Morgunblaðið - 15.04.1954, Blaðsíða 1

16 síður og
Lesbók
41, árgangur.
89. tbl. — Fimmtudagur 15. apríl 1954
Prentsmiðja Mergunblaðsins
Frá ríkisráðsfundi í oær
■ «
Þessi mynd var tekin í gær á ríkisráðsfundi af handhöfum forsetavalds og ríkisstjórninni. Var
þar m. a. gefið út bréf um þinglausnir og enn'remur var Skúli Guðmundsson, alþm., skipaður
fjármálaráðherra í stað Eysteins Jónssonar, sem tekur sér frí frá störfum í nokkra mánuði vegna
veikinda. — Hægra megin á myndinni eru handhafar forsetavalds. Fremstur Árni Tryggvason,
forseti hæstaréttar, þá Jörundur Brynjólfsson, forseti Sameinaðs þings og Ólafur Thors, forsætis-
.ráðherra. Innstur situr Birgir Thorlacius ríkisráðsritari. Til vinstri á myndinni eru ráðherrarnir
Steingrímur Steinþórsson (fremstur), Ingólfur Jónrson, Skúli Guðmundsson, dr. Kristinn Guðmunds-
son og Bjarni Benediktsson. (Ljósm.: P. Thomsen).
Þingslit í gærdag
Stnrfi Alþingis hefur mótuzt ufi
stórhug og bjurtsýni ú þjóðinni
IGÆR FÓRU fram þingslit á Alþingi. Var fundur í Sameinuðu'*'
Alþingi og gaf forseti Jörundur Brynjólfsson yfirlit um störf
þessa þings er staðið hefur yfir frá 1. okt. til 18. desember 1953
og síðan frá 5. febr. til 14. apríl þessa árs eða alls 148 daga. Þing-
fundir urðu alls 239 í deildum og Sameinuðu þingi. Alls voru
lögð fram 154 lagafrumvörp, 78 þeirra urðu að lögum.
STARFSAMT ÞING ^
Þing þetta hefur verið mjög
starfsamt. Það hefur sam-
þykkt mörg þau mál, er bæta
munu hag almennings og þjóð
félagsins í heild á ókomnum
árum. Frumvörp þau, er ríkis
liti, hefir Alþingi haft mörg mál
til meðferðar að þessu'sinni.
All mörg þeirra frumvarpa, er
afgreiðslu hafa hlotið og að lög-
um orðið, eru þýðingarmikil og
merkileg og taka til hagsmuna
stjórnin undir forystu Ólafs j fjölmargra þegna þjóðarinnar,
Thors hefur lagt fyrir þingið,
eru hvert öðru stærra, og miða
hvert öðru frekar að bættum
lífsskilyrðum og lífsafkomu
einstaklinga um land allt.
Minntist forseti Sam. þings
nokkurra þessara stórmála í
ræðu sinni er fer hér á eftir.
STARF ÞINGSINS
Forseti gaf nákvæmt yfirlit
yfir störf þingsins. Af frumvörp
unum sem lögð voru fyrir þingið
voru 51 stjórnarfrumvarp, af
þeim urðu 43 að lögum. Þing-
menn báru fram 103 frumvörp og
urðu 35 þeirra að lögum. Felld
voru 3 frumvörp, 4 voru afgreidd
með rökstuddri dagskrá, 2 var
vísað til ríkisstjórnarinnar og 67
urðu ekki útrædd.
Alls voru á þinginu bornar
fram 46 þingsályktunartillögur,
18 þeirra voru samþykktar sem
ályktanir Alþingis, 1 sem ályktun
Neðri deildar, 2 voru felldar og
25 urðu ekki útræddar. Allar fyr-
irspurnir, 10 að tölu, voru rædd-
ar. Mál er komu til meðferðar
á þinginu voru 210 og tala prent-
aðra þingskjala var 881.
RÆÐA FORSETANS
Síðan fórust forseta Sameinaðs
þings orð á þessa leið:
Eins og sjá má á þessu yfir-
nú þegar sum þeirra, en önnur
marka stefnur í framtíðinni, er
jtuðla rnunu að bættum og betri
ojóðarhag. Vil ég nú stuttlega
víkja lítið eitt að störfum þings-
ins:
Sett hafa verið lög um réttindi
)g skyldur starfsmanna ríkisins.
Er með þessari löggjöf loks kom-
:ð á nýrri og fastari skipan um
Framh. á bls. 2
Skúli Guðmundsson
Ijá rmá laráðherra
í veikindaforföllum
Eysfeins Jónssonar
EYSTEINN Jónsson, ráðherra,
mun verða frá störfum um nokk-
urra mánaða skeið sakir sjúk-
leika. A ríkisráðsfundi í dag var
Skúli Guðmundsson, alþingism.,
skipaður til þess að gegna störf-
um fjármálaráðherra í forföllum
Eysteins Jónssonar.
A sama fundi var forsætisráð-
herra veitt umboð til þess að slíta
Alþingi, er það hefur lokið störf-
um að þessu sinni.
(Frétt frá ríkisráðsritara).
Bevan klýfur brezka
venkamannaflokkinn
LONDON, 14. apríl. — Einkaskeyti frá Reuter.
ALVARLEGUR klofningur í Verkamannaflokknum kom opinber-
lega í ljós í dag, þegar Aneurin Bevan lýsti því yfir að hann
gæti ekki stutt utanríkismálastefnu meirihluta flokksins. Skýrði
hann frá því að í samræmi við þetta hefði hann sagt sig úr for-
ustuliði flokksins.
