Alþýðublaðið Sunnudagsblað - 28.06.1936, Blaðsíða 8

8
ALÞÝÐUBLAÐIÐ
Varaforseti herstjórnarráðsins í Nanking, „kristni hershöfð-
inginn“, Feng Yu Hsiang, sem er kominn heim aftur til Kína,
til þess að reyna að stöðva innrás Japana, sést hér á myndinni
ásamt konu sinni og yngstu börnunum. Myndin er tekin, þegar
þau komu til Nanking.
I fréttaskeytunum frá útlöndum er stöðugt verið að segja
frá nýjum og nýjum herflutningum Japana yfir á meginland
Asíu, til Mansehukuo og Norður-Kína. Á myndinni sést járn-
brautarlest, sem er að leggja af stað frá Tokio, höfuðborginni
í Japan, full af hermönnum, sem eiga að fara yfir til meginlands-
ins, til þess að berjast þar fyrir nýjum arðránsmöguleikum fyrir
japanska auðvaldið. Bæði hermennirnir í járnbrautarlestinni og
ættingjar þeirra og vinir á járnbrautarstöðinni veifa með litlum
japönskum fánum að skilnaði.
Kreppuráðstöfun.
Pólskir bændur eru svo spar-
samir, að þeir nota 4 sinnum
sömu eldspýtuna. Þeir nefnilega
kljúfa hana að endilöngu. Pól-
verjar segja, að þetta sé ekki
satt, heldur séu það Skotar,
sem noti þessa aðferð.
Peningar
grafnir í jörð niður.
f Suður-Svíþjóð hefir nýlega
komið einkennilegt mál fram í
dagsljósið. Jarðeigandi nokkur
hafði nýlega selt búgarð sinn
fyrir 160,000 krónur. Bankinn,
sem hann hafði ætlað að leggja
peningana á vöxtu í, neitaði að
taka við peningunum. Nú er
jarðeigandinn dauður og ráðs-
kona hans skýrði skiftaréttin-
um frá því, að 60,000 væru
geymdar í svefnherberginu, en
100,000 í leirkrukku undir gólf-
inu 'í einu af útihúsunum.
Slæmur félagsskapur.
Lárus bindindispostuli var á
gangi á götu og sér þá kunn-
ingja sinn liggja augafullan í
göturennunni og við hlið hans
lá grís.
Þá hristi Lárus höfuðið og
sagði: „Raunalegt er að vita
þig í svona félagsskap." Þá stóð
grísinn á fætur og fór sína leið.
Það má ekki móðga
Hitíer og Mossulini.
Ameríski rithöfundurinn
Sinclair Lewis hefir nýlega gef-
ið út bók, sem heitir: „It can’t
happen here.“ I bókinni er sýnt
fram á þýðingu fasistískrar
byltingar fyrir þjóðirnar.
Upphaflega átti að gera kvik-
mynd um efni bókarinnar, en
ritskoðari kvikmyndahandrita
neitaði að viðurkenna handritið
með þeim forsendum, að ekki
mætti móðga Hitler og Musso-
lini.
Erfingjar.
Miljónamæringurinn O’Flah-
erty í San Francisko lét eftir
sig margar miljónir. En það
voru heldur ekki færri en 1204
persónur, sem gerðu erfðakröfu
í dánarbúið.
För dem,
som er glad i musik.
Ameríski tónlistartrúðurinn,
Perry Perkins, leikur með list
og prýði á 101 hljóðfæri mis-
munandi tegundar.
Formælingar.
I nýútkominni bók um for-
mælingar er sagt frá einkenni-
legum einvígjum meðal frum-
stæðra þjóðflokka. Andstæðing-
arnir taka sér stöðu hvor á móti
öðrum með nokkurra skrefa
millibili og taka að blóta og for-
mæla hvor öðrum, ætt hvor
annars og öllu viðkomandi ætt
og eignum hvor annars. Þessi
einvígi geta staðið tímum sam-
an, en sá, sem sigrar er í mikl-
um metum hafður og fær þægi-
lega stöðu í heiðursskyni fyrir
orðkyngi og úthald í formæl-
ingum.
8|.
Myndin hér að ofan er af
brezka nýlendumálaráðherran-
um J. M. Thomas, sem nýlega
varð að segja af sér sakir
hneykslismáls, sem hann var
við riðinn.
Huggarinn.
Konan hrópar á mann sinn
sér til hjálpar og segist hafa
gleypt nál. Maðurinn kemur og
segir með mestu stillingu:
— Taktu þessu með ró, kona.
Hér er önnur nál.
Anna og María.
I veröldinni eru um 94 milj.
kvenna með nafninu Anna og
um 90 miljónir með nafninú
María. Þessi nöfn eru því ekki
beinlínis frumleg lengur.
Dýr málarekstur.
Kostnaðurinn við hina víð-
tæku rannsókn út af Stavisky-
hneykslinu hefir nú verið gerð-
ur upp. Málareksturinn kostaði
hvorki meira né minna en 21
miljón franka.
Hættuleg tilraun.
Á veitingahúsi einu í Buda-
pest bar það við nýlega, að einn
af gestunum, sem orðinn var
nokkuð ölvaður, gekk að döm-
unni, sem spilaði fyrstu fiðlu í
hljómsveit veitingahússins og
kysti hana. í hljómsveitinni
voru tólf dömur og réðust þær
allar á manntetrið, sem hafði
gert þetta í beztu meiningu, og
lúbörðu hann fyrir tiltækið.
Þegar honum var loks bjargað
úr klóm kvennanna leit hann
út eins og hann hefði verið á
fremstu víglínu í heimssíyrjöid-
inni.
RITSTJÖRI:
F. R. VALDEMARSSON.
STEINDÓRSPRENT H-F-