Morgunblaðið - 29.08.1944, Síða 1
81. árgangnE.
192. tbl. — Þriðjudagur 29. ágúst 1944.
Isafoldarprentsmiðja h.f,
BARIST Á SLÓÐUIV1 FYRRI STYRJALDAR
BANDAMENN KOMNIR YFIR MARNEFLJÓT
Churchil! ialar til
ítölsku þjóðarinnar
RÓM í gær.
Einkaskeyti til Morgunblaðsins
frá Reuter.
Churchill forsætisráðherra
Bréta, sem nú er á förum heim
frá' Ítalíu, ávarpaði í kvöld í-
tölsku þjóðina, hughreysti hana
og hvatti.
Kvaðst hann trúa því, að Bret
ar myndu gleðjast yfir þeim
> - '
degi. er Italía yrði aftur frjáls
og skipaði þann sess sem henni
bæri í hópi friðsamra þjóða.
Sagði Churchill, að af styrj-
aldaráslæðum myndu enn
verða þrengingar í ýmsum hlut
um landsins, sjerstaklega vegna
skemda á höfnum, en hann
hefði skipað svo fyrir að alt
skyldi gert til þess að bæta úr
þessu.
Þá hvatti Churchill ítali til
þess að taka aldrei upp aftur
einræðisstjórnskipulag og sagði
að lokum, að hann gleddist
mjög yfir því, að brátt myndu
stórir ítalskir herir taká þátt í
baráttunni með bandamönnum.
Matvælaskortur í
Suður-Frakklandi
London í gær.
Allmikill matvælaskortur er
í Suður-Frakklandi og ástand'
ið talið alvarlegt, ef ekki verð
ur úr bætt hið fyrsta. Munu
matvæli bráðlega verða send
þangað í stórurn stíl.
Skemdir eru flestar litlar í
þeim borgum, sem bandamenn
hafa náð á sitt vald í þessum
hluta landsins, nema Toulon
hefir mikið af íbúum verið.
flutt, og eru þeir hvattir til
|>ess, sem fjarvistum eru, að
ieita ekki heim að svo stöddu.
— Reuter.
Ætluðu til Englands
STOKKHÓLMI: Tveir ungir
Danir reyndu nýlega að kom-
ast frá Svíþjóð til Englands í
stolnum vjelbáti, en sænskt
varðskip hitti þá á tundurdufla
svæðinu við ströndina. Voru
þeif teknir fastir og afhentir
lögreglunni í Marstrand.
Þjóðverjar hörfa
hraít uppeftir
Rhonedalnum
Bandamenn nálgast \issa
London í gær. Einkaskeyti til Morgunblaðsins
frá Reuter.
Þyski herinn, sem var í Suður-Frakklandi hörfar nú hratt
uppeftir Rhonedalnum og eru framsveitir bandamanna á hæl-
um þessa flýjandi hers, en flugvjelar gera undanhaldið erfiðara
fyrir hann. — Á Miðjarðarhafsströndinni sækja sveitir banda-
manna að hinni frægu borg Nissa, en þaðan berast fregnir um
að mótspyrna Þjóðverja sje mjög hörð.
Enn hefir ekki verið opinber
lega^staðfest, að Grenoble væri
á valdi bandamanna, eða að
þeir væru komnir að landamær
um Sviss, en báðar þessar fregn
ir höfðu frjettaritarar flutt í
dag og í gær.
Þjóðverjar segja að undan-
hald þeirra sje auðvelt upp
Rhonedalinn og eigi herir
þeirra þar ekki í bardögum. —
Mjög illt er að vita, hve langt
Þjóðverjar eru þarna komnir,
en talið að það sje um 140—160
km. frá sjó eða hálfa leið til
Lyons.
Vörnin við Marseilles
þrotin.
í Toulon er vörn Þjóðverja
hætt( nema á tveim nesjum
nærri höfninni og í Marseilles
gáfust síðustu hersveitirnar upp
í kvöld seint. Hafa bandamenn
að eigin sögn Tekið um 7000
þýska fanga í þessum tveim
borgum og við þær.
Dæmdur til dauða
ALTAF er verið að dæma
glæpamenn vestur í Banda-
ríkjunuin. Nýlega var maður-
inn á myndinni dæmdur í raf-
magnsstólinn og með honum
hvorki meira nje minna en 4
aðrir, allir fyrir morð og mann-
dráp. Einn af þeim fimm, sem
dæmdir voru, er náfrændi bóf-
ans alræmda, A1 Capones.
Bandamenn nálgast
svifsprengju-
svæðið
London í gærkveldi:
Herir bandamanna nálgastl
nú mjög svæði það, sem Þjóð-
verjar hafa svifsprengjubæki-,
stöðvar sínar á, og hafa nokkr
ar slíkar stöðvar verið teknar,
]>æði hálf- og fullgerðar.
Herfræðirigar telja, að Þjóði
verjar muni leggja mikla á-
herslu á að verja svifsprengju
stöðvasvæðin í Calaishjeraði,
en sumir halda því fram, að
þeir hafi þegar komið upp all-
miklum stöðvum bæði í IIol-
landi og Belgíu.
