Morgunblaðið - 20.09.2004, Blaðsíða 32

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 20. SEPTEMBER 2004 VERÐ Í LAUSASÖLU 220 KR. MEÐ VSK.
Áskriftarsími 881 2060
Í FORMI
LIFANDI
VÍSINDI
Áskriftarsími 881 4060
UM þrjátíu hjólreiðakappar á aldrinum 13–
30 ára sýndu glæsileg tilþrif í Nauthólsvík á
laugardaginn á sýningu sem Brettafélag Ís-
lands stóð fyrir.
Settir höfðu verið upp moldarhólar fyrir
ofurhugana til að sýna listir sínar á svoköll-
uðum freestyle- og mudbike-hjólum og ekki
stóð á ævintýralegum stökkum og snún-
ingum eins og sjá má á myndinni.
Brettafélagið vildi með sýningunni vekja
athygli á aðstöðuleysi sem freestyle-
hjólreiðamenn þurfa að glíma við og skora á
stjórnvöld að skapa þeim aðstöðu í borginni.
Morgunblaðið/Þorkell
Glæsileg
tilþrif í
Nauthólsvík
 Heljarstökk/26
FJÖRUTÍU umsækjendur af 140,
sem sóttu um inngöngu í nám og
starfsendurhæfingu fyrir geðsjúka
í haust á vegum Fjölmenntar og
Geðhjálpar, fá ekki inni vegna fjár-
skorts. Aðsókn í námið hefur auk-
ist jafnt og þétt frá því kennsla
hófst í húsnæði Geðhjálpar við
Túngötu á vorönn 2003 og er þetta
í fyrsta sinn sem vísa verður fólki
frá.
Fjölmennt, sem er sjálfseignar-
stofnun Landssamtakanna
Þroskahjálpar og Öryrkjabanda-
lags Íslands, fékk í upphafi 2 millj-
óna króna styrk frá starfsmennta-
ráði félagsmálaráðuneytisins
vegna verkefnisins en að öðru leyti
hefur Fjölmennt fengið 15 milljón-
ir samkvæmt þjónustusamningi til
undirbúnings verkefninu og fyrir
stofnkostnaði.
Ráðuneytunum fullkunnugt
um aukna ásókn
Í nýrri skýrslu um mat á verk-
efninu kemur fram að vel virðist
hafa verið staðið að starfseminni
en eðlilegra sé að hún sé hluti af
heildarstarfsemi og innan rekstr-
arsvigrúms Fjölmenntar í stað
þess að vera sérstakt verkefni án
vissu um fjármögnun að loknu til-
raunatímabili sem upphaflega var
til eins árs. Í haust fengust 6 millj-
ónir króna frá ríkinu til að standa
undir kennslu á haustönn, en ein-
ungis fyrir 100 manns og ekki fyrir
fulla kennslu. Hafa stjórnvöld boð-
að að hafnar verði viðræður milli
menntamálaráðuneytisins og Fjöl-
menntar um hvernig staðið verði
að fræðslumálum geðsjúkra í
framtíðinni.
Sveinn Magnússon, fram-
kvæmdastjóri Geðhjálpar, segist
ánægður með skýrsluna í heildina
tekið en bendir á að ráðuneytunum
hafi verið fullkunnugt um aukna
ásókn í námið eftir að hafa fengið
fjölmargar bréfa- og tölvupóst-
sendingar með upplýsingum þar
að lútandi.
Erfiðlega hafi gengið að fá fundi
með embættismönnum ráðuneyt-
anna og reyndin hafi verið sú að
það kom mönnum í opna skjöldu
hversu margir sóttust eftir að
komast í námið.
Sveinn segir að nú ríði á að hefja
viðræður um framtíðarfyrirkomu-
lag kennslunnar sem allra fyrst og
eðlilegt sé að greiðslur miðist við
fjölda þeirra sem sæki námið í stað
fastrar summu.
Miðað við rekstraráætlun fyrra
árs er fjárþörf verkefnisins vegna
næsta árs um 22 milljónir króna.
Óvissa um framhald náms á vegum Geðhjálpar og Fjölmenntar
Fjörutíu umsóknum af 140
hafnað vegna fjárskorts
FIMLEIKAFÉLAG Hafnarfjarðar varð í gær
Íslandsmeistari karla í knattspyrnu í fyrsta
sinn í sögu félagsins, þegar liðið sigraði KA,
2:1, í lokaumferð Íslandsmótsins á Akureyri.
FH-ingar töpuðu aðeins einum leik í mótinu,
gegn Fylki í annarri umferð, og hlutu samtals
37 stig, sex stigum meira en ÍBV og ÍA. FH-
ingar bera því sæmdarheitið með réttu, besta
knattspyrnulið landsins.
