Morgunblaðið - 13.04.1955, Blaðsíða 16
82. tbl. — Miðvikudagur 13. apríí 1955
1 'r. n
Ufvegsbankinn gefur hálfa
miUjón kr, fil rannsókna í
þágu sjávarúfvegsins
Minntist i gær 25 ára afmælis sins j
I
T TTVEGSBANKI íslands minntist í gær 25 ára starfsafmælis
vJ síns. Af því tilefni hafði stjórn bankans boð inni fyrir
nokkra gesti í Þjóðleikhúskjallaranum um hádegið. Sátu það meðal
annara forsetahjónin, ráðherrar, forsetar Alþingis og ýmsir for-
■vígismenn bankamála þjóðarinnar.
Stefán Jóhann Stefánsson, formaður bankaráðs Útvegsbank-
ans, stjórnaði þessu hófi og bauð gesti velkomna. í ávarpi, sem
lann flutti þakkaði hann fyrir bankans hönd þeim mörgu aðilum,
sem hefðu stutt hann á liðnum árum. Nefndi hann þar til Alþingi
<tg ríkisstjórn og ennfremur þakkaði hann öðrum bönkum í land-
inu ánægjulega samvinnu. Þá þakkaði hann fulltrúum atvinnuveg- :
anna, sjávarútvegs, landbúnaðar, verzlunar og siglinga fyrir góð
viðskipti mikils fjölda manna við bankann.
VEGLEGAR GJAFIR ^
Þá afhenti Stefán Jóhann
Stefánsson forseta íslands fagr-
an krystalsvasa sem gjöf frá
bankanum fyrir vel unnin störf
í þágu hans.
Þá lýsti formaður bankaráðs-
ins því yfir, að Útvegsbankinn
vildi minnast sjávarútvegs ís-
lendinga með því að gefa hálfa
milljón króna til rannsókna í
þágu hans. Afhenti hann þessa
veglegu gjöf Gunnlaugi Briem
skrifstofustjóra atvinnumálaráðu
neytisins. Þá tilkynnti hann enn-
fremur að stjórn bankans hefði
ákveðið að stofna náms- og kynn
ingarferðasjóð starfsmanna hans
og gefa til þessa sjóðs kr. 200
þús. og skal sjóðnum varið til
styrktar ungu starfsfólki við nám
erlendis og einnig til styrktar
eldra starfsfólki til utanfarar. —
Einnig hefði bankinn ákveðið að
gefa 50 þús. kr. til dvalarheim-
i*is starfsmanna bankans.
Adolf Björnsson, formaður
Gtarfsmannafélags Útvegsbank-
ans, veitti þessum gjöfum mót-
töku og þakkaði þær.
'ÁVARP FORSETA ÍSLANDS
fl*G VIÐSKIPTAMÁLA-
RÁÐHERRA
Næst flutti forseti íslands, Ás-
geir Ásgeirsson, ávarp, minntist
þess tímabils er hann hefði starf-
«*ð í Útvegsbankanum og kvað
það hafa verið hið ánægjuleg-
a.sta. Ennfremur þakkaði hann
hina fögru gjöf bankans.
Þá flutti Ingólfur Jónsson við-
ekiptamálaráðherra, stutta ræðu.
Eæddi hann þátt íslandsbankans
og síðar Útvegsbankans í upp-
byggingu sjávarútvegsins. Út-
vegsbankinn hefði í upphafi ver-
ið veikur, hann væri nú tiltölu-
lega sterkur. Kvaðst ráðherrann
vona að bankinn gæti haldið á-
fram að stuðla að uppbyggingu
þjóðfélagsins. Flutti hann banka-
f-ijórninni árnaðaróskir ríkis-
etjórnarinnar.
Björgunartilraun-
um hætt í hili
VEGNA brims dag eftir dag aust-
ur á Meðallandssandi, hafa björg-
unartilraunir við brezka togarann
King Sol tafizt. Hefur nú tilraun-
um við að ná togaranum út verið
hætt í bili, enda smækkandi
straumur.
Lokið mun nauðsynlegum und-
irbúningi. T.d. er búið að koma
sverum vír milli skipsins og
akkeris, sem var látið falla í sjó-
inn út af ströndinni. Á því á tog-
arinn að draga sig sjálfan á flot.
— Það mun hafa verið á annan
í páskum, sem veður var hag-
stætt, og þá hefði verið hægt að
reyna að ná skipinu á flot, en þá
tók skyndilega að brima. Mikið
brim var þar eystra í gærdag.
