Morgunblaðið - 17.04.1958, Side 18

18
MORCVNfíL 4Ð1Ð
Fimmtudagur 17. apríl 1958
Sfandast handknattleiksmenn í. R.
prófraunina í kvöld?
1 KVÖLD verður Islandsmótinu í
handknattleik haldið áfram og
fara fram 3 leikir, einn í 3. fl
karla og 2 i meistaraflokki. Nú
dregur að lokum mótsins, og eyK-
ur það mjög á tvísýnuna að 3 fé-
lög hafa möguleika á meistara
titlinum. Eru það ÍR, FH og KR.
ÍR og KR mætast í kvöld. Sá
leikur getur þýtt úrslit, því vinni
ÍR eða nái jafntefli getur fátt
stöðvað þá á ieiðinni til meistara-
titilsins í ár.
Vinni KR eiga þeir enn eftir
að mæta FH, svo sja má að mótið
hefur sennilega aldrei verið eins
spennandi og i ár.
Staða efstu liðanna í meistara-
flokki er þannig:
ÍR 6 6 0 0 164 195 12
KR 6 6 0 0 135 90 12
FH 7 6 0 1 174 105 12
Fram 7 3 1 3 151 125 rr
Ármann 5 2 1 2 85 102 5
A fimmtudag heldur mótið
áfram. Þá leika:
3. fl. karla: Ármann—FH, úrslit
M. fl. karla: Fram—Víkingur
M. fl. karla: ÍR—KR
□--------------□
Meistarar Ármanns i 2. flokki karla.
Armenningar keppn í Eyjum
Tvö ísl. met
Á SUNDMÓTI í Hafnarfirði í
fyrrakvöld setti Guðm. Gíslason
ÍR, ísl. met í 50 m baksundi.
Synti á 30,9 sek. og bætti fyrra
met sitt um 1 sek. Ágústa Þor-
steinsdóttir, Á, setti ísl. met í 50
m skriðsundi á 30,2, en gamla
metið er hún átti sjálf, var 30,3.
— Mörg Hafnarfjarðarmet voru
bætt.
□------------------□
Sundmót 'i
Keflavik
KEFLAVÍK, 16. apríl. — Sl.
sunnudag var háð hér bæja-
keppni í sundi milli Keflavíkur '
og Akraness. Fór keppnin fram í
sundhöll Kefiavíkur, og voru á-
horfendur margir. Keppnin var
mjög skemmtileg, og lauk henni
með sigri Keflvíkinga, sem hlutu
51 stig móti 37 stigum Akurnes-
inga. Keppnin stendur nú þann-
ig, að hvor bær um sig hefir fjpra
vinninga. Næsta ár mun keppnin
fara fram á Akranesi, og vinnst
þá bikar sá, sem keppt er um til
eignar. — Ingvar.
UM páskana fóru íslandsmeistar-
ar Ármanns í 2. aldursflokki í
körfuknattleik til Vestmanna-
eyja. Var förin farin í boði
íþróttafélags Vestmannaeyja og
sá Eiríkur Guðnason um móttök-
ur allar, en Páll Steingrímsson
fylgdi Ármenningum um Eyjarn-
ar. Fararstjóri Ármenninga var
Hallgrímur 'Sveinsson.
I ferðinni voru leiknir tveir
leikir. Ármann vann báða, hinn
fyrri 71:31 og hinn síðari 55:30.
Fyrri leikurinn var leikinn gegn
yngri leikmönnum.
Ármenningarnir sem æft hafa
vel og haldið vel saman ljúka
miklu lofsorði á móttökurnar, og
senda félögum sínum í Eyjum
beztu þakkir.
Drengjahlaup
i Keflavik
KEFLAVÍK, 16. apríl. — í gær
fór fram drengjahlaup, sem Ung
mennafélag Keflavíkur stóð fyr-
ir. Voru þátttakendur 23, og vega
lengdin, sem hlaupin var, tæpir
2 km. Fyrstur var Hólmbert
Friðjónsson á 5:59,6 min og ann-
ar Agnar Sigurvinsson á 6:00,4
mín. Hlaup þetta er eins konar
úrtökumót fyrir drengjahlaup
Ármanns, sem jafnan er haldið
fyrsta sunnudag í sumri ár hvert.
