Morgunblaðið - 18.07.1944, Blaðsíða 12

12
í, miljón kr. hag-
dæður verslunar-
jöfnuður iyrsfu
mánuði ársins
SKÝRSLUR hafa nú borist
um verslunina við útlönd fyrstu
6 ‘mánuði ársins, Flutt hefir ver
ið til landsins fyrir 114.6
■miljónir króna í jan^-júní, en
útflutt á sama tíma fyrir 115.6
miljónir. Hefir verslunarjöfn-
uðurinn því verið hagstæður
um 1 miljón kr. fyrri helming
ársins.
I fyrra var verslunarjöfnuð-
urinn á sama tíma ónagstæður
um 10 milj. kr.
Verslunin í júní.
I júnímánuði s.l. var flutt
inn fyrir 18 miljónir króna, en
út úr landinu voru fluttar vör-
ur fyrir 16.8 miljónir króna.
Varð verslunarjöfnuðurinn því
óhagstæður í þessum mánuði
um 1.2 milj. kr.
Aðalútflutningsvörur í júní
voru: Isfiskur fyrir 9.8 miljón-
ir, freðfiskur fyrir 2.5 miljónir,
gærur fyf'ir 2.6 miljónir, lýsi
fyrir 1.4 og saltkjöt fyrir 0.9
miljónir króna.
'florauttb
íslensk doklorshjón í Svíþjóð
Prófessor Beck
á ísafirði
ísafirði í gær. •— Frá
frjettaritara vorum.
PRÓFESSOR Richard Beck
kom hingað með Óðni síðari
hluta laugardags, í boði bæjar-
stjórnarinnar. Um kvöldið hafði
bæjarstjórnin boð í Uppsölum
til þess að fagna heiðursgest-
inum. Sátu það 70—80 manns.
Boðinu stjórnaði Jón Guðjóns-
son, bæjarstjóri, sem setti hóf-
!ð og bauð Beck velkominn. —
•Forseti bæjarstjórnar, Guðm. G.
Hagalín, mælti fyrir heiðurs-
gestinum og Vestur-íslending-
um-
Þá flutti prófessor Beck kveðj
ur frá Vestur-íslendingum, sjer
staklega frá Þjóðræknisfjelag-
inu og Góðtemplarastúkunni í
Winnipeg. Arngrímur Bjarna-
son svaraði kveðjunni til Góð-
templara. Síðan voru frjáls
ræðuhöld.
í gærdag fór prófessor Beck
að Núpi í Dýrafirði og flulti þar
erindi, en síðar um daginn flutti
prófessorinn erindi hjer um
þjóðrækisbaráttu íslendinga í
Vesturheimi.
ísfirðingar hafa ákveðið að
gefa prófessor Beck mynd af
ísafirði og honum og Þjóðrækn-
isfjelaginu rúnakefli skorið af
Guðmundi frá Mosdal. ísfirskir
templarar senda íslensku stúk-
unum í Vesturheimi ávarp.
Dr. ÁSKELL LÖVE OG KONA HANS, DORIS, með dóttur
þeirra, Gunnlaugu. Þau hafa bæði hjónin tekið doktorsgráðu í
erfðafræði, og er mælt að þau sjeu yngstu doktorshjón í Svíþjóð.
Frú Boris varði doktorsritgerð sína í vor. Áskell og kona hans
hafa mikinn hug á að komast hingað heim. Því mörg verkefni
bíða Áskels hjer heima. Og ekki vantar hann aðstoðina í fræði-
grein sinni, þar sem konan hans hefir numið sömu vísindi og
hann.
Sundflokkur K. R.
kominn heim
SUNDFLOKKUR KR und-
ír stjórn Jóns Inga Guð-
tnundssonar, sundkennara.
kom heim á sunnudagskvöid-
ið úr Norðurlandsför sinni.
Lætur flokkurinn hið besta
yfir för sinni og rómar mjög
vinsamlegar og glæsilegar
rnóttökur á Akureyri og Siglu
firðx.
Þjóðhálíðin
í Vestmannaeyjum
4. og 5. ágúsf
Vestmannaeyjum í gær.
Frá frjettaritara vorum.
ÞJÓÐHÁTÍÐ Vestmannaeyja
verður haldin föstudaginn 4.
ágúst og laugardaginn 5. ágúst
næstk.
Á þessu ári eru 70 ár liðin frá
því er fyrst var haldin þjóðhá-
tíð í Vestmannayjum, og hefir
þjóðhátíð verið haldin á hverju
sumri síðan, að undanteknum
nokkrum sumrum í fyrri heims
styrjöldinni.
í tilefni þessa aímælis verður
reynt að vanda sjerstaklega til
þessarar einstæðu hátíðar Eyja
búa, og er undirbúningur þeg-
ar hafinn fyrir nokkru.
