Morgunblaðið - 26.01.1955, Blaðsíða 16

í
Veðurúili! í dag:
Stinningskaldi SV. — Skúra- og
éljaveður.
20. tbl. — Miðvikudagur 26. janúar 1955
Hvalveiðar
Sjá grein á blaðsíðu 9.
ísland ferðamannaland:
Rcmnhæfar aðgerðir nú-
þegar eða hætta við allt
Ferðainálafélagið ræðir um ófremdar-
ástandið. sem í málum þessuin ríkir
STJÓRN Ferðamálafélags íslands, sem átt hefur viðræður við
fjölda aðila um ferðamannamál, m. a .ráðherra í ríkisstjórn,
joeð tilliti til þess að gera ísland að ferðamannalandi, skýrði blaða-
mönnum frá því í gær, að nú væri svo komið, að dómi félagsins,
að hið opinbera ætti nú um tvennt að velja: Hætta nú þegar allri
landkynningarstarfsemi, eða snúa sér án tafar að því að bæta úr
l>ví ófremdarástandi, sem nú ríkir í málum þessum.
Ferðamálafélagið var stofnað mánuði ársins, heldur allan ársins
fyrir rúmu ári, með aðild þeirra
^tofnana og félagssamtaka er sér-
jstaklega eiga hagsmuna að gæta.
F,r formaður stjórnarinnar Agnar
Kofoed-Hansen flugmálastjóri og
Jiafði hann einkum orð fyrir
.stjórninni á fundi með blaða-
suönnum í gær.
HÓTELBYGGINGAR
AÐALATRIÐIÐ
Ferðamálafélagið telur land-
kynningarstarfsemina fyrst
komna til, þegar svo hefur verið
írá öllu gengið hér hjá okkur,
að hægt er að taka á móti ferða-
mönnum kinnroðalaust. — Þar
skiptir það höfuðmáli að byggja
verður hótel. Telur stjórnin, að
tvö 50—60 manna hótel hér í
Reykjavík myndu stórlega bæta
■ástandið. Þó notazt hafi verið við
Stúdentagarðana á sumrin, þá
beri að skoða það sem algjöra
neyðarráðstöfun, enda eru þeir
um margt mjög óhentugir.
F.KKERT BYGGT
SÍÐAN 1930
Hér í Reykjavík hefur ekkert
hótel verið byggt frá því á árinu
1930. En stjórnin staðfesti, að
vestur á Ránargötu sé verið að
hyggja íbúðarhús, sem hægt sé
„að breyta með einu átaki“ í
gistihús, en gisthúsbyggingar eru
háðar fjárfestingarleyfi.
Hafa yfirvöldin ekki gefið leyfi
fyrir byggingu hótels hér í
Reykjavík, sem árlega hefur ver-1
ið sótt um í nokkur undanfarin
ár, og bæjaryfirvöldin hafa út-
hlutað lóð fyrir.
GJALDEYRISTEKJUR OG
FERÐAMANNAGJALDEYRIR
Þá benti formaður Ferðamála-
íélagsins á, að sá milljóna gjald-
eyrisgróði, sem hið opinbera hafi
gert áætlanir um árið 1953,
9 millj. hafi orðið samkv. tölum
Hagstofunnar 1,2 millj. — Telur
stjórnin þetta stafa m. a. af því
að sá gjaldeyrir, sem erlendir
ferðamenn koma með til landsins,
Komi ekki í bankana, heldur í
hendur svartamarkaðsbraskara,
sem bjóði miklu hærra en bank-
arnir vilja gefa fyrir hinn erlenda
gjaldeyri.
Hefur stjórnin rætt við for-
ráðamenn bankanna um þetta
mál, og nauðsyn þess að taka
hér upp ferðamannakrónur, þ. e.
a. s. greiða erlendum ferðamönn-
um 25% hærra verð, en hið
skráða gengi segir til um.
MIKLIR MÖGULEIKAR
Agnar Kofoed-Hansen benti á
hvílíka möguleika við hefðum til
þess að gera ísland að ferða-
mannalandi, fyrir Evrópumenn
og Bandaríkjamenn, sem t. d.
gætu haft hér eins eða tveggja
daga viðdvöl á skemmtiferð til
Evrópulanda, með þeim flugvéla-
kosti, sem flugfélögin ráða nú
yfir. Gjaldeyristekjur þjóðarinn-
ar af ferðamönnum gætu orðið
gífurlegar, og að því bera að
stefna. — ísland á ekki aðeins
að vera ferðamannaland nokkra
hring. Þar hafa hveravatnsböðin
og hveraleirinn merkilegu hlut-
verki að gegna. Hér eru mögu-
leikar til þess að veita þúsund-
um gigtarsjúklinga heilsusamleg
vatns og leirböð.
©
Á bls. 2 er gerð nánari grein
fyrir tillögum og athugunum
Ferðamálcifélagsins.
Alþingi kvat! saman
Frá
forsætisráðuneytinu:
Fo R S E TI íslands hefur
með bréfi, útgefnu í gær,
kvatt Alþingi til framhalds
funda föstudaginn 4. febrú-
ar n.k. ki. 13.30.
