Vísir - 24.05.1938, Blaðsíða 2

Vísir - 24.05.1938, Blaðsíða 2
VlSIR DAGBLAÐ Útgef andi: BLAÐAÚTGÁFAN VÍSIR H/F. Ritstjóri: Kristján Guðlaugsson. Skrifstofa: Hverfisgötu 12. Afgreiðsla: Hverfisgötu 12. (Gengið inn frá Ingólfsstræti). Sí m ar: Afgreiðsla 3400 Ritstjórn 4578 Auglýsingastjóri 2834 Verð 2 krónur á mánuði. Lausasala 10 aurar. Félagsprentsmiðjan h/f. Samstarf? MÖNNUM hefir skilist, að blöð Framsóknarflokksins þættist ekki alllítið af því, þegar þau hafa verið að deila á social- ista og kommúnista, að Fram- sóknarflokkurinn væri alger- lega andvígur-öllu reiptogi miili „stéttanna" í þjóðfélaginu, og hefði megnustu óbeit á stétta- baráttum.Það mætti því ætla, að Framsóknarflokkurinn þættist vera flokkur, sem allar stétlir þjóðfélagsins gætu sameinast um að fylgja, eða þá að slikur flokkur gæti átt einhvern til- verurétt. Þessu fer hinsvegar mjög f jarri. í forystugrein, sem nýlega birtist í Timadagblaðinu, er það fundið Sjálfstæðisflokknum mjög til foráttu, að hann hafi „heitið öllum stéttum gulli og grænum skógum". En sam- kvæmt stefnuskrá sinni, er Sjálfstæðisflokkurinn flokkur allra stétta jafnt, og hann hefir valið sér kjörorðið: „stétt með stétt". Með þvi er að visu ekki öllum stéttum heitið „gulli og grænum skógum", og því einu yfir lýst, að hagsmuni éngrar stéttar megi bera fyrir borð, vegna hagsmuna annarar, en svo sé best gætt hagsmuna allra stétta, að sem best sé búið að hverri einstakri þeirra. En þetta segir Tímadagblaðið að sé „tak- markalaust lýðskrum", eða með öðrum orðum, að hverri stétt sé það lífsnauðsyn, að skara sem mest eld að sinni köku, og því sé í rauninni ekki um það að ræða, að nokkur stjórnmála- flokkur geti verið flokkur allra stétta. Og samkvæmt þeirri kenningu hefir Framsóknai'- flokkurinn líka starfað frá upp- hafi, og hann virðist ekki enn hafa látið sér skiljast það, að velmegun hverrar einstakrar stéttár hljóti að byggjast á vel- megun hinna. Og nú gerir Tímadagblaðið ráð fyrir því, að Sjálfstæðis- flokkurinn, eða einhver hluti hans, sé i þann veginn að láta sannfærast „um þann raun- veruleika", að þetta sé hin „eina sáluhjálplega trú" í stjórn- málunum". Ýmsir af „foringj- um flokksins" muni nú vera horfnir fiiá því að reyna „að ná svo öflugu múgfylgi, að flokk- urinn fengi meirihluta þingsæt- anna", láta sér nægja fylgi þeirra stétía, sem hann sé fyrst og fremst fulltrúi fyrir, „heild- sala", stórútgerðarananna og f járeignamanna" og leita sam- vinnu við Framsóknarflokkinn „í ábyrgu samstarfi". Og svo virðist sem blaðið sjái enga meinbaugi á því samstarfi, enda þótt „hagsmunir þess fólks", sem Sjálfstæðisflokkur- inn sé fulltrúi fyrir, séu „and- vígir" hagsmunum bænda og verkamanna!! „Bændur og verkamenn" — það voru einu stéttirnar, sem kommúnistarnir í Rússlandi töldu að ættu rétt á sér, þegar þeir hófu byltinguna þar á ár- unum. „Bændur og verkamcnn" eru einu stéttirnar, sem Fram- sóknarflokkurinn telur að eigi rétt á sér