Eins og að undanförnu verð-
ur mjög margt til skemtunar,
svo sem ræður, söngur, frjálsar
íþróttir, alls konar flugeldar,
brenna, svo og dans á pöllum
bæði kvöldin í dalnum.
Ákveðið er, að hanknatt-
leiksflokkur kvenna úr Knatt-
spyrnufjelagi Akureyrar komi
á hátíðina og keppi í handknatt
leik við stúlkur úr íþróttafjelög
unum hjer.
Iþróttafjelagið Þór sjer um
hátíðina að þessu sinni.
Isfirsku handknalt-
leihssfúlkurnar
komnar til bæjarins
ÍSFIRSKU handknattleiks-
stúlkurnar, sem taka ætla þátt
í handknattleiksmeistaramóti
kvenna, sem hefst í Hafnarfirði
23. þ. m., komu til bæjarins
með Esju í gærkvöldi.
Stúlkurnar eru alls níu, úr
þremur fjelögum á Isafirði,
Vestra, He’rði og Valkyrjum, og
keppa fyrir íþróttabandalag
Isfirðinga. Fararstjóri stúlkn-
anna er Ágúst Leós. — Flokk-
urinn dvelur hjer syðra í boði
Iþróttafjelags Reykjavíkur.
Benedikf Jakobsson
heiðraður
Á „SIGURHÁTÍГ áfem K. R.
hjelt s. 1. föstudagskvöld í til-
efni hins glæsilega sigurs fje-
lagsins á Allsherj armótinu, af-
hentu frjálsíþróttamenn K. R.
Benedikt Jakobssyni, þjálfara
fjelagsins í frjálsum íþróttum,
forkunnar fagra útskorna fána-
stöng, ásamt fána K. R. Er gjöf
þessi þakklæti fyrir 10 ára
kenslu í frjálsum íþróttum hjá
fjelaginu, sem borið hefir svo
ágætan árangur.
Haraldur Matthíasson, for-
maður íþróttanefndar K. R.
hafði orð fyrir gefendum og af-
henti gjöfina.
Við sama tækifæri voru þeir
Gunnar Huseby og Skúli Guð-
mundsson heiðraðir af stjórn
íjelagsins. Afhenti formaður fje
lagsins, Erlendur Pjetursson,
þeim sinn hvorn silfurbikarinn,
fyrir framúrskarandi afrek í
sumar. Afrek, sem skipa þess-
um góðu íþróttamönnum í
flokk keppenda á alþjóðamæli-
kvarða.
Sagðist formaður vona, að
þeim, ásamt bestu íþróttamönn
um fjélagsins, gæfist kostur á,
áður en langt um liði, að keppa
á erlendri grund.
(hurchill lofar sókn
gegn Japönum
London í gær.
CURTIN, forsætisráðherra
Ástralíu, skýrði frá því í dag,
að í viðræðum, sem hann hafi
átt við Churchill í sumar, hafi
Churchill lofað, að nú þegar á
þessu ári myndi vera hægt að
senda allsterkan breskan her
til sóknar gegn Japönum. Bret-
ar myndu þó ekki geta snúið
sjer að því af fullum krafti að
berjast við Japana, fyr en Þjóð
verjar væru að velli lagðir. En
þá skyldi heldur ekki neitt til
sparað af hendi Breta og
Ástralíumanna til að koma
Japönum á hnje. — Reuter.
Glæsilegl hjeraös-
méf Sjálfsfæðis-
manna í Nausta-
borgum
Akureyri í gær.,
Frá frjettaritara vorum.
HJERAÐSMÓT Sjálfstæðis-
manna á Akúreyri og í Eyja-
fjarðarsýslu var haldið í
Naustaborgum við Akureyri s.l.
sunnudag. Veður var hið á-
kjósanlegasta og fjölmenni mik
ið var þar saman komið úr bæn
um, nálægum sveitum og einn-
ig margt ferðafólk.
Formaður Sjálfstæðisfjelags
Akureyrar, Jakob O. Pjeturs-
son ritstjóri, setti mótið og
stjórnaði því. Jón Pálmason
alþm. frá Akri og Sigurður
Eggerz bæjarfógeti fluttu snjall
ar og skörulegar ræður. Lúðra-
sveit Akureyrar undir stjórn
Jakobs Tryggvasonar ljek mörg
lög og Karlakór Akureyrar
undir stjórn Jóhanns O. Har-
aldssonar söng. Dans var stig-
inn um kvöldið í hinu stóra
tjaldi Sjálfstæðisfjlagsins. —
Veitingar voru seldar á staðn-
um allan daginn.
Bresk skip í ferðum
til Svíþjóðar
London í gærkveldi.
