Morgunblaðið - 16.05.1957, Qupperneq 8

8
MORCUNBT.AÐIÐ
Fimmtuðagur 16. maí 1957
ÞÆTTINUM hefur borizt bréf
frá frímerkjasafnara utan af
landi, þar sem segir svo:
„Ég hefi veitt athygli frímerkja
þætti þeim, er farinn er að koma
í „Morgunblaðinu“, og tel ég
þetta geta orðið mikill styrkur
fyrir frímerkjasöfnun hérlendis
og verður vonandi áframhald á
þessum þáttum. Fyrir mitt leyti
vildi ég gjarnan að þeir yrðu
vikulega eða að minnsta kosti
hálfsmánaðalega, og það jafnvel
allt árið. En þetta er nú ef til
vill til of mikils mælzt, svona til
að byrja með“.
Vér þökkum bréfið og eins og
getið var um, þegar farið var af
stað með þætti þessa um frí-
merki og söfnun þeirra, mun
verða reynt eftir beztu getu, að
hafa sem mesta fjölbreytni í
þeim, en varla geta þeir birzt
eins oft og bréfritarinn óskar
eftir, þótt nægjanlegt efni sé fyr-
ir hendi, jafnvel þótt vikulega
væri um frímerki skrifað.
Þá skal þess einnig getið hér,
að vegna fyrirspurnar utan af
landi, um það, hvort safnarar
búsettir þar gætu orðið félagar
í væntanlegum frímerkjaklúbb
sem stofna á í Reykjavík, þá telj-
um vér það mjög auðsótt mál,
m. a. vegna þess að því fleiri sem
félagar eru, þeim mun meiri ár-
angur af starfinu og fleiri tæki-
færi fyrir hina mörgu safnara að
skipta á frímerkjum sín á milli.
STIMPLUNARAFBRIGÐI
í Alþbl. 12. þ. m. var þess
getið með óþarflega stórri fyrir-
sögn, að það óhapp hefði viljað
til, að við stimplun nokkurra
umslaga sem á voru límd hin
nýju íslenzku Jöklamerki, er út
komu 8. þ. m., hefði þar til gjörð-
ur fyrstadagsstimpill verið rangt
stilltur, þannig að stimplað var
með dagsetningunni 7.V.1957, í
stað 8.V.1957, og að þessi stimpl-
un eigi eftir að verða afar verð-
mæt.
Það má vel vera, að til séu
einhverjir umslagasafnarar, sem
sækjast eftir slíku afbrigði, en
þeir eru ekki margir, vegna þess,
að þegar að er gætt, er og verður
slíkur stimpill sem um getur í
fréttinni ekkert sérstakt verð-
mæti, m.a. vegna þess, að alþjóða
frímerkjaverðlistar skrá ekki slík
stimpilafbrigði og er því ekki
hægt að ákveða neitt um verð-
mæti sliks umslags sem hér um
getur, og ennfremur hefur rang-
ur póststimpill ekki eins mikla
þýðingu fyrir safnara eins og t.
d. frímerki sem í finnst prent-
villa eða annað sem orsakar
verðhækkun merkisins. Svo ber
þess einnig að gæta, að engin
staðfesting er til á því hve mörg
umslög hafa verið stimpluð með
þessari umtöluðu dagsetningu.
Svipað fyrirbrigði sem þetta hef-
ur átt sér stað í erlendum póst-
stimplum og eru þeir ekki álitnir
neitt sérstakt verðmæti, heldur
aðeins skemmtileg tilviljun. Og
til þess að umslög með slíkum
stimpli eða frimerki með prent-
villu teljist sérstakt verðmæti
eða afar verðmæt, verður ekki
hjá því komizt að slíkt fáist skráð
og viðurkennt í alþjóðaverð-
skrám frímerkja.
Hins vegar er hægt að telja
frímerki verðmætt eins og t.d.
35 aura Heklu frímerkið, sem yf-
irprentað var með 5 AURAR,
tíðindi, að áætlun hefur verið
gjörð um frímerkjaútgáfur þær
er koma eiga á yfirstandandi ári.