„Þetta er stór stund fyrir okkur, ótrúleg
stund,“ sagði Ólafur Jóhannsson, þjálfari Ís-
landsmeistaranna, í samtali við Morgunblaðið
í gær. „Við erum langbesta liðið á Íslandi, það
á ekkert lið sjens í okkur. Ekki sjens! Það var
algjörlega klárt fyrir mótið að við ætluðum að
taka þátt í toppbaráttu. Og við vissum að við
gætum alveg unnið mótið en við vissum líka að
við gætum klúðrað þessu. En við erum búnir
að vera í forystu síðan um mitt mótið og við
bara kláruðum þetta með stæl,“ sagði Ólafur.
/B 1–16.
Morgunblaðið/Kristján
Fyrsti meistaratitill FH-inga
SJÖ manns, þar af þrjú börn, voru flutt á
slysadeild Landspítalans eftir harðan
árekstur fjögurra bíla á Suðurlandsvegi við
Hafravatn um klukkan 18 gær. Flestir
sluppu með minni háttar áverka.
Að sögn lögreglunnar í Reykjavík varð
áreksturinn með þeim hætti að ökumaður
fólksbíls á austurleið hafði stöðvað bíl sinn á
vegamótunum að Hafravatnsvegi og hugð-
ist aka inn á veginn þegar öðrum fólkbíl var
ekið aftan á bílinn. Við það kastaðist bíllinn í
veg fyrir umferð sem kom á móti og skullu
þá tveir bílar saman til viðbótar. Öðrum
bílnum hvolfdi við áreksturinn. Þrír bílanna
eru ónýtir. Miklar umferðartafir urðu á
Suðurlandsvegi vegna slyssins.
Sjö á slysa-
deild eftir
harðan
árekstur
MEÐAL mála á kirkjuþingi Þjóð-
kirkjunnar í næsta mánuði er til-
laga frá biskupafundi um að fækka
prófastsdæmum og breyta skipan
þeirra, tillaga til þingsályktunar um
að árið 2006 verði minnst 950 ára
sögu biskupsstóls í Skálholti og 900
ára sögu biskupsstóls að Hólum í
Hjaltadal.
Tillaga biskupafundar er að
fækka prófastsdæmum landsins úr
16 í 10 og er tilgangur þess að
styrkja þau í sessi með því að
stækka þau og gera að öflugari ein-
ingum. Hugmynd biskupanna er að
fá málið rætt á kirkjuþingi til að
kanna stuðning við það áður en það
er kynnt frekar. Gert er ráð fyrir að
breytingarnar geti gengið gegn í
ársbyrjun 2006 eða við starfslok
prófasts sem kynni að láta af emb-
ætti fyrir þann tíma.
Telja smæðina hafa hindrað
„Þýðing héraðsfunda og pró-
fastsdæma í stjórnsýslu kirkjunnar
hefur aukist á undanförnum árum
og verkefni þeirra og skyldur vaxið
að umfangi þar af leiðandi. Miklar
breytingar hafa orðið á búsetu,
samgöngur batnað og samskipta-
tækni fleygt fram. Það hefur komið
fram að smæð sumra prófasts-
dæma hefur hindrað eðlilega vald-
dreifingu og þátttöku í stjórnsýslu
kirkjunnar. Þannig hafa einstakar
héraðsnefndir ekki treyst sér til að
gera tillögur að forgangsröðun
verkefna í prófastsdæminu, sem fái
styrki frá Jöfnunarsjóði sókna, erf-
itt hefur reynst að fá frumkvæði frá
héraðsfundum að tillögum um
skipulagsmál og prófastar taka ekki
lengur þátt í vali á sóknarprestum
og prestum til starfa í prófasts-
dæminu, eins og ákveðið var 1998.
Algengt er að bent sé á að návígið sé
of mikið til að gerlegt sé að taka
þátt í viðkvæmum málum af því tagi
sem nefnt hefur verið. Ánægjulegt
er að sjá að prófastsdæmi víðast
hvar hafa tekið frumkvæði að því að
hafa með sér samvinnu um marg-
vísleg verkefni til eflingar kirkju-
legu starfi. Á umræðum á prófasta-
fundi í Skálholti 2004 mátti greina
vilja prófasta til endurskoðunar á
skipulaginu, á grundvelli þeirra
þátta sem raktir hafa verið,“ segir í
greinargerð með tillögunni.
Próföstum fækki úr 16 í 10
Nýjar hugmyndir biskupafundar um skipulag prófastsdæma lagðar fyrir kirkjuþing
ÆTLUNIN er að prófastsdæmin geti
verið 10 að tölu en þau eru 16 í dag.
Hugmynd biskupafundar er að eitt pró-
fastsdæmi nái yfir Vesturland, annað yf-
ir Vestfirði, þriðja yfir Norðurland
vestra, það fjórða Norðurland eystra,
fimmta yfir Austfirði og að tvö prófasts-
dæmi nái yfir Suðurland. Þau þrjú sem
þá eru eftir myndu taka til suðvest-
urhorns landsins, þ.e. Suðurnesja og
höfuðborgarsvæðisins.
Ætlunin er að ræða hugmyndirnar á
kirkjuþingi til að kanna afstöðu þess áð-
ur en þær fara í frekari kynningu.
Hugmyndir að
nýrri skipan
♦♦♦