvörðun liggi fyrir þurfi
framkvæmdir ekki að taka nema nokkra mánuði.
Aðspurður segir hann ekki mögulegt að koma upp
e.k. bráðabirgðaaðstöðu, of dýrt sé að koma fyrir
búnaði í húsum sem svo þurfi að fjarlægja.
Hjá fyrirtækinu unnu 27 manns og er fyr-
irtækið með stærri vinnustöðum í Ólafsvík. Leifur
segir að reynt verði að útvega fólkinu störf hjá
öðrum fyrirtækjum á svæðunum. Þeir sem ekki
fái vinnu verði áfram á launaskrá Klumbu. „Við
munum sjá um fólkið,“ segir hann.
það kostar sitt,“ segir hann. Rætt hafi verið við
fulltrúa tryggingafélagsins, Sjóvá-Almennar hf.
Fundað verður með starfsfólki Klumbu í dag og
því skýrt frá stöðunni hjá fyrirtækinu. Byrjað er á
því að hreinsa þann hluta brunarústanna þar sem
víst er talið að eldurinn kviknaði ekki. Rannsókn-
arlögreglumenn frá tæknideild lögreglunnar í
Reykjavík hófu rannsókn á upptökum brunans á
laugardag og von er á sérfræðingum í rafmagns-
málum á morgun.
Tímabundið áfall
Klumba var einn af fjórum stærstu vinnustöð-
um í Ólafsvík en tvær aðrar fiskverkanir eru með
fleira starfsfólk. Kristinn Jónasson, bæjarstjóri
Snæfellsbæjar, segir að verði áform eigenda fyr-
irtæksins að veruleika sé aðeins um tímabundið
áfall að ræða. Í Ólafsvík búa um 1.050 manns og
því munar talsvert um störfin í Klumbu. Kristinn
segir að bæjarfélagið muni fylgjast vel með mál-
inu og veita þá aðstoð sem mögulegt er.
Stefna ótrauðir að uppbyggingu Klumbu í Ólafsvík
„Við munum sjá um fólkið“
Morgunblaðið/Alfons
Leifur Halldórsson í Klumbu.
HÓTEL Skaftafell í Freysnesi hef-
ur verið opnað á nýjan leik eftir að
gríðarlegar skemmdir urðu á því í
ofsaveðri aðfaranótt sl. fimmtu-
dags. Búið er að setja nýtt þak í
stað þess sem fauk af vestustu
álmu hótelsins og verður álman
væntanlega tekin í notkun á mið-
vikudag.
Jón Benediktsson, annar eigandi
hótelsins, sagði að maður hafi
gengið undir manns hönd við að
bjarga verðmætum og síðan end-
urreisa það sem vindurinn feykti í
burtu eða skemmdi. Um 8–10
manns hafi unnið að viðgerðum um
helgina. Efnið var pantað á föstu-
dag og á laugardag voru þaksperr-
urnar reistar. Þakjárnið átti að
setja á í dag. Á miðvikudag verður
hægt að taka flest herbergi hótels-
ins í notkun.
Um 50 rúður brotnuðu í illviðr-
inu en ekki verður hægt að ljúka
við að glerja fyrr en í lok vikunnar.
Austasta álma hótelsins færðist
til í heilu lagi um hátt í einn og
hálfan metra. Jón segir að ekki
verði gert við álmuna í bráð en það
komi þó ekki mjög mikið að sök. Í
álmunni hafi starfsmenn hótelsins
gist auk þess sem þar var leigt út
svefnpokapláss.
Þá verði gert við aðrar skemmd-
ir á hótelinu eftir því sem efni og
aðstæður gefa tilefni til.
Jón segir að hótelið hafi verið vel
tryggt, með fok-, innbús- og
rekstrartryggingu, og ætti að fá
nánast allt tjónið bætt.
Búið að opna
í Freysnesi
RIMASKÓLI og Laugalækjarskóli
urðu í fyrsta og öðru sæti á Norð-
urlandamóti barnaskólasveita í
skák, sem haldið var í Laugalækj-
arskóla í Reykjavík um helgina.
Rimaskóli sigraði sveit Finna í loka-
umferðinni, og Laugalækjarskóli
lagði Svía.
Lið Rimaskóla lauk keppni með
15 og hálfan vinning, Laugalækj-
arskóli hlaut 15 vinninga, og lið Sví-
þjóðar frá Malarhöjdenskóla lenti í
þriðja sæti með 12 vinninga. Þar
með lauk fjögurra ára sigurgöngu
sænska liðsins í keppninni og bik-
arinn endaði í höndum Rimaskóla.
Hjörvar Steinn Grétarsson, 11
ára skákmaður úr Rimaskóla, tefldi
á fyrsta borði fyrir lið sitt og var að
vonum í skýjunum með árangurinn.
Hann segir að mótið hafi verið
mjög sterkt, enda keppa lands-
meistarar allra Norðurlandanna í
1. til 7. bekk.
Hjörvar er enginn nýgræðingur í
skák, enda byrjaði hann að læra
mannganginn fimm ára gamall.
„Ég byrjaði ekki í fótbolta af því að
mér fannst þetta miklu skemmti-
legra, þó að fótbolti sé nú líka
skemmtilegur. Þetta var samt
draumurinn, að verða góður í skák,
svo ég hélt áfram,“ segir Hjörvar,
áður en félagarnir í skáksveit
Rimaskóla draga hann í fleiri
myndatökur.
Morgunblaðið/Þorkell
Lið Rimaskóla var að sjálfsögðu í skýjunum yfir árangrinum. Frá vinstri: Hjörvar Steinn Grétarsson, Ingvar Ás-
björnsson, Sverrir Ásbjörnsson, Hörður Aron Hauksson og Júlía Rós Hafþórsdóttir.
Íslenskir skólar í 1. og 2. sæti
Norðurlandamót barnaskólasveita í skák
HALLUR Magnússon, sviðsstjóri
hjá Íbúðalánasjóði, segir ekki ljóst
að svo stöddu hvernig framkvæmd
greiðslumats verður háttað eftir ára-
mót en stjórn sjóðsins sagði í síðustu
viku upp samningi við banka og
sparisjóði sem hafa séð um greiðslu-
mat fyrir almenning. Sjóðurinn hafi
þrjá mánuði til þess að ganga frá því.
„Við höfum möguleika á að gera
þetta sjálfir og höfum möguleika á að
semja við aðra aðila á markaði. Við
erum bara að skoða alla möguleika.“
Að sögn Halls hafa bankarnir séð
um að rukka viðskiptavini fyrir þjón-
ustuna og hefur enginn kostnaður
fallið á Íbúðalánasjóð vegna
greiðslumatsins.
Gjörbreytt staða
Guðmundur Bjarnason, forstjóri
Íbúðalánasjóðs, sagði í síðustu viku
að ástæða þess að samningnum hafi
verið sagt upp sé gjörbreytt staða á
íbúðalánamarkaði, með tilkomu
íbúðalána bankanna. Ástæða hafi
þótt til að fara yfir þessi mál á ný.
Bankarnir bjóða núna íbúðalán á
4,2% vöxtum til allt að 40 ára.
„Höfum
möguleika á
að semja við
aðra aðila“
Óvíst um framkvæmd
greiðslumats hjá Íbúða-
lánasjóði eftir áramót