Hákarls- og brennivinslausl
þorrablói á Paireksfirði
KVENFÉLAGIÐ Sif á Patreksfirði hélt síðastliðið laugardags-
kvöld hið árlega þorrablót félagsins. Var það haldið að Skjald-
borg, samkomuhúsi kaupstaðarins, og var þar allmikið fjölmenni
saman komið. Voru þar góð skemmtiatriði, og fór samkoman hið
ánægjulegasta fram, þrátt fyrir að allar þær vistir, er pantaðar
voru til hófsins, kæmu ekki í tæka tíð.
NýiS mé&nas'sýkiskast
KOMMÚNISTABLAÐÍÐ sagði frá því i gær með miklum
hneykslunartón að fáeinir bandarískir menn úr varnar-
liðinu á Keflavíkurflugvelli hefðu komið inn til Reykjavíkur
til þess að skoða m. a. listasafn Einars Jónssonar, Þjóðminja-
safnið, listasafn rikisins og sjá leiksýningu í Þjóðleikhús-
inu o. fl.
Móðursýkisæði kommúnistablaðsins út af þessu hlýtur að
vekja þá spurningu hvort blaðamenn þess séu nú komnir
nálægt sturlun, eða að minnsta kosti allmikið truflaðir. Því
að blaðið virðist álíta að íslenzkri menningu sé búinn stór-
vægiiegur háski ef fáeinir bandarískir menn fái að kynnast
henni.
Að lokum leggur blaðið fram spurningu, sem virðist í
þess augum mjög afdrifamikil. Það spyr hver hafi framið
þá óhæfu að vera leiðsögumenn bandarísku mannanna á ís-
lenzkum söfnum, hvort það hafi verið Bjarni Benediktsson
dómsmálaráðherra eða dr. Kristinn Guðmundsson utanríkis-
ráðherra. Þessu er aðeins því til að svara að því er Mbl.
hefur fregnað, að helzti leiðsögumaður bandarísku starfs-
mannanna var Björn Th. Björnsson, listfræðingur, fulltrúi
kommúnista í útvarpsráði.
• © • • •
f þcssu sambandi rifjast það upp, að kommúnistablaðið
hefur oft komið fram með spurningar um það hverjir gefi
út hér á landi hin hvimleiðu sorpblöð. Það er nú að koma
í ljós að margir útgefendur þeirra standa ekki fjarri hinum
sjálfskipuðu siðferðispostulum kommúnistablaðsins.
HAKARLINN VEÐURTEPPTUR
Mjög höfðu konurnar vandað
til þorrablótsins, svo sem að
venju. Höfðu þær meðal annars
pantað hangikjöt frá Akureyri og
hákarl frá Reykjavík. Hangikjöt-
ið kom flugleiðis frá Akureyri
í tæka tíð en verr tókst til með
hákarlinn. Gerði hið versta veð-
ur er flugvélin sem flutti hann
kom til P&treksfjarðar og gat hún
ekki lent. Gerði hún tvær til-
raunir til að lenda en það tókst
ekki. Þá ætlaði áhöfn hennar að
freista þess að varpa hákarlin-
um niður í þorpið, en þar sem
veður var svo hvasst, að augljóst
mál var að hann myndi fjúka á
sjó út var horfið frá því ráði.
Snéri flugvélin því suður með
veizlumatinn innanborðs.
SNÚIÐ VID MEÐ BRENNI-
VÍNID
Ekki tókst betur til með áfeng-
ið. Það var pantað frá Reykja-
vík, og átti að koma með m. b.
Hugrúnu. Báturinn hreppti
versta veður í hafi, og varð að
snúa til sama lands eftir nokk-
urra klst. stím. Þótti nú kven-1
félagskonum óvænkast hagur
sinn sem vonlegt var, en ákváðu
þó að fresta ekki blótinu.
FLUTT ÚR VERKUM
DAVÍÐS STEFÁNSSONAR
Þó þessar miður skemmtilegu
fréttir bærust fljótlega út um
kaupstaðinn, að þorrablótið yrði
haldið án nákarls og brennivíns,
fjölmenntu þorpsbúar á samkom-
una allt að einu. Voru þar mörg
skemmtiatriði og undi fólk sér
hið bezta. Var dagskráin að
nokkru leyti helguð Davíð
Stefánssyni skáldi. Las prófast-
urinn, séra Einar Sturluson kafla
úr „Gullna hliðinu" og skólastjóri
barnaskólans las upp kvæði eftir
Davíð, og einnig ljóð eftir Jón
úr Vör, en hann er ættaður úr
Patreksfirði. Þá voru ávörp flutt
cg að síðustu stiginn dans fram
eftir nóttu Þótti vel rætast úr
hátíðahöldunum, þrátt fyrir
hákarls- og brenniv>'nsskortinn.
—Fréttaritari.