íngi R. hlaut
10 vinninga
aí 11 mögulegum
SÍÐASTA umferð á skákþingi ís-
lands var tefld á þriðjudaginn og
urðu úrslit þessi:
Lárus Johnsen vann Kára Sól-
mundarson, Haukur Sveinsson
vann Eggert Gilfer, Kristján
Theódórsson vann Halldór Jóns-
son, Jón Kristjánsson vann Stíg
Herlufsen, Ingi R. Jóhannsson
gerði jafntefli við’Pál G. Jóns-
son og Ingimar Jónsson gerði
jafntefli við Ólaf Magnússon.
íslandsmeistari í skák varð
Ingi R. Jóhannsson með 10 vinn-
inga og næstir urðu: Ingimar
Jónsson 8, Páll G. Jónsson 6, Jón
Kristjánsson 6, Lárus Johnsen
5Vz, Halldór Jónsson 5%, Kári
Sólmundarson 5%, Haukur
Sveinsson 5%, Ólafur Magnússon
5, Eggert Gilfer 5, Kristján Theó-
dórsson 4 og Stígur Herlufsen
engan.
Hraðskákmót íslands verður
háð í Sjómannaskólanum og
verða undanrásir tefldar föstu-
daginn 18. apríl, kl. 19.30. Öllum
er heimil þátttaka.
— Brezka tillagan
Frh. af bls. 3
ríkjanna, og þótt það verði ef til
vill ekki tillaga Kanadastjórnar
óbreytt, sem endanlega kemur til
atkvæða við lokaafgreiðsluna í
landhelgisnefndinni, þá hefir með
afstöðu Bandaríkjanna því sjón-
armiði mjög eflzt fylgi, að strand
ríki sé heimilt að marka sér belti
utan hinnar eiginlegu landhelgi,
þar sem það njóti einkafiskveiði-
réttindi allt til 12 mílna frá
grunnlínunum. Hins vegar halda
Bandaríkin því enn sem fyrr fast
fram, sem áður segir, að hin eigin
lega landhelgi, að öðru en fisk-
veiðiréttindunum, skuli markast
við þrjár mílur. Eru það helzt
rök þeirra fyrir því sjónarmiði,
að siglingar og ekki síður flug-
umferð yrði ella tept af þeim
ráðstöfunum, einkum sökum þess
að erlendum flugvélum er bann-
að að fljúga yfir landhelgi, án
þess að fá til þess leyfi viðkom-
andi ríkis.
Um brezku tillöguna hafa hins
vegar ýmsir fulltrúar hér á ráð-
stefnunni látið þau orð falla, að
hún komi bæði of seint fram og
gangi of skammt. Og víst má
segja, að nokkurt sannleikskorn
sé í þeim ummælum fólgið.
Mjög litlar horfur eru á að hún
fái þann aukna meirihluta á ráð-
stefnunni, % hlutar greiddra at-
kvæða, sem þarf til samþykktar
tillagna. Hafa ýmis ríki getið. þess
í umræðunum, svo sem Indland,
að að þessu leyti sé brezka til-
lagan lítils virði sem sáttatillaga,
hún gangi of skammt. Segja má
einnig að vafalítið hefði Bretum
reynzt auðveldara að afla tillögu
sinni nokkurs fylgis hefðu þeir
borið hana fram strax í upphafi
ráðstefnunnar til samkomulags.
Þeir tóku hins vegar þann kost-
inn fyrstu fimm vikurnar að
standa ósVeigjanlegir á aldagam-
alli afstöðu sinni, sem þeir vissu
að átti sáralitlu fylgi að fagna.
Nú horfa málin hins vegar öðru
vísi við. Tillagan, sem í upphafi
hefði ef til vill auðveldað sam-
komulagið á þeim grundvelli sem
hún var byggð, kemur nú mörg
um fulltrúum fyrir sjónir sem
eins konar úrslitakostir, er Bret-
ar setji ráðstefnunni, lengra sé
útilokað að þeir teygi sig til sátta,
eins og Sir Reginald reyndar tók
fram í ræðu sinni 2. apríl.
Af þessum ástæðum má segja,
að vafamál sé hver ávinningur
það hefir reynzt brezku sendi-
nefndinni, brezku stjórninni, að
hverfa frá hinni eldri afstöðu
1 sinni og lúta nú loks að sex mílna
markinu.
Gunnar G. Schram.