hér á landi. Timadag- blaðið ætlast til þess, að öllum geti skilist það, að það hljóti að vera hin mesta fásinna, að sami flokkurinn geti verið fulltrúi kaupsýslumanna og neytenda, útgerðarmanna og sjómanna, atvinnurekenda og verkamanna. Það var einmitt þessi skilningur á innbyrðis afstöðu þjóðfélags- stéttanna, sem var undirrót þjóðfélagsbyltingarinnar í Rúss- landi. — En meðan sá skilning- ur er ríkjandi i Framsóknar- flokknum, er áreiðanlega eng- inn „jarðvegur fyrir" samstarf hans við Sjálfstæðisflokkinn. UmferðaFTikan 1 DAG. Lögreglan hefir sérstakt eft- irlit með ökuhraða bifreiða. Umferðarmyndir eru til sýn- is í búðargluggum við Austur- stræti. Nýjum myndum bætt við. Skilti eru áfram á þremur gatnamótum, þar sem umferð- arslys hafa verið tíðust. Leiðarvísi i umferð verður úthlutað á götunum. í kvöld kl. 19,20 flytur Árni Pétursson læknir erindi um um- ferðarmenningu. A.MORGUN verður svipuð tilhögun, en annað kvöld flytur erindi í út- varpið Ólafur Matthiasson vá- tryggingafulltrúi, um umferðar- slys og tryggingar. — Á fimtu- dag (uppstigningardag) verður ýmislegt fleira á „dagskrá" en í dag og í gær. Aðalfondar byofl* ingarfélagsiDS. Byggingarfélag alþýðu hélt aðalfund sinn í gær og gætti þar sömu úlfúðar og að undanförnu milli sociahstanna og Héðins Valdimarssonar. Héðinn stjórnaði fundi, og hafði hann og kommúnistar safnað liði og munu hafa átt % hluta fundarins á sínu bandi. Til máls tóku þessir: Hannes Jónsson, Guðjón B.Baldvinsson, Guðmundur _H. Guðmundsson, Erlendur Vilhjálmsson, Héðinn Valdimarsson og Hafliði Jóns- son. Erlendur Vilhjálmsson deildi allfast á Héðinn og hafði í frammi ýmsar dylgjur i hans garð, og hélt sig að litlu leyti við þau dagskrármál, sem fyrir lágu. Hafliði Jónsson sjómaður hélt þar kommúnistiska æsinga- ræðu utan dagskrár, en er Guð- 'jón B. Baldvinsson ællaði að íaka aftur til máls og svara Haf- liða og Héðni, neitaði Héðinn honum um orðið og samþykti fundurinn að Guðjóni skyldi ekki leyft að tala. Lá þá við uppnámi á fundinum. Voru dagskrármál því næst afgreidd og fundi slitið, og hafði Héð- inn verið þar einráður um alla hluti. Afskifti Breta af deilunom í Tékkó- slóvakíu bjarga friðinum í álfunni. f»jóderiiis minnihlutaflokk< ap í Tékkóslóvakíu fá aukin ^éttindi. EINRASKEYTI TIL VlSIS London, í morgun. Parísarblöðin í morgun lofa mjög framkomu bresku stjórnarinnar út af deilunum um mál- ef ni Tékkóslóvakíu undangengna sólarhringa. Eru blöðin eindregið þeirrar skoðunar, að horfurnar hafi verið hinar ískyggilegustu og litlu hafi munað, að til árekstra kæmi, sem heimsstyrjöld hefði leitt af, en vegna hiniiar ákveðnu stefnu, sem Bretar tóku, hafi ekki til þess komið — það hafi dregið úr þeim kjark, sem vildu koma fram með ofsa, að Bretar tóku þá stef nu sem reyndin varð. Berlínarfregnir herma, að það komi skýrt fram í blöðum þar, að menn sé óanægðir yfir afskiftum Breta af Tékkóslóvakíu. Blöðin saka Breta uin að draga taum