Tíminn - 16.03.1960, Blaðsíða 3
TÍ^M. I.N N, miðvikudaginn 16. marz 1960.
3
Draumur jarðarbúa er
heimur án styrjaldar
NTB—Genf, 15. marz.
Benfarráðstefna hinna tíu ríkja austurs og vesturs var sett
i dag. Voru þar lesin upp bréf frá Eisenhower forseta, Krustj-
off forsætisráðherra og Dag Hammerskjöld aðalritara S.Þ.
Stóð fundurinn í dag í tvær klukkustundii, en álitið er að ráð-
stefnan standi lengi.
Ummæli Hammerskjölds
í bréfi fiá Hammerskjöld, sem
einnig var les'ið upp á ráðstefn-
unni í dag, er tekið mjög í sama
streng og hjá þeim Eisenhower og
Krústjoff.
„Nú sé ég loks fram á að von
mín, og allra annarra um algjöran
frið í heiminum sé að verða að
veruleika. Þetta eru mikil tímamót
i veraldarsögunni og aldrei hefur
ástandið og tímarnir verið betri í
heimsmálunum til að vænta megi
mikils áraugurs af ráðstefnunni.
Nú þurfum við ekki lengur
að vona að hið góða og rétta
sigri að íokum heldur sjáum
við þegar hilla undir sigur-
inn," sagði Hammerskjöld að
lokum.
Á fundinum las Eton, fulltrúi
Bandaríkjanna á ráðs'tefnunni upp
bréf frá Eisenhower forseta, þar
sem segir að Bandaríkin muni sam-
þykkja allt það sem fram kom á
ráðstefnunni, sem miði í samkomu-
lagsátt og verði til að koma á full-
kominni afvopnun og styrki frið-
inn í heiminum.
Biður forsetinn menn vera ekki
svartsýna, því ekki sé skjóts árang-
urs að vænta, þótt fundur þessi
leiði af sér víðtækt samkomulag.
„Lokatakmarkið er frjáls og örugg-
ur heimur, þar sem allar þjóðir
geta lifað saman í sátt og sam-
lyndi,“ sagði forsetinn að lokum.
Bréf Krústjoffs
í bréfi því er fulltrúi Sovétríkj-
anna á Genfarráðslefnunni las frá
Krústjoff íorsætisráðherra, segir
m. a.:
„Sovétríkin munu gera allt, sem
í þeirra valdi stendur til að tryggja
góðan árangur á ráðstefnunni.
Fulltrúar okkar hafa. fyrirmæli
um, að samþykkja allt það, er mið-
ar að endanlegri lausn mála þeirra,
er fyrir fundinum liggja, og vinna
að alefli gegn erfiðleikum þeim,
sem steðja nú að þjóðum heims
vegna tilkomu kjarnavopna.
Mál allra mála teljum við
afvopnunarmálin og lausn
þeirra brýnasta, en ekkert er
lausn nema algjör og fullkom-
in afvopnun alla þjóða". Hann
biSur menn að gefa gaum að
tiilögum Sovétríkjanna, sem
komu fram í september og
fjölluðu um allsherjar afvopn-
un. „Við höfum sýnt vilja í
verki, með því að fækka í her
oggar," heldur forsætisráð-
herrann áfram, „og það er
innsta sannfæring mín að
stjórnmálamenn, sem nú eru
uppi muni bera gæfu til að
láta draum allra jarðarbúa
rætast, um heim án styrj-
aldar."
ViSundrið
(Framh. af t. síðu).
ur ætti ekki að hækka.
Nú þegai hinn ofboðslegi sölu-
skattur á að skella yfir, er enn tal-
að um tilfærslur og tekjuskatts-
lækkunin enn dregin frá og líka
söluskatturinn, sem rann til út-
flutningssjóðs og gengisfellingin
átti að leysa af hólmi.
Samt heldur Gunnar Thoroddsen
því enn fram, að hér sé aðeins um
tilfærslu a8 ræða og það, sem
meira er „vísitölufjölskyldan" á að
græða á þessum ósköpum.
Fjármálaráðherrann er orðinn
að algjöru viðundri í íslenzkum
stjórnmálurn.
Það er óhrekjanleg staðreynd að
heildarálögurnar á þjóðina nema
nú a. m. k. 1100 milljónum og í
raun mun íneira, þvi að innflutn-
ingsáætlun ríkisstjórnarinnar er
svo lág að ekki fær staöizt.
49 daga
á rekí
NTB—SAN FRANSISCO 15. maiz
— Hinir fjórir sovézku sjómenn,
sem bjargað var um borð í banda
rískt herskip á dögunum eftir að
hafa verið á reki um Kyrr'ahafið
í 49 sólarhringa, komu í dag til
San Fransisco með skipinu
Kearsage.