Vér höfum fregnað að hið nýja
25 króna merki, sem ber myncj af
Bessastöðum, komi út í júní eða
júlímánuði og svo síðsumars
skógræktarmerki þau er áður var
'ÍSLAND
*JOK(.Aa-
iCELAND
Nýju jöklamerkin er út komu 8. maí, stimpluð á útgáfudegi.
og sú skekkja uppgötvaðist á
nokkrum örkum, að gleymzt
hafði að yfirprenta eitt merki í
hverri örk af 35 aura verðgildinu,
en slík afbrigði eru oftast skráð
í verðlista og þá oft talin mjög
verðmæt. (Sjá meðf. mynd).
ÍSLENZKAR
FRÍMERKJAÚTGÁFUR
Undanfarið hefur verið deilt á
íslenzku póststjórnina í einu af
dagblöðum bæjarins vegna prent-
unar og frágangs íslenzkra frí-
merkja síðari ára og má vel vera
að tilefni hafi verið til þessa,
en án þess að ræða þau mál hér,
má geta þess, að það er vanda-
samt verk að undirbúa útgáfu
nýrra frímerkja og þótt finna
hafi mátt sitthvað að prentun,
„centeringu“ og tökkun íslenzkra
merkja nú hin siðari ár, þá eru
auðvitað möguleikar á að gjöra
betur og það er án efa, hverri
stofnun sem um mál þessi fjalla,
kappsmál að merkin séu eins vel
gjörð og kostur er á og mætti
þar á minnast, að ef til vill gæti
verið rétt, að samkeppni væri við
höfð um teiknun og uppástungur
að íslenzkum frímerkjum. Annars
er það skoðun vor, að núverandi
póst- og símamálastjóri vilji og
óski eftir, að útgáfur frímerkja
vorra verði þannig úr garði gjörð-
ar að íslenzk merki megi verða
auglýsing fyrir ísland og þau
talin í fremsta flokki hvað falleg
„motiv“ snertir og svo auðvitað
að merkin séu vönduð að öllum
frágangi Litavali íslenzkra frí-
merkja sem út hafa verið gefin
á árunum eftir 1940 hefir verið
nokkuð ábótavant, einkum vegna
þess að litir hverrar útgáfu hafa
líkzt of mikið hver öðru, eins og
t.d. 60 aura rafvæðingarmerkið,
10 króna handritamerkið og nú
síðast 10 kr. jöklamerkið, sem
öll þrjú bera svo að segja sama
ljósbrúna litinn, en þetta er auð-
velt að bæta og verðúr sjálfsagt
gjört við nánari íhugun.
NÝ ÍSLENZK FRÍMERKI
Þá getum vér fært söfnurum þau

Prentvilla: Vantar yfirprentunina á 35 aur, á annað merkið.
getið hér í blaðinu. Ennfremur er
oss tjáð, að út verði gefið í nóvem
ber n.k., frímerki til minningar
um 150 ára afmæli þjóðskáldsins
Jónasar Hallgrímssonar og er það
vel þegar póststjórnin minnist
merkisafmæla stjórmenna þjóðar
vorrar á þennan hátt. Verðgildi
þessa afmælisfrímerkis verður í
hóf stillt, þannig að allir frí-
merkjasafnarar eiga auðvelt með
að eignast það, en slík merki
seljast ávallt fyrr upp heldur en
mörg önnur, og komast því fljót-
lega í sæmilegt verð.
DÖNSK FRÍMERKI
í dönskum blöðum hefír tölu-
vert verið rætt, og menn ekki
Teikning af nýju 60 aura dönsku
frímerki.
verið sammála, um fegurð
danskra frímerkja. Á það skal
ekki lagður dómur hér, en það
er álit margra safnara að ensk
og dönsk frímerki séu heldur ó-
smekkleg, svo að vægt sé að orði
komizt. En nú er í ráði að í byrj-
un næsta árs verði gefið út 60
aura danskt frímerki sem um leið
verði auglýsing fyrir hinn þekkta
danska „Ballett", og hafa birzt
myndir af tillögum um þetta
merki sem sýna að teiknaranum
H. Thelander, hefur tekizt vel og
verður þetta nýja frímerki mun
smekklegra en aðrar útgáfur
danskra merkja.