Úr hádegisverði þeim, sem bankastjórn Útvegsöankans hafði í Þjóðleikhúsinu í gær. Stefáa
, Jóhann Stefánsson formaður bankaráðsins flytur ræðu. Tii hægri handar honum sitja forsetahjón-
in en til vinstri ráðherrarnir Bjarni Benedikis >on og Steingrímur Steinþórsson.
(Ljósm. V. Sigurgeirsson). I
Slys um borð
í Andanesi
Eyjabátar eiga
öll net í sjó
VESTMANNAEYJUM, 12. apríl.
— Hin árlega aflahrota um pásk-
ana hófst á laugardaginn og var
afli þá dágóður en misjafn, en á
annan í páskum var miklu fisk-
magni, eða rúmlega 1500 lestum
landað hér. — í dag er hér suð-
vestan ofsaveður og hafa bátar
ekki komizt í róður og á allur
flotinn net sín í sjó.
Menn munu reyna að vitja neta
sinna á morgun, því hætt er við
að þau skemmdist og eins verð-
ur fiskurinn miklu verðminni
þegar hann er orðinn þriggja
nátta. — En sjóveður virðist ekki
ætla að verða, þó nokkuð hafi
lygnt með kvöldinu. Hér er mik-
ið brim.
Á annan í páskum voru bát-
arnir almennt með góðan afla,
Bj. Guðm.
í í PASKAVIKUNNI vildi það slys
t.il um borð í togaranum Andanes,
þar sem hann lá í höfninni í
Grimsby, að gas myndaðist í há-
setaíbúð og varð það þrem mönn-
um að bana og níu veiktust.
I í fyrstu töldu menn að eldur
hefði komið upp í lúkarnum. Vakt
maðurinn um borð í togaranum
fór þangað niður, svo og vakt-
maður af öðru skipi og einn
slökkviliðsmaður. — Þessir þrír
menn biðu bana. Og sem fyrr
segir, veiktust níu menn aðrir og
voru það allt slökkviliðsmenn
Þeir voru fluttir í sjúkrahús. Það
sem olli gasmynduninni, var bil-
un í kyndistöð hásetaíbúðarinnar.
Skipstjóri á Andanesi er Páll
Aðalsteinsson. Hann var ekki um
borð í togaranum er þetta gerð-
ist. — Hann lét þegar breyta
kyndistöð togarans í það horf,
sem hún er í á íslenzku togurun-
um, en þeir eru með rafmagns
kyndingu.
iar
Varðskip b \arga r
fœreyskum kútter
HAFNARFIRÐI — Netjabátarnir
hafa aflað mjög vel upp á síð-
kastið. Eru nú langflestir bátanna
, á netjum, en þeir, sem enn eru
á línu, 4 eða 5, hafa ekki róið
síðan daginn fyrir skírdag, og
öfluðu þeir þá ágætlega. — Tog-
ararnir voru að smátínast inn
fyrir páska, en þeir hafa allir
verið á saltfiskveiðum. Voru afla-
brögð sæmileg hjá þeim. — G.E.
OFSAVEÐRI á Selvogsbanka
fyrrihluta dags í gær, hlekkt-
ist kútternum Skottaberg á, er
stýrið brotnaði.
Færeyzki togarinn Jóhannes
Patursson var á svipuðum slóð-
um, og fór hann kútternum til
aðstoðar. — Eftir nokkrar til-
raunir tókst að koma dráttarvír
uiilli skipanna, en hann slitnaði
tkðmmu síðar og hrakti kútter-
inn fyrir vindi og sjó, en þá var
fárviðri á Selvogsbanka. Kvaðst
skipstjórinn á færeyzka togar-
anum hafa nóg um að hugsa að
verja skip sitt áföllum, og gerði
ekki frekari tilraun til að koma
Færeyingunum til hjálpar. — Var
nú leitað til Landhelgisgæzlunn-
ar, sem sendi varðskipið Þór á
vettvang. Um klukkan þrjú höfðu
varðskipsmenn komið dráttar-
taugum yfir í kútterinn og var
lagt af stað áleiðis til Vestmanna-
eyja. Þangað var varðskipið
væntanlegt í gærkvöldi.
Mikill fiskur ti!
Siglufjarðar
SIGLUFIRÐI, 12. apríl: — Laug-
ardaginn fyrir páska, kom ms.
Ingvar Guðjónsson með 60 lestir
af fiski og hefur hann nú fengið
180 lestir. Ingvar Guðjónsson hóf
togveiðar 17. marz s.l., m.s Sig-
urður hefur landað hér og í Ólafs
firði um 145 lestum af fiski. Ms.