Á móti sjómönnunum tóku
fjöldi fulltrúa úr sendiráði Sovét-
ríkjanna og sáu þeir um nætur-
stað fyrir hr'akningsmennina, því
þeir munu dveljast nokkra daga
í San Fransisco áður en þeir halda
til New York. Sjómennirnir fjórir
Ientu í fárviðri, sem bar hinn
litla Iandgöngubát þeirra til hafs,
en allir eru mennirnir í landgöngu
liði Rússa. Var þetta 17. janúar,
en með lítilsháttar regnvatni og
mat tókst þeim að draga fram
lifið í þessa 49 daga, sem liðu
áður en þeim var bjargað. — Þá
hafði bátinn rekið 1600 km. um
Kyrrahafið.
Tvö leikrit í
gömlum bragga
Höfn í Hornafirði, 10. marz. —
Tíð er stirð hér þessa seinustu
daga, austlæg átt og litið róið.
Bátarnir eru nú byrjaðir með net
en hafa ekki getað vitjað um tvo
síðustu daga. Á Öskudaginn gerði
hér töluverða hríð. Setti jafnvel
niður svo mikla fönn, að ýta
varð af vegum og er það næsta
óvenjulegt hér um slóðir. — Verið
er að byggja félagsheimili og er
það komið undir þak. Félagssam
tök hér í Höfn standa að bygg-
ingunni. Binda menn miklar von
ir við að félagsheimilið muni
rnjög létta undir með öllu félags
lífi, því húsnæðisleysið háir því
mikið. Eina samkomuhúsið hér
er gamall braggi. Þrátt fyrir þessa
erfiðleika hafa verið sýnd tvö leik
rit hér í vetur. Stóð ungmennafél.
fyrir sýningu á öðru þeirra en
kvenfélagið á hinu. A.A.
Er olía á
Svalbarða?
London, 15. marz (NTB)
Olíufélagið Shell upplýsti í
London í kvöld, að það myndi
senda sérfræðinga til Sval-
barða til að rannsaka mögu-
leika á olíuvinnslu þar. Vitað
er, að þar eru steinmyndanir,
sem innihalda olíu, en eins og
því er varið með alla olíuleit,
þá er rannsókn á sjálfum
staðnum það eina, sem hægt
er að byggja á.
Samkvæmt rannsóknum
sérfræðinga frá Shell-olíufé-
laginu, er olía sú, sem fundizt
hefur á Svalbarða sérstaklega
rík af súrefni. í fréttinni er
þess og getið, að heimskauts-
rannsóknarstöð í Noregi hafi
viðað að sér upplýsingum
varðandi jarðlög á Svalbarða í
mörg ár og þessar upplýsing-
ar muni verða látnar Shell-
olíufélaginu í té, er rannsóknir
verða hafnar af hálfu félags-
ins.
Fimmtugasta sýning
Hinn bráðsnjalli og vinsæli söngieikur, Rjúkandi ráð eftlr Pír Ó.
Man, hefur nú verið sýndur við mikla aðsókn í Framsóknarhúsinu
48 sinnum. Ein sýning var haldin í Keflavík, en fimmtugasta sýn-
ing verður í Austurbæjarbíói á fimmtudagskvöldið klukkan 23,30.
(Miðnætursýning). Meðal ieikenda er hinn vinsæli óperusöngvari
Kristinn Hallsson, en iög Jóns Múla, sem Kristinn og aðrir leikend-
ur syngja, eru nú þegar á allra vörum. Lelkstjóri er Flosi Ólafsson,
og fer hann einnig með hlutverk hins bandaríska fegurðaragents.
Einnig koma fram Erlingur Gíslason, Reynir H. Oddsson, Sigurður
Ólafsson, Jón Kjatr^nsson, Steinunn Bjarnadóttir, Carmen Bonitch
og fleiri lóttklaeddar þokkadísir. Myndin er úr leiknum og sýriir
Guðrúnu Högnadóttur og Erling Gíslason í hlutverkum sínum.
Verða koldanaut
flutt til íslands?
Frá umræðum Búnaðarþings í gær
Á fundi Búnaðarþings í gær
voru þrjú mál til fyrri um-
ræðu. Fyrst var ályktun bú-
fjárræktarnefndar um erindi
frá Búnaðarsambandi Austur-
lands og Búnaðarsambandi
Eyjafjarðar um innflutning
holdanauta og innflutning
sæðis úr holdanautum og
svínum. Annað ályktun sömu
nefndar um erindi Rannsókn-
arstofu Háskólans varðandi
bráðapest í sauðfé og loks
ályktun jarðræktarnefndar
um erindi Rannsóknarráðs rík-
isins viðkomandi heyverkun.