UNGIR SAFNARAR
Það hefir verið gjört að tillögu
við þann, er þennan þátt ritar,
hvort ekki væri hægt að hvetja
unglinga til söfnunar á frímerkj-
um, og að þeir um leið, með því
að eignast gott safn frímerkja,
gætu myndað sér sparisjóð, sem
þeim síðar gæti komið að gagni.
Þessu er til að svara, að imgling-
ur sem byrjar söfnun frímerkja
í dag, getur að nokkrum árum
liðnum verið búinn að ávaxta
peninga sína það vel, að betri
vextir fáist vart af þeim krónum
sem hann hefur lagt til hliðar til
kaupa á notuðum og ónotuðum
frímerkjum. Og væri ekki reyn-
andi fyrir kennara landsins að
hvetja börn og unglinga til söfn-
unar frímerkja, því að geymt frí-
merki er einnig græddur eyrir.
Þess skal getið, að sóknarprestur
hér á Suðurlandi, sem sjálfur á
töluvert safn, hjálpaði og leið-
beindi unglingum í sókn sinni til
byrjunar á söfnun frímerkja og
frétzt hefur að undraverður ár-
angur hafi náðst á tiltölulega
skömmum tíma og hafa hin ungu
sóknarbörn prestsins nú þegar
eignazt dágóð söfn, sem þau hafa
ánægju og gagn af.
Hér skal staðar numið að sinni
en á það skal aftur bent, að
þáttur þessi mun veita móttöku
til birtingar, aðsendum greinum
og bréfum sem fjalla um frí-
merki og frímerkjasöfnun.
— J. H.
Gufa fyrir hifaveifu Rvíkur
og Hafnarfjarðar frá Krísuvík
FEST hafa verið kaup á stór-
virkum jarðbor í Ameríku og er
hann ætlaður til að bora með
honum eftir gufu á jarðhita-
svæðum landsins.
Ríkissjóður og bæjarsjóður
Reykjavíkur kaupa borinn í
sameiningu.
Ríkisstjórn hefur haft slík bor-
kaup í undirbúningi undanfarin
ár og fjárveiting til þeirra var
á fjárlögum fyrir árið 1956 og
viðbótarfjárveiting er á- fjárlög-
um þessa árs. Bæjarstjórn Reykja
víkur hafði jafnframt haustið
1955 undirbúið borkaup með bor-
un vegna fyrirhugaðrar stækk-
unar Hitaveitu Reykjavíkur fyr-
ir augum. Á árinu 1956 gerðu
ríkið og bærinn með sér samn-
ing um að kaupa og reka borinn
í sameiningu og var skipuð nefnd
til að sjá um kaup og rekstur
hans. í nefndinni eiga sæti sem
fulltrúar ríkisins Jakob Gíslason,
raforkumálastjóri, og Þorbjörn
Sigurgeirsson framkvstj. Rann-
sóknaráðs ríkisins, og sem full-
trúar Reykjavíkurbæjar Árni
Snævarr, verkfræðingur, formað
ur hitaveitunefndar Reykjavík-
urbæjar, og Steingrímur Jónsson,
rafmagnsst j óri.
Bor sá, er nú hefur verið
keyptur, kostar um 6 milljón
krónur frá verksmiðju. Tekizt
hefur að fá sérstakt lán í Banda-
ríkjunum fyrir 80% af kaupverði
borsins til fimm ára með lágum
vöxtum.
Bor þessi er af nokkuð annarri
gerð, en jarðborar, sem notaðir
hafa verið hér á landi til þessa,
og miklum mun stærri og afkasta
meiri, en auk þess gerður með
þáð fyrir augum, að með honum
verði hægt að bora gegn tölu-
verðum gufuþrýstingi. Fyrst í
stað mun verða lögð áherzla á
að bora víðar holur, að minnsta
kosti 600 m. djúpar til gufu-
vinnslu, en jafnframt haft í huga
að- bora síðar allt að 1800 m.
djúpar holur í rannsóknaskyni
og til gufuvinnslu, ef þörf reyn-
ist.
Borinn mun væntanlega koma
hingað til landsins nú á miðju
sumri og þá verður hafin borun
eftir gufu til viðbótar hitaveitu
fyrir Reykjavík og Hafnarfjörð.
Yerður sú borun væntanlega á
Krísuvíkursvæðinu, en af öðr-
um gufusvæðum, sem borun er
fyrirhuguð á, má sérstaklega
nefna Námafjall við Mývatn,
Hveragerði, Hengilsvæðið og
Reykjanes.
AMMAN, 4. maí. — Útvarpið
í Amrnan hefir ráðizt harka-
lega á vinstri sinnuð biöð og
útvarpsstöðvar í öðrum Araba
ríkjum fyrir áróður gegn
stjórn Jórdaníu og árásir á
Hussein konung. — Sagði út-
varpið, að gleðilegt væri, að
konungi skyldi hafa tekizt
að hindra fyrirætlanir komm-
únista í Jórdaníu, en því mið-
ur hefði þeim orðið meira á-
gengt í sumum hinna Araba-
landanna.
Húseigendafélagið mœlir
gegn stóreignaskatts-
frumvarpinu
FRAMHALDSAÐALFUNDUR var haldinn í Fasteignaeigenda-
félagi Reykjavíkur s.l. þriðjudagskvöld. Formaður félagsins,
Hjörtur Hjartarson setti fundinn. Fundarstjóri var Þorsteinn Bern-
hardsson og fundarritari Sigurjón Einarsson. — Lokaatkvæða-
greiðsla fór fram um nokkrar breytingar á lögum félagsins. Sam-
þykkt var m. a. sú breyting, að félagið heitir framvegis Húseig-
endafélag Reykjavíkur.
Framsöguerindi flutti á fund-
inum Páll S. Pálsson, hrl., um
fasteignamálin og löggjafarvald-
ið, og Einar B. Guðmundsson hrl.
um frumvarp til laga um stór-
eignaskatt. Umræður hófust með
því að Páll Magnússon, lögfræð-
ingur ræddi um stóreignaskatts-
frumvarpið sem brot á stjórnar-
skránni, ef að lögum yrði.
Fundurinn var vel sóttur og
urðu miklar umræður, er stóðu til
miðnættis.
Formaður félagsins skýrði svo
frá á fundinum, að félagsstjórnin
hafi samþykkt að leita nú þegar
til landssamtaka atvinnuveganna
um skipun sameiginlegrar nefnd-
ar, er taki frumvarpið um stór-
eignaskatt til athugunar.
Að umræðum loknum voru
eftirgreindar tillögur samþykkt-
ar einróma:
I. — Fundurinn telur, að lög
um afnot íbúðarhúsa í kaupstöð-
um, er samþykkt voru á yfir-
standandi Alþingi, þar sem lagt
er bann við að breyta íbúð í at-
vinnuhúsnæði, að viðlögðum allt
að 1 millj. kr. sektum, sé óhæf
lagasetning, er vinni gegn eðli-
legri sköpun viðskiptahverfa í
kaupstöðum.
Ennfremur telur fundurinn að
í sambandi við undanþágur lag-
anna sé félagsmálaráðherra gefið
vald til þess að virða óskir hlut-
aðeigandi bæjarstjórna að vett-
ugi og vítir fundurinn þá stefnu,
að draga sjálfstjórnarvald bæjar-
félaga í hendur ríkisvaldsins.
II. — Fundur í Húseigendafé-
lagi Reykjavíkur, haldinn 13.
maí 1957 ályktar að skora á Al-
þingi að fella frumvarp það um
skatt á stóreignir, sem ríkisstjórn
in hefur lagt fram, af eftirtöld-
um ástæðum:
1. 1 frumvarpinu felst freklegt
brot á 67. gr. stjórnarskrárinnar,
öðrum þýðingarmiklum ákvæð-
um hennar og anda.
2. Ef lánsfjárstofnanirnar f
landinu vantar rekstrarfé til út-
lána, er það gagnstætt venju, al-
rangt og óþarft, að afla þess fjár
með eignaupptöku hjá einstak-
lingum, enda eiga lánsfjárstofn-
anirnar að fá útlánafé sitt endur-
greitt að fullu hjá lántakendum.
3. Frumvarpið myndi, ef a3
lögum yrði, auka enn verðbólg-
una, skapa mikið öryggisleysi og
ótta við löggjafarvaldið, lama
stórlega athafna og framkvæmda
vilja þjóðarinnar, með ófyrirsjá-
anlegum aflelðingum fyrir fram-
tíðarafkomu hennar.