Súlan hefur landað hér í frysti-
hús ísafoldar um 115 lestum af
fiski. Hún byrjaði veiðar síðar
en þeir fyrrnefndu. — Guðjón.
UIW 20,000 BÖRN VERÐÁ
SPRAUTUÐ HÉR í VOR
• HEILBRIGÐISSTJORNIN
hefur úkveðið að kaupa þegar
í stað til landsins hið nýja
bóluefni gegn lömunarveiki,
sem skýrt var frá í heimsfrétt-
unum í gær.
• Sprautuð munu verða 20
þúsund börn á alJrinum 3—
15 ára eg er ráðgert að byrjað
verði hér í Reykjavík um
miðja næstu viku og mun
Heilsuverndarstöðin annast
Reykjavikurbörn, en úti á
landi tuunu héraðslæknarnir
sprauta börnin.
Minkur ræðsf inn í íbúðarfiús
og drepur fimm kefffinga
Varð að flýja af hólmi fyrir kefliingamóðurinni
SÁ ATBURÐUR gerðist fyrir nokkru síðan í Biskupstungum,
að minkur réðst inn í íbúðarhús og varð fimm litlum kettl-
ingum að bana og stórskaddaði móðurina, sem reyndi að verja af-
kvæmi sín upp á líf og dauða. Endaði þessi ægilegi bardagi með
því að minnkurinn flúði af hólmi.
FIMM DAGA GAMLIR
Þetta gerðist á heimili Hjalta
Jakobssonar garðyrkjustjóra að
Stóra-Fljóti í Biskupstungum að-
faranótt föstudagsins langa. —
Hafði fjölskylda hans búið um
læðuna í baðherberginu en
hún hafði eignazt kettl-
ingana fyrir fimm dögum. Glugg-
inn var þessa örlagaríku nótt
hafður opinn en upp í hann er
1.60 metrar. Enginn vaknaði við
átökin sem áttu sér stað í bað-
herberginu um nóttina, þótt
merkilegt megi virðast.
ÆGILEGT BLÓÐBAÐ
Þegar fólkið kom á fætur á
föstudagsmorguninn og farið
var að huga að kisu, var dapur-
leg aðkoma. Lá hún þá blæðandi
og sár yfir dánum kettlingum,
sem allir voru bitnir á barkann.
Sjálf var læðan rifin og klóruð
um allan skrokkinn. Á gólfinu
voru hár- og kjöttætlur á víð og
dreif, sem auðsjáanlega voru úr
minknum, en gólf og veggir at-
aðir blóði. Minkurinn var þó
hvergi sjáanlegur og talið víst ao
hann hafi orðið að hörfa undan
kisu, sem varizt hafði drengilega
fyrir lífi afkvæma sinna. Þótti
fólkinu í húsinu sem vonlegt var
þetta hinn hryggilegasti atburð-
ur.
í Biskupstungunum sérstak-
lega í námunda við gróðrarstöðv-
arnar, hefur orðið ískyggilega
mikið vart við mink upp á síð-
kastið. Telur fólk sig jafnvel ekki
öruggt fyrir þeim lengur, en það
er orðið algengt að þeir hvæsa
að því þar sem það rekst á þá
úti.
Dreng bjargað
frá drukknun
SIGLUFIRÐI, 12. apríl: — f gær
bjargaði Þórarinn Dúason hafn-
arvörður, ósyndum dreng, sem
féll í höfnina.
Drengurinn, sem heitir Ásgeir
Pétursson, var á reiðhjóli á hafn-
arbryggjunni, og féll hann á
hjólinu fram af bryggjunni. Þór-
arinn hafnarvörður var í skrif-
stofu sinni þar fyrir ofan bryggj-
una og sá þetta. — Brá hanm
skjótt við og hljóp fram á bryggj
una, en þar er bjarghringur. Hon-
um tókst að kasta hringnum í sjó-
inn svo nærri drengnum, sem
barðist um á hæl og hnakka ó-
syndur með öllu, og tókst honum
að ná í bjarghringinn og dró Þór-
arinn hann að bryggjunni og
náði honum upp á hana. —
Drengnum varð ekki meint af
volkinu, en hreinasta mildi var
að björgun hans skyldi takast
svona fljótt og vel. — Guðjón.
Skóli og kapella
vígt í Hnífsdal. Sjá bls. 9
Yeðurúllil í dag:
SV kaldi. Skúrir en bjart á miili.