Stúdcntor fró HA og MB
keppo í mælsknsnílli
STÚDENTAFÉLAG REYKJAVÍKUR heldur kvöldvöku í Sjálf-
stæðishúsinu annað kvöld. Er dagskráin vel vönduð að venju,
en sérstök nýlunda er að því, að á kvöldvökunni fer fram keppni
í mælskulist milli stúdenta.
Ýmsar aðrar gildrur verða settar
fyrir keppendur, sem ekki skulu
hér upp taldar.
Stúdentar frá Menntaskólan-
um í Reykjavík og Menntaskól-
anum á Akureyri munu þarna
leiða saman hesta sína. Keppn-
inni stjórnar Einar Magnússon,
menntaskólakennari, en kepp-
endur verða: Andrés Björnsson,
cand. mag.; Barði Friðriksson,
hld.; Bjarni Guðmundsson, blaða-
fulltrúi; Björn Th. Björnsson,
listfræðingur; Jón P. Emils, hdl.
og Magnús Jónsson, alþingismað-
ur. Dómendur verða Einar Ólaf-
ur Sveinsson, prófessor, dr. phil.,
og doktor Halldór Halldórsson,
dósent.
2 MÍN. RÆÐUR
Keppendur verða að halda tvær
tveggja mínútna ræður um efni,
sem þeir ekki vita hvert er, fyrr
en þeir skulu hefja mál sitt. Ekki
mega þeir hika um of í ræðum
sínum eða endurtaka sig, enda
munu þeir hljóta þar fyrir víti.
FulHrúar hlands í
.Norðuriandaráði
lamlr ufan
‘ FULLTRÚAR íslands á fundl
1 Norðurlandaráðsins, sem hefst i
Stokkhólmi á föstudaginn 28.
þ. m. fara utan með Eddu, milli-
landaflugvél Loftleiða í dag. Eru
það þeir Sigurður Bjarnason,
Gísli Jónsson, Emil Jónsson, Ás-
geir Bjarnason og Páll Zóphón-
íasson, er fer vegna forfalla Bern-
harðs Stefánssonar. Ritari ís-
lenzku sendinefndarinnar er Jón
Sigurðsson skrifstofustjóri Al-
þingis.
IJtgáfa að hef jast á
norrænnm þingtíðindnm
Koma 1 fyrsta skipti út á morgun
FYRIR forgöngu Norðurlandaráðsins er nú að hefjast útgáfa á
samnorrænum þingtíðindum. Verða í þeim fréttir af því, sem
gerist í öllum fimm þjóðþingum Norðurlanda. Er Finnland þannig
með í þessari útgáfustarfsemi, enda þótt það sé ekki meðlimur í
Norðurlandaráðinu. — Þingtíðindin bera titilinn „Nordisk Kontakt“
og verða prentuð í Stokkhólmi. Kemur fyrsta héfti þeirra út daginn
áður en fundir Norðurlandaráðsins hefjast, þ. e. á morgun. Eru
ritstjórar þingtíðindanna fimm, einn frá hverri þjóð. Henrik Sv.
Bjömsson forsetaritari er ritstjóri þeirra af hálfu íslands.
Frá skírnarathöfninni á jólatrésskemmtuninni.
SKIPTING KOSTNAÐAR
Gert er ráð fyrir að þingtíð-
indi þessi komi út hálfsmánað-
arlega þegar þjóðþingin standa
yfir. Kostnaður við útgáfuna
skiptist þannig, að Svíar greiða
35% hennar, Danir, Norðmenn og
Finnar 20% hver og íslendingar
5%. Heildarkostnaður útgáfunn-
ar er áætlaður rúmlega 113 þús.
[ sænskar krónur fyrsta útgáfu-
árið.
Tilgangurinn með þessari út-
gáfu er að veita öllum, sem vilja
fylgjast með löggjafarstarfi á
Norðurlöndum og efnahagslegum
og pólitiskum hræringum meðal
þjóða þeirra, bætta aðstöðu til
þess.
SEYÐISFIRBI. — Iívenfélögin
hér á Seyðisfirði héldu 4.
jan. s.I. hina árlegu jólatrés-
skemmtun sína fyrir öil börn
bæjarins og foreldra þeirra. I
samkomubyrjun skírði sóknar-
presturinn, sr. Erlendur Sig-
mundsson, fjögur börn sömu for-
eldra að viðstöddum öllum jóla-
trésgestum. Var skírnarathöfnin
hin virðulegasta og áreiðanlega
hin fjölmennasta, sem fram hef-
ur farið hér í bænum. Slík athöfn
á jólatrés-samkomu mun hafa átt
sér stað um skeið í Neskaupstað
1 og ef til vill víðar á Iandinu.
, Þessar jólatréssamkomur hér á
Seyðisfirði eru áreiðanlega hálfr-
ar aldar gamlar og einstakar i
sinni röð að því leyti, að þangað
er boðið öllum börnum bæjarins
og foreldrum þeirra. Hafa þær
því bæði verið hinar fjölmenn-
ustu og hjartfólgnustu skemmt-
anir, sem hér hafa verið haldnar.
Hafa kvenfélög bæjarins af þeim
bæði heiður og sóma. — B. J.
1