Tékka, Bretar séu hér í algerðu heimildarleysi að skifta sér af málum, sem ekki komi Bretum neitt við, þar sem þau hafi engin áhrif á hagsmuni Bretaveldis. En, þótt horfurnar hafi batnað, vegna ákveðinnar framkomu Breta, er enn uggur í mönnum, og er þess beðið með mikilli óþreyju hver árangur verður af við- ræðum þeirra dr. Hodza, forsætisráðherra Tékkósló- vakíu, og Henleins, Ieiðtoga Sudeten-þýska flokksins, um framtíðarskipulag Tékkóslóvakíu. Að því er United Press hefir fregnað frá Prag mun stjórnin fallast á ýmsar tilslakanir í garð þjóðernis- legra minnihluta, en til þess mun ekki koma, að stjórn- in f allist á neitt, sem af leiðir skerðingu eða tvístringu hins tékkóslavneska ríkis. Þótt sjálfstjórn í innanhér- aðsmálum verði veitt ákveðnum landshlutum mun öll öryggis- og landvarnastarfsemi verða i höndum stjórn- arinnar í Prag og hún mun gæta þess, að haídið verði uppi lögum og reglum hvarvetna í Tékkóslóvakíu. Frekari fundir eru haldnir, sem þeir taka þátt í, Hodza og Henlein. Hodza mun og ræða við leiðtoga annara þjóðernislegra minnihluta. United Press. Flugmaður úr gamla rússneska keisarahernum, Kapt. Victor Dibovsky, sem gat sér mikinn orðstír í styrjöldinni miklu, hef- ir fundið upp nýtt farartæki, sem hann fullyrðir að fari 25 hnúta á sjó, 60 mílur á einni klukkustund á vegunum og 120 mílur á klst. í lofti. Farartæki þetta er þrihjóla- vagn á landi, mótorbátur á sjó, en sem flugvél lyftir það sér beint upp án tilrenslis — er svo- kölluð „hehcopter"-fIugvéI. Tiðindamaður Daily Tele- graph skoðaði fyrirmynd að farartæki þessu og nokkurn hluta vélarinnar. Farartæki þetta er 12% fet á lengd og gæti auðveldlega haft kafbát án flugþilfars sem móð- urskip, með þvi að það getur lent á venjulegu þilfari slíkra skipa, eða þá á sjónum í ná- munda við þau. . Ef farartækið er notað á Iand- vegunum er það ekki rúmfrek- ara en venjuleg bifreið, en ef með þarf er unt að hemla vél- inni frá hjólunum og setja hana í samband við tvo lárétta flug- spaða, sem hefja vélina á löft, en samtímis eru hjól farartæk- isins dregin inn. Farartæki þetta getur bæði farið aftur á bak og áfram og er auðvelt í meðförum. Dibovsky er kunnur upp- findingamaður og hefir þrá- vegis fengið verðlaun fyrir upp- findingar sínar. Breskir her- miálasérf ræðingar haf a f arartæki þetta til athugunar, en sam- kvæmt þeirri reynslu, sem þeg- ar er fengin, er talið víst að hér sé um þýðingarmikla upp- götvun að ræða. Minning Einars H. Kvaran. Einkaskeyti frá Kaupm.höfn 23. maí. F,Ú. Kaupmannahafnarblaðið Na- tionaltidende flytur í gær minn- ingargrein um Einar H. Kvar- an rithöfund. Skýrir blaðið frá starfsemi hans sem blaðamanns og rithöfundar og fer um hann lofsamlegum orðum sem skáld og merkilegan rithöfund. Kaup- mannahafnarblaðíð Politiken skrifar einnig um Einar H. Kvaran og segir meðal annars að hann sé einn allra snjallasti smásagnahöfundur sem nokkru sinni hafi verið uppi á Islandi og auk þess skrifað