Alþýðublaðið - 24.12.1942, Blaðsíða 2
JÓLABLAÐ ALÞÝÐUBLAÐSINS
Samvinnumenn vilja samkeppni í verzlun.
En samkeppnin á að tryggja lágt vöruverð.
KRON hefst handa um nýja afgreiðslutilhögun, sem dregur úr dreifingarkostnaði.
SJÁLFSKIPTI.
Samkeppni milli verzlana er æskileg. Verzlanirnar keppa
um að gera kostnað sinn minstan í hlutíalli við söluna. Það á
svo að koma neytendum til góða í lægra vöruverði. Þó fær
slík samkeppni fyrst full gildi, þegar hún fer fram milli einka-
verzlana annars vegar og samvinnuverzlanar hins vegar. Þá
fyrst er tryggt, að sparnaðurinn renni í pyngju neytendanna.
Séu einkafyrirtæki ein um verzlunina, sýnir reynslan, að þau
freistast til að gera með sér verðsamtök.
KRON hefir haft forustu um viðleitni í þá átt að lækka
dreifingarkostnaðinnn, t. d. með því að koma á pöntunarfyrir-
komulaginu, bæta sölubúðirnar þannig, að vinnuafl sparist,
og nota ýmiss konar áhöld, sem bæði spara vinnu og draga úr
vörurýrnun. Nú síðast hefir KRON opnað nýja búð í tilrauna-
skyni, þar sem ætlast er til, að viðskiptamennirnir afgreiði sig
að mestu leyti sjálfir. Er þá ætlað að spara talsvert mikið
launagreiðslur og lækka þannig dreifingarkostnaðinn. Slíkar
húðir eru nú orðnar algengar í Bandaríkjunum, þar sem sam-
keppni er mjög hörð.
KRON vill nú æskja samvinnu neytenda í þessu efni,
þannig að þeir taki nýjunginni vel. Neytendum er hér með
gerður kostur á að efla eiginn hag, með því að í sjálfskipta-
búðinni eiga þeir aldrei að þurfa að bíða afgreiðslu, og allur
sparnaður af þessum nýtízku afgreiðsluháttum rennur- til
þeirra sjálfra.