Kristján Karlsson hafði fram-
sögu fyrir fyrsta málinu. Hann
kvað andstöðuna við innflutnmg
holdanauta aðallega af tveimur
ástæðum: Ótta við sýkingarhættu
og blöndun holdanauta við ísl.
mjólkurkúastofninn. Skoðanir
hefðu verið skiptar um málið á
undanförnum Búnaðarþingum en
álit nefndarinnar væri að mestu
máli skipti hagnaðarvonin, sem
við þennan innflutning væri bund-
in. Því væri nú lagt til að skipuð
yrði 3ja manna milliþinganefnd,
er tæki málið til athugunar og skil
aði áliti sínu fyrir næsta Búnaðar-
þing. Nú stæðu yfir samanburðar-
til-raunir á ísl. nautum og holda-
nautablendingum í Laugardælum.
Þeim væri enn ekki lokið, en þó
þætti ,sýnt, að blendingarnir bæru
af. Bent hefði verið á, að hag-
kvæmt væri að nota þá mjólk, sem
kynni að vera umfram innlenda
neyzluþörf til holdanautauppeldis.
Tala sauðfjár hefði sums staðar
náð hámarki nema beitt yrði á
ræktað land, en til þess væru naut
in hentugri en féð.
Benedikt Líndal: Það er ekki
aðalatriðið hvort innflutningur
holdanauta kann að vera arðgæf-
ur eða ekki, heldur skiptir smit-
hættan höfuðmáli. Hef ég ekki á
móti því að fram fari sú athugun
á málinu, sem ráðgerð er í tilll.
nefndarinnar, en ýmsir segja, sem
vit hafa á, að holdanaut geti ekki
keppt við sauðfé um kjötfram-
leiðslu. Innflutningurinn verður
ófrávíkjanlega að vera háður því
skilyrði, að öruggt sé að búfjár-
sjúkdómar berist ekki hingað með
nautunum.
Sýkingarhættan
Sveinn Jónsson: Sýkingarhætt-
an hefur alltaf þótt aðal agnúi
þessa máls. Svo er að sjá sem
menn óttist hana ekki nú sem áð-
ur og er mikið unnið við það.
Þótt ég sé ekki fyllilega samþykk
ur afgreiðslu nefndarinnar, tel ég
hana þó spor í rétta átt. Menn
vilja fara að rannsaka hagnaðar-
hliðin. Hún er augljós, en þó er
ekki að lasta, þótt menn vilji
glöggva sig betur á henni. Alltaf
má um það deila hvaða búgrein
borgar sig bezt. En búin eru yfir-
leitt of smá. Hvernig eigum við
að stækka þau? Getum við fjölgað
sauðfé eða mjólkurkúm svo, að
verulegu nemi? Ég sé það ekki.
Til þess að stækka búin þurfum
við mýjar búgreinar. Þar koma
holdanautin í fremstu röð.
Því er haldið að þjóðinni, að
lan^búnaðurinn sé ósamkeppnis-
fær við aðra atvinnuvegi og raun-
ar bara byrði á þjóðinni. Land-
búnaðarframleiðslan gefur þó af
sér um 800 millj. á meðan sjávar-
útvegurinn er með 1000 millj. og
þá er búið að telja með þátt iðn-
aðarins í hagnýtingu sjávarafurða.
Ef bústærð yrði 10 kýr, 150 ær,
20 holdanaut til slátrunar eða 40
á fóðrum og 7 gyltur, þá er dæm-
inu snúið við. Þá höfum við tryggt
ágæta afkomu bóndans, möguleika
á stórfelldri fjölgun fólks í sveit-
um og skapað aukna velmegun og
öryggi fyrir þjóðina alla.
Hvað svínin snertir, þá er engin
tekjugrein öruggari ef við fram-
leiðum sjálfir kornið, sem er auð-
velt.
Tel rétt að leita -samstarfs við
landbúnaðarráðuneytið um málið,
því að það væri sigurstranglegra,
ef ríkisvaldið vildi veita því líð-
Kjötgæði viðurkennd
Ketill Guðjónsson: Kjötgæði
holdanauta eru viðurkennd. Rann
sóknir sýna einnig, að þau nota
sér beitina betur en íslenzkir naut
gripir. Eðlilegt að menn séu var-
kárir gagnvart sýkingarhættunni.
En ef við ætlum að stækka búin
og fjölga þeim að miklum mun
eins og þarf að gera, þá þurfum
við nýjar búgreinar. Sóttvarnar-
stöðvar eigum við Eyfirðingar að
hafa öruggar, þar sem eru Hrísey
og Grímsey.
(Framhald á 15. síðu).