f jölda ann- ara mætra verka. MUSSOLINI OG HITLER í RÓMABORG. Stjófh síIdarverksmi d j a ríkisins ákveðup kjör vidskiftamanna verk- smiðjanna. Fréttaritari Vísis á Siglufirði skýrði blaðinu svo frá i viðtali í morgun: Fyrir síðustu helgi hélt stjórn Síldarverksmiðja ríkisins fund á Siglufirði og ræddi þar um, hvaða stefna skyldi ríkjandi í framtíðinni um kaup á síld til bræðslu og greiðslukjör, eða hvort sildin skyldi tekin til vinslu og greidd að nokkrum hluta. Var samþykt með 4 atkvæð- um samhljóða að verksmiðjan skyldi leita heimildar atvinnu- málaráðherra til þess að kaupa síldina föstu verði á komandi síldarvertíð, eins og að undan- förnu, en ef viðskiftamenn verksmiðjunnar kysi heldur, skyldi verksm. taka síldina til vinslu, gegn því, að greiða 85% af andvirði við afhendingu og uppbót síðar, eftir því sem unt væri. Útgerðarmenn eiga því sjálf- ir ákvörðunarréttinn i þvi efni, hvort þeir vilja heldur selja síldina til verksmiðjanna, eða hvort þær taka síldina til vinslu samkvæmt ofansögðu. Stjórn síldarverksmiðjanna hefir enga samninga gert, enn sem komið er, um fyrirfram- sölu á síldarlýsi. Verðið á lýsinu mun nú véra £ 12-10-0, miðað við 2% feitisýru, en lægra eftir því sem sýrumagnið er meira. Mikill kuldi er nú norðan- lands og á Siglufirði snjóaði i gær niður í sjó, en í morgun hafði snjó tekið upp á láglendi, en f jöll voru hvít niður í miðjar hlíðar. Til Hallgrímskirkju í Saurbæ. Kr. 5 frá J. B. Aheit á Slysavarnafélagið. Kr. 5 frá ónefndum. Hlaup í Skeiðapá* 23. maí. — FÚ. Skeiðará hefir vaxið ákaflega mikið í dag og búast menn við jökulhlaupi. — Frá Fagurhóls- mýri í Öræfum var símað: Um kl. 730 i morgun var Skeiðará enn lítil, en tveimur stundum siðar — eða kl. 9.30 — var hún tekin að vaxa og orðin mórauð. í allan dag hefir hún svo baldið áfram að vaxa jafnt og þétt, og var laust fyrir miðnætti orðin meiri en nokk- uru sinni í allra mestu sumar- leysingum. Allar líkur eru til þess að jökulhlaup sé í aðsigi, en Oræfingar telja hugsanlegt að það stafi af framhlaupi jök- ullóns á vatnasviði árinnar, en ekki af eldgosi — enda hefir að svo komnu ekkert orðið vart við eldsumbrot í jöklinum. —¦ Vísir átti tal við Hannesi Jóns- son bónda að Núpsstað í morg- un, og sagði hann að alveg væri óvíst, að hér væri um venjulegt jökulhlaup að ræða eins og t. d. árið 1934. Arið 1920 og 1929 hefðu hlaup svipað þessu komið í Skeiðará og varað alt að þremur vikum. Á þessu hlaupi hefði engin veruleg breyting orðið frá því í gær og símalín- an austur yfir sandinn væri ennþá í lagi. Skeiðará er þó far- in að brjóta sér nýjan farveg undan jökulröndinni og er all- mikið vatnsrensli þaðan. — 1 Núpsvötnum hefir vatn ekkert aukist frá því í gær og yfirleitt engin breyting orðið, sem bent geti til verulegs hlaups í Skeið- ará.

x

Vísir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vísir
https://timarit.is/publication/54

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.