FRÁ ÞVÍ var skýrt í dag, að
s.l. vetur hafi nokkur bresk
skip haldið uppi föstum ferðum
milli Bretlandseyja og Svíþjóð-
ar og flutt verðmætan varning
til Englands og ennfremur
nokkra farþega. Þykir það hin
mesta hetjudáð af áhöfnum
hinna bresku skipa, að halda
þessum ferðum uppi.
Skipin, sem höfð voru í þess-
um Svíþjóðarferðum, voru sjer
staklega bygð til þessara Sví-
þjóðarferða. Þau eru lítil og
vel vopnuð. Hafa diesel-vjelar.
Áhafnir skipanna voru alt sjálf
boðaliðar og meðalaldur skip-
verja var 25 ár, en nokkrir voru
undir tvítugt. Enginn skipstjór
anna var eldri en fertugur. -
Aðeins einu skipanna hlektist
á. Náði þýskt herskip því. -
Skipstjórinn á biæska skipinu
fórst.
Ekki hefir enn verið skýrt
nánar frá þessum sjóferðum
milli Englands og Svíþjóðar,
og höfnin í Svíþjóð, sem skipin
sigldu til, ekki verið nafn-
greind ennþá.
Dregið úr svörtum
markaði.
LONDON: — Kimdersley lá-
varður, forseti sparnaðarhreyf-
ingarinnar í Englandi, sagði
fyrir nokkru á ráðstefnu í
London:
„Ef það fje, sparað saman
smátt og smátt, að upphæð
2.876.000.000 sterlingspund,
hefði verið handbært til þess
að freista manna til kaupa á
,svörtum markaði“, þá væri
„svarti markaðurinn11 með
meiri blóma en raun er á.
Þriðjudagar 18. júlí 1944
Tapaði minni hjá
Selás og vaknaði
við vondan draum
Lögregluna vantar
vitni.
UM KLUKKAN 9 á sunnu-
dagsmorgun ók bifreiðarstjórí
sem var á leið eftir gamla
Þingvallaveginum, fram á
mann, er spurði hann hvai’
hann væri og á hvaða leið.
Maður þessi var þá nývakn-
aður í bifreið, er öll var meira
og minna brotin, og hann gat
enga skýringu gefið á, en.
bifreiðin stóð á veginum á
móts við Hafravatn.
Bifreið þessa hefir h.f. Shell
við flutning verkamanna, en
áður tilheyrði bifreið þessi
setuliðinu, er hún auðkend
stöfunum RN—1006.
Maður sá, er ók bifreiðinni.
segir sig hafa mist algjörlega
minni og geta ekki gefið þær, /
upplýsingar er skýrt geti mál«
ið. Hann kom hingað í bæ-
inn á laugardaginn, 16. júlí og
kveður sig hafa ætlað upp að
Grafarholti um kl. 23, en á
leiðinni hafi hann ekið frarn
á hermenn, er báðu hann að
a*ka sjer upp að Café Broad-
wey (Baldurshaga), en er
hann hafi komið á móts við
Selás hafi hann mist minnið
og ekkert vitað hvað skeð
hafi eftir það, uns hann hafi!
vaknað undir spýtnahrúgu í
bíl þeim, er hann ók, mjög
timbraður og með áfengis-
Ijragð í munninum.
ILann fullyrðir að hvorkx
hann eða hermennirnir hafi
verið með vín.
1 gær upplýstist það í mál-
inu, að maður þessi hafði
verið á dansleik í OddfelloW
húsinu á laugardagskvöld og
boðið tveim mönnum með sjer,
austur að Selfossi og hafi
hann þá verið allhýr. Frá
Selfossi hafi hann farið umC
nóttina og var þá svo drukk-
inn að þeim, er hann bauð
með sjer í ferðalagið þótti
vænlegsast að yfirgefa hann.
Þá hefir og spurst til ferða
R.N.—1006 á leið út úr bæn-
um á sunnudagsmorgun kl.
6, en bifreiðin fannst, svo sem
fyrr getur, kl. 9.
Bifreiðin var mjög illa út-
lítandi, skýli, sem er úr, allt
botið, afturgaflinn vantar al-
veg, framfjöður brotin og
loks fannst hljóðdunkurinn og
úthlásturspípan niður við
Geitháls. Er því óliætt að full'
yrða, að bifreiðin hafi að
minsta kosti oltið eina veltu,
og eru þeir, sem einhverjar,
up])lýsingar geta gefið. beðn-
ir að tala liið fyrsta við ranrí
sóknailögregluna.
&
Nýr japanskur flota-
ráðherra.
%
London í gær: — Flotamála-
ráðherrann japanski hefir látið
af embætti og við embættinu
hefir tekið Numora flotafor-
ingi, sá er stjórnaði japanska
flotanum við Norður-Kína
1931 og sá sami er var fulltrúi
Japana á flotamálaráðstefn-
unni í London 1930. — Reuter.