— Utan úr heimi
Framh. af bls. 10.
girnast hana til minningar um
daginn.
Þegar Margrét ríkiserfingi
verður 21 árs muh hún fá eigið
heimili í Amalienborg — en þar
var mikið um dýrðir í gær, mik-
ill fjöldí gesta heimsótti konungs
hjónin og börn þeirra og skotið
var af 21 fallbyssu ríkiserfingj-
anum til heiðurs.
Fyrsta stóra verkefnið, sem
Margréti verður fengið, er að
taka á móti Paul Henri Spaak,
framkvæmdastjóra Atlantshafs-
bandalagsins, sem kemur innan
skamms til Kaupmannahafnar
vegna ráðherrafundar bandalags-
ins. Mun ríkiserfinginn hafa boð
inni fyrir Spaak, en Friðrik kon-
ungur verður þá í Englandi. —
Benedikta prinsessa stundar nám
í Englandi í vetur, en fékk leyfi
frá skólanum í tilefni afmælis
Margrétar — og mun Friðrik
fylgja dóttur sinni aftur til skól-
ans.
—• Grænlandsmálið
Frh. af bls. 11.
vegna að þau eru hluti þjóðarsál-
ar íslands. Þeir munu því einnig
þekkja samband Grænlands við
ísland á miðöldunum og þær
miklu fórnir, sem íslenzka þjóðin
færði við landnámið í glötuðum
mannslífum. Þeir sanna einnig
með afstöðu sinni, réttsýni sína,
því er öruggt að þeir múnu telja
rétt að ísland fái að njóta réttar
sins á Grænlandi, ef hann er enn
þá fyrir hendi. Hins vegar er
málflutningur hr. Sn. J. hinn
mesti hvalreki þeim mönnum, er
hann telur dæmda til ósigurs og
fyrir þá sem vilja halda til baka
öllum hlutum sem frá íslenzku
þjóðinni voru teknir á undirok-
unártímunum, því sá málflutn-
ingur er fyrir þá menn, eius og
að rétta drukknandi manni bjarg
línu. Ég vil í allri vinsemd benda
bæði honum og öðrum á, sem
komið hafa með þá firru, að um-
ræður um Grænland, torveldi
lausn handritamálsins, að ef þeir
í raun og veru vilja heillavæn-
lega lausn þess, þá ættu þeir
ekki á þann veg að ganga í lið
með andstæðingum þess. Hins
vegar er þeim mönnum vorkunn,
sem hafa jafnríka ábyrgðartiÞ
finningu og hr. Sn. J. Það er bara
tjón að hennar skuli helzt gæta,
þegar íslendingar eru að reyna
að endurheimta það, sem frá
þeim var tekið, á undirokunar-
tímunum, og þá lýsa sér í því að
blygðast sín fyrir það, að fslend-
ingar hafa manndóm til að láta
það í ljósi og setja fram rök sin,
samanber hér á undan, og einn-
ig að þegar landhelgisdeilan stóð
yfir, við Englendinga, þá taldi
hann í simtali við undirritaðan,
að íslendingar væru búnir að
verða sér til skammar í því máli.
Greinilegt er því, að hér hefur
sagan endurtekið sig. Bókaútgef-
andinn og bóksalinn hr. Sn. J.
blygðast sín fyrir þjóðarinnar
hönd, að ýmsir málsmetandi
menn hafa haft manndóm, til að
vekja athygli á þeim atriðum,
sem þeir telja að fósturjörð
þeirra eigi rétt á að sé skilað til
baka, frá tímum undirokunar-
innar, af því sem frá henni var
tekið þá. Hann blygðast sín einn
ig fyrir að dagblöð landsins,
skuli ljá þeim málflutningi rúm.
Það má segja um þennan fyrrver-
andi bókaútgefanda og bóksala
að hann sé sérstæður fulltrúi
hins almenna ritfrelsis. Mér virð
ist nú samt, að þessi sjónarmið
samrýmist ekki vestrænni hugs-
un, um ritfrelsi. Hann lýsir þenn
an málflutning ódæðisverk, og þá
sem flytja hann, því ódæðis-
menn. Gagnvart þeirri nafnagift
segi ég, að þeir skyldu ekki byrja
að kasta steinum, sem í glerhúsi
búa.
Reykjavík, 9. apríl 1958.
Þorkell Sigurðsson,
vélstjóri.