1 morgun og seinni partinn
í dag var skotið allmörgumi
svipsprengjum á London og
nærliggjandi hjeruð.
— Reuter.
Norðmehn stela
vopnum
STOKKHÓLMI:— Leit lög-
reglunnar að þrem Norðmönn-
um, sem stálu vopnum úr
vopnabúri heimavarnarliðsins
sænska, bar þann árangur, að
þeir náðust í Arvika. Líklegt
er talið að þeir hafi ætlað að
smygla vopnunum til Noregs.
Þrengist um Þjóð-
verjn nuston Signu
London í gær. Einkaskeyti til Morgunblaðsins
frá Reuter.
Herir Bandaríkjamanna eru komnir að ánni Marne,
þar sem Þjóðverjar voru stöðvaðir í sókn sinni árið 1914,
og yfir hana að minnsta kosti á einum stað. Er nú alt
svæðið milli Signufljóts og Marne á valdi bandamanna
og var mótspyrna Þjóðverja víðasthvar lítil. Hörfuðu
sveitir þeirra hrátt undan austur yfir Marne.
Fyrir norðan París eru enn nokkrar sveitir Þjóð-
verja eftir vestan Signu. Allmikið af liði kemst stöðugt
yfir, en litlu af hergögnum er haldið að þeir fái náð með
sjer yfir fljótið. Eru Þjóðverjar nú að sögn vestan fljóts-
ins í þrem flokkum.
Þrjár Rúmenskar
borgir falla
London í gærkveldi.
Einkaskeyti til Morgunblaðsins
frá Reuter.
í MOSKVA voru í kvöld út-
gefnar tvær dagskipanir af
Stalin, og var í hinni fyrri til-
kynt, að Rússar hefðu tekið
borgina Braila, beint suður af
Galatz, en hin síðari var um
það, að tekinn hefði verið
hafnarbærinn Sulina við Dón-
árósa og einnig bærinn Tulcea
miðja vegu milli Sulina og
Braila.
Komnir yfir Dóná.
Rússar eru komnir yfir
Dóná, þar sem borgin Tulcea
stendur sunnan fljótsins, og
annarsstaðar í Rúmeníu hafa
Rússar einnig sótt fram. Þá
kveðast Rússar nú hafa yfir-
bugað þýskar hersveitir, sem
innikróaðar voru austar.
Ástandið í Rúmeníu.
Fregnir eru enn mjög óljós-
ar um ástandið í Rúmeníu. —
Þýska frjettastofan segir enn í
kvöld, að sumt af rúmenska
hernum berjist með Rússum,
en aðrar hersveitir með Þjóð-
verjum, og kveðast Þjóðverjar
nú hafa umkringt höfuðborg-
ina, Bukarest og ráðist rú-
menskar hersveitir þar á Þjóð-
verja.
Verða máske „samherjar“.
Fregnritarar bandamanna
segja, að líklegt sje að Rú-
menar verði samherjar banda-
manna, eins og Italir urðu, er
þeir gáfust upp. Þá segja þeir,
að Rúmenar muni fá Transyl-
vaniu aftur og jafnvel meiri
fríðindi.
Barist fyrir austan Varsjá.
Allan daginn hafa flugvjelar
bandamanna og stórskotalið
hamast á liðinu þýska fyrir
austan Signu, brúm þeim, er
það hefir reynt að byggja yfir
ána og bátum, sem hermenn-
irnir hafa freistað að komast yf
ir á. — Hersveitir Þjóðverja
munu nú vera í þrennu lagi
austan Signu og eru þær sem
eru rjett fyrir norðan Rouen,
sagðar mannflestar. Hafa bak-
sveitir þeirra haldið uppi hörð
um vörnum.
Engin merki um vöm.
Flugvjelar bandamanna hafa
í dag gert árásir á stöðvar Þjóð
verja og samgöngukerfi austan
Signu og alt austur að landa-
mærum Þýskalands sjálfs. Hafa
flugmennirnir á þessum löngu
flugferðum sínum engin merki
sjeð um það, að Þjóðverjar
hefðu í hyggju að verjast. Sum
ir telja að Sigfriedlínan verði
næsta varnarstöð Þjóðverja, en
aðrir ætla að þeir muni verjast
við ána Somme, þar sem mikið
var barist í heimsstyrjöldinni
fyrri. ,
Chateau-Thierry fallin.
Sveitir bandamanna, sem
komnar eru austur yfir Marne,
hafa tekið þar bæinn Chateau-
Thierry, sá bær er frægur úr
fyrri heimsstyrjöld, meðal ann
ars fyrir það, að þar brutu
Bandaríkjamenn á bak aftur
síðustu stórsókn Þjóðverja. Það
var í marsmánuði árið 1918 og
urðu þar grimmilegar orustur
með miklu mannfalli af hvor-
umtveggjum.
Brook var á Ítalíu
London í gærkveldi: —
SIR ALAN BROOK, yfir-
maður breska herforingjaráðs-
ins er nýkomin heim til Bret-
lands frá Ítalíu. Sat hann þar
fundi með hershöfðingjunum
Alexander og Sir Maitland
Wilson. —Reuter.