Agreiningurinn er fólginn í
því að Bevan er mótfallinn Ev-
rópuher með þátttöku Þjóðverja
og stofnun öryggisbandalags
Austur-Asíu. |
HINN ÓRÓLEGI
í yfirlýsingu sinni sagði hann'
að sér þætti það leitt að sam-j
heldni flokksins væri hætt með
þessum aðgerðum. Þrátt fyrir
þetta sagðist hann mundu styðja
flokkinn í öðrum málefnum. —
Annars hefur hann jafnan verið
talinn hinn órólegi meðlimui
flokksins og má minna á það að
árið 1951 sagði hann sig úr ríkis-
stjórn vegna þess að hann var
mótfallinn hernaðaraðstoð frá
Bandaríkj unum.
Indó-Kína er íremsta
varnarlína gegn kommum
Miöar áfram með slofnun bandalags.
PARIS, 14. apríl. — Einkaskeyti frá Reuter.
ÞAÐ VAR tilkynnt í dag, að franska stjórnin myndi athuga
möguleikana á myndun öryggisbandalags Suðaustur Asíu. Var
þeta tilkynnt skömmu eftir að Dulles utanríkisráðherra Banda-
ríkjanna átti viðræður við franska stjórnmálamenn.
FREMSTA VARNARLÍNA
í tilkynningunni er sérstaklega
vikið að Indó-Kína. Segir þar að
í Indó-Kína sé nú barizt um sjálf-
stæði þriggja smáríkja, sem
verða fyrir ásókn frá ofbeldis-
stefnu kommúnista. Baráttan
snýst þó ekki aðeins um það,
heldur hefur hún mikla þýðingu
fyrir allar frjálsar þjóðir. Því
að Indó-Kína er aðeins fremsta
varnarlínan. Ef hún félli fyrir
ásókn kommúnista, er það ljóst
að önnur lönd myndu fljótlega
fylgja á eftir.
Nú virðist miða allvel áfram
með stofnun hins umrædda
öryggisbandalags. Sendiherr-
ar Bandaríkjanna í Nýja Sjá-
landi, Ástralíu, Filippseyjum
og Síam hafa gert ríkisstjórn
um þessara landa ítarlegri
grein fyrir tillögum Dulles,
sem eru í því fólgnar að ríki
þessi sameinist um að aðvara
kínverska kommúnista við
íhlutun í mál Indó-Kina og
standa að sameiginlegum
gagnráðstöfunum ,ef komm-
únistar hlíta ekki varnaðar-
orðunum.
Formannaráðstefna Sjálfstæðis-
ffokksins í R.-vík Z8. og Z9. maí
SKIPULAGSNEFND Sjálfstæðisflokksins hefur í samraði við
miðstjórn og þingmenn flokksins, ákveðið að efna til ráðstefnu
með formönnum allra Sjálfstæðisfélaga, héraðsnefnda og fjórðungs-
sambanda innan flokksins. — Formannaráðstefnan verður haldin
í Reykjavík dagana 28. og 29. maí n. k. og verður ráðstefnan sett
í Sjálfstæðishúsinu föstudaginn 28. maí kl. 1 e. h.
SKIPULAGSMÁL
FLOKKSINS
Verkefni formannaráðstefn-
unnar er að ræða skipulagsmál
flokksins og einstaka þætti flokks
starfseminnar og er það mjög
mikilvægt fyrir allt skipulag
flokksins, að sem flestir forustu-
menn hans víðsvegar að af land-
inu eigi þess kost að koma sam-
an til viðræðna við flokksstjórn-
ina um ráð og leiðir til eflingar
flokksstarfseminnar og til þess að
samræma sem bezt alla starfs-
hætti flokksins.
Var í þessu skyni efnt til for-
mannaráðstefnu vorið 1952, sem
tókst með ágætum og var þá á-
kveðið að slíkar ráðstefnur
skyldu framvegis haldnar þau ár,
sem landsfundur er ekki hald-
inn.
SJÁLFSTÆÐISFLOKKURINN
25 ÁRA
Sjálfstæðisflokkurinn á 25 ára
afmæli um það leyti, sem ráð-
stefnan verður haldin og mun
þessara merku tímamóta í sögu
flokksins verða minnzt í sam-
bandi við ráðstefnuna.
| Skipulagsnefnd flokksins legg-
I ur á það mikla áherzlu að for-
I menn sem flestra flokksfélaga
| mæti á ráðstefnunni, en hafi
formaður ekki aðstöðu til að
korna sjálfur er þess óskað að
einhver annar af forustumönnum
viðkomandi félags mæti í hans
stað.
| Tilkynningar um þátttöku
óskast sendar flokksskrifstofunni
í Reykjavík, sem fyrst og bar
verða gefnar nánari upplýsingar
um tilhögun ráðstefnunnar.
Kemst upp um njésnahring
r
kommúnista í Ásfralíu
Rússneskur sendisveifarritari flýr.
CANBERRA, 15. apríl.
ASTRALSKA þingið ákvað að setja á fót sérstaka rannsóknar-
nefnd til að rannsaka uppljóstra'nir hins rússneska sendiráðs-
ritara Petrovs um víðtækar njósnir Rússa í Ástralíu.
MIKLAR UPPLÝSINGAR
Þetta mál hefur vakið mjög
mikla athygli í Ástralíu og búast
menn við að fjöldi kommúnista
verði handtekinn í sambandi við
það, því að Petrov hefur boðizt
til að gefa lögreglunni allar upp-
lýsingar um hinn víðtæka njósna
hring kommúnista.
NJÓSNAHRINGUR
í SA-ASÍU
Fyrstu athuganir áströlsku
lögreglunnar hafa einnig leitt í
ljós að njósnahringur kommún-
ista í Ástralíu hefur náið sam-
band og samstarf við flokka
kommúnista í löndum Suð-